搜索枯腸，竟然一無所獲。最近都唔知係腦退化抑或係腦便秘，成日都諗唔到寫乜好。咁啱琴日又有個蒙面人走嚟留言，都費事諗得咁辛苦嘞，就一於寫佢啦！
其實寫垃圾都唔難，最難係要摷張垃圾相放喺篇度。大家都知啦，跟鴨仔團去旅行，時間好寶貴，冇理由對住堆垃圾都影餐飽啫。幾經辛苦，卒之俾我到一張，影嘅係一堆垃圾，張相本身又係垃圾，真係fit晒！
講到垃圾，如果係自己製造嘅，當然係要自己搞番掂，其實都冇乜好埋怨。最討厭就係嗰外來垃圾，日日都收到一大堆，真係不勝其煩！
今日就收到聯X財務打嚟嘅垃圾電話，竟然話係覆番我之前嘅查詢。呢咁嘅大耳窿，真係避都避唔切啦，我有乜理由會自己送上門啫，真係乜都敢死。早幾日揸打銀行嘅電話仲搞，我明明已經好老牛咁「喂」咗一聲架啦，個姐姐仔仲要稱呼我做「小姐」。我就話我唔係「小姐」啦，點知時間好似突然停頓咗咁，姐姐仔竟然隔咗幾秒先識講對唔住。我當然知道係個database搞錯咗，不過個姐姐仔完全唔識執生，真係唔趕客先怪啦。呢咁嘅垃圾電話，仲要鑊鑊都係喺我最忙嘅時候打嚟，直頭煩到想連電話都掟埋。
相對於垃圾電話，垃圾fax可能仲煩。嘥晒fax紙唔在講，最弊係好多時收垃圾收到冇晒紙，連緊要嘅fax都入唔到。好在我屋企冇fax機，少咗呢樣麻煩。不過以前喺公司就試過俾垃圾fax騷擾，真係唔知好嬲定好笑。話說以前有個舊同事，簡直係一個問題少女，借落周身債就玩失蹤，搞到大耳窿追債追到上公司。後來公司梗係炒咗佢啦，點知佢竟然玩報復，晚晚send幾十張垃圾fax返嚟。最搞係內容全部都係針對部門嘅男同事，話A君乸型、B君搞機、C君性無能、D君有性病、E君生愛滋，我都算最好彩架喇，只係俾佢話鹹濕。單擾攘咗成兩個禮拜，最後都係要報警先擺得平。
至於數量最多嘅，就肯定係垃圾電郵嘞，日日都收一大堆。好彩電郵有垃圾過濾功能，可以入到inbox嘅都只係極少數。不過就成日擔心會殺錯良民，次次都要喺個spam folder睇清楚先delete，其實都幾煩吓。真係唔明垃圾電郵有幾大實際效用，日日走嚟煩住晒，搞到神憎鬼厭，人地仲點會幫襯你啫！咁我當然明白，垃圾電郵以量取勝，其實成本好低，只要有極少數人落疊就掂。
不過最令人費解嘅，都算係垃圾留言嘞。我唔係講緊廣告留言，我係指好似琴日個蒙面人咁，走嚟講埋晒九唔搭八嘅。其實又唔係話對呢類垃圾留言好反感，只係唔明人為乜要咁做啫。友以蒙面人嘅身分出現，入嚟我個blog度講埋晒無厘頭，例如「9up」、「抽水」、「好差」之類，理據完全欠奉，又冇提出有針對性嘅反駁。我當然明白呢類人其實好幼稚，而且欠缺分析能力，不過佢地入得嚟留言，點都有目的啩。想表達意見？但係呢類留言根本就冇內容，又表達到乜呢。想令我唔開心？其實我都不知幾開心，有人送上門俾我插，要打發呢低能仔直頭係伊斯執啦。點都好啦，總之我一定係立於不敗之地，因為我擁有對留言嘅生殺大權。其實只要我覺得唔啱睇，㩒個制就可以delete咗佢。垃圾留言雖然係短，但係點都要打幾隻字，而我就只要㩒一個制就可以將佢地消滅，蝕底嘅一定係留言嗰人啦。不過咁，我暫時都未delete過垃圾留言（除咗廣告留言），一來係因為有機會俾我插吓人，但係最主要都係因為我尊重所有留言者！冇錯，入得嚟我個blog留言，就算係垃圾人我都會尊重！
其實寫垃圾都唔難，最難係要摷張垃圾相放喺篇度。大家都知啦，跟鴨仔團去旅行，時間好寶貴，冇理由對住堆垃圾都影餐飽啫。幾經辛苦，卒之俾我到一張，影嘅係一堆垃圾，張相本身又係垃圾，真係fit晒！
講到垃圾，如果係自己製造嘅，當然係要自己搞番掂，其實都冇乜好埋怨。最討厭就係嗰外來垃圾，日日都收到一大堆，真係不勝其煩！
今日就收到聯X財務打嚟嘅垃圾電話，竟然話係覆番我之前嘅查詢。呢咁嘅大耳窿，真係避都避唔切啦，我有乜理由會自己送上門啫，真係乜都敢死。早幾日揸打銀行嘅電話仲搞，我明明已經好老牛咁「喂」咗一聲架啦，個姐姐仔仲要稱呼我做「小姐」。我就話我唔係「小姐」啦，點知時間好似突然停頓咗咁，姐姐仔竟然隔咗幾秒先識講對唔住。我當然知道係個database搞錯咗，不過個姐姐仔完全唔識執生，真係唔趕客先怪啦。呢咁嘅垃圾電話，仲要鑊鑊都係喺我最忙嘅時候打嚟，直頭煩到想連電話都掟埋。
相對於垃圾電話，垃圾fax可能仲煩。嘥晒fax紙唔在講，最弊係好多時收垃圾收到冇晒紙，連緊要嘅fax都入唔到。好在我屋企冇fax機，少咗呢樣麻煩。不過以前喺公司就試過俾垃圾fax騷擾，真係唔知好嬲定好笑。話說以前有個舊同事，簡直係一個問題少女，借落周身債就玩失蹤，搞到大耳窿追債追到上公司。後來公司梗係炒咗佢啦，點知佢竟然玩報復，晚晚send幾十張垃圾fax返嚟。最搞係內容全部都係針對部門嘅男同事，話A君乸型、B君搞機、C君性無能、D君有性病、E君生愛滋，我都算最好彩架喇，只係俾佢話鹹濕。單擾攘咗成兩個禮拜，最後都係要報警先擺得平。
至於數量最多嘅，就肯定係垃圾電郵嘞，日日都收一大堆。好彩電郵有垃圾過濾功能，可以入到inbox嘅都只係極少數。不過就成日擔心會殺錯良民，次次都要喺個spam folder睇清楚先delete，其實都幾煩吓。真係唔明垃圾電郵有幾大實際效用，日日走嚟煩住晒，搞到神憎鬼厭，人地仲點會幫襯你啫！咁我當然明白，垃圾電郵以量取勝，其實成本好低，只要有極少數人落疊就掂。
不過最令人費解嘅，都算係垃圾留言嘞。我唔係講緊廣告留言，我係指好似琴日個蒙面人咁，走嚟講埋晒九唔搭八嘅。其實又唔係話對呢類垃圾留言好反感，只係唔明人為乜要咁做啫。友以蒙面人嘅身分出現，入嚟我個blog度講埋晒無厘頭，例如「9up」、「抽水」、「好差」之類，理據完全欠奉，又冇提出有針對性嘅反駁。我當然明白呢類人其實好幼稚，而且欠缺分析能力，不過佢地入得嚟留言，點都有目的啩。想表達意見？但係呢類留言根本就冇內容，又表達到乜呢。想令我唔開心？其實我都不知幾開心，有人送上門俾我插，要打發呢低能仔直頭係伊斯執啦。點都好啦，總之我一定係立於不敗之地，因為我擁有對留言嘅生殺大權。其實只要我覺得唔啱睇，㩒個制就可以delete咗佢。垃圾留言雖然係短，但係點都要打幾隻字，而我就只要㩒一個制就可以將佢地消滅，蝕底嘅一定係留言嗰人啦。不過咁，我暫時都未delete過垃圾留言（除咗廣告留言），一來係因為有機會俾我插吓人，但係最主要都係因為我尊重所有留言者！冇錯，入得嚟我個blog留言，就算係垃圾人我都會尊重！
你個問題少女同事真過癮，話你咸濕？其實男人咸濕係正常個喎，問題在咸得黎有冇品啫。女人都希望有個有品嘅咸濕男友啦！
回覆刪除至於啲蒙面人，去人地個 blog 到批評及漫罵 blog 主，都只是荏弱行為，夠膽就揭去面紗，報上寶號，等我去拜訪一下，喺佢度學吓嘢嘛！
laulong,
回覆刪除哈哈，個問題少女當然係亂噏啦，我根本就冇鹹濕過佢！至於蒙面人嘅行為，正正說明佢地係幾咁幼稚同冇膽！讀小學嗰陣，就有人成日偷偷地喺其他同學嘅書本上面寫埋「八公」或者「八婆」之類嘅。呢班蒙面人所做嘅，其實同嗰小學生冇乜分別！
果Ｄ蒙面人，一係就戒奶時間太早，一係就戒屎片時間太遲，五歲都用緊屎片，急就即刻呵。所以都好難救架！唯有插多佢幾下屎忽囉！
回覆刪除佛爺：
回覆刪除哈哈，其實我都有同情呢類蒙面人架，戒奶太早或者戒片太遲都唔怪得晒佢地，搞到大個之後成日忽忽痕，都咪話唔可憐！基於普渡眾生嘅菩薩精神，我會盡量滿足佢地生理上（或心理上）嘅需要。當然，我都知班友濫，基本上已經同公廁冇乜分別。不過隔空抽插其實好安全，絕對唔驚會染到愛滋病。幫到人又於己無損，真係何樂而不為！
唔好咁勞氣喇！寫blog首先是娛己並不是娛人嘛！
回覆刪除哈哈！哈哈！哈哈！哈哈！你的治療方法最有效率，唔洗問咁多，對症下棒，實行搵支掃杷棍，直插蒙面怪屎忽，就惦！低成本，高效率治療！
回覆刪除Coffee,
回覆刪除講真，蒙面人入嚟搞事又真係唔會令我勞氣喎。會令我勞氣嘅，只有嗰冇得搞嘅，好似垃圾電話就係其中之一。
佛爺：
哈哈，而家我直頭做埋性治療師添，真係越嚟越搞喇！