2010年8月31日星期二

二十八個半

琴晚睇新聞,話臨時最低工資委員會已經就建議最低工資水平達成共識。雖然發言人唔肯講係幾多,不過有消息話係介乎28到29蚊之間。

唔係事後孔明,我一早就估係28蚊啦,使乜搞咁多啫!資方話唔可以高過24,勞方又話企硬33,分歧真係好大。其實世界上邊有企硬呢回事?!兩個數字加埋除二等如28.5,唔要個零頭就係28。而且香港人好鍾意28,貪佢諧音易發,好意頭。

其實應唔應該就最低工資立法,我當然有自己嘅睇法,但係我唔敢講,驚會俾人打。而家有個數字出咗嚟都好,起碼唔使日嘈夜嘈,樂得耳根清靜。最頂唔順係成日聽到人鬧僱主無良,係吸血鬼。你諗吓,如果20蚊一粒鐘嘅工都大把人爭,佢地做乜要用33蚊嚟請人?香港係一個自由經濟體系,工資同商品價格都係由供求關係決定,唔係話商人想幾多就幾多。而且作為牟利機構,佢地想賺到盡又有乜唔啱?

又講返轉頭,最低工資亦都唔係乜洪水猛獸,睇吓定喺邊個水平啦。觸發結業潮云云,真係靠嚇。無可否認,可能有效率低、缺乏競爭力嘅中小企會執笠。呢個係自由商業社會嘅正常現象,經自我調節,好快就會去返平衡狀態。喺電視新聞裏面,有酒樓發言人話實行最低工資後會加價。呢個講法好合理,絕對可以預見。但係茶客就話酒樓唔應該將增加嘅成本轉嫁俾消費者,應該由企業自己承擔。真係唔明人嘅思維,唔通人地蝕本都要為你提供飲食,你當人地係善堂咩!如果你覺得貴,咪唔好幫襯佢囉。

至於最低工資點先算係合理水平,有意見話唔應該低過攞綜援。呢點我又同意喎,如果每日做足十粒鐘仲得少過攞綜援,捱得咁辛苦究竟為乜?不過呢樣係相對嘅,你話係而家人工太低又得,話係綜援太高(或者俾得太濫)都得。我就唔敢講嘞,費事又俾人打。

我唔係喺度講風涼話,更加唔係唔知民生疾苦。其實我細個時屋企都好窮,而且當時基本上係冇社會福利,生活條件比而家受綜援網保護嘅人仲要差好多。唔只玩具都冇多件,衫都係執親戚唔要嘅舊。放學之後要幫手穿膠花,學彈琴同埋學畫畫之類嘅興趣活動真係諗都唔敢諗。講真,我最有資格抱怨,因為呢都唔係我揀嘅。但係我冇,因為我明白一味埋怨係唔會令生活得到改善。

凡事總有因果,唔係所有都係政府或者社會嘅錯。低薪勞工問題嘅癥結,係人口結構同產業結構嚴重失衡。希望嗰有識之士可以喺呢方面做吓,而唔係獨沽一味幫草根階層爭取福利。至於點解會有咁嘅失衡情況我就唔知嘞,只係覺得呢個係死症,冇計。不過咁,如果一個普通市民都諗得掂,仲要班高官同尊貴嘅議員嚟做乜?

2010年8月28日星期六

旗的啟示

飛狐外傳的後記裏有這樣的一段:

武俠小說中,反面人物被正面人物殺死,通常的處理方式是認為「該死」,不再多加理會。本書中寫商老太這個人物,企圖表示:反面人物被殺,他的親人卻不認為他該死,仍然崇拜他,深深地愛他,至老不減,至死不變,對他的死亡永遠感到悲傷,對害死他的人永遠強烈憎恨。

金老說得極對!就算是十惡不赦的人,他的親人也只會看見他好的一面,而無視他犯了的罪行。能做到大義滅親的,恐怕少之又少。

在冷血兇徒門多薩的葬禮中,家人在他的靈柩蓋上了菲律賓國旗。此舉不單令香港人的不滿,更引來了中國大使館的嚴辭指摘。兇徒家人的做法實在不難理解,畢竟在他們心目中,門多薩永遠是一個好警察、好父親。在我看來,這是極其愚蠢和不識大體的行為。但對於受害者的親人來說,這無異是在傷口裏灑鹽!

對於這事件,我沒有太大的憤怒。首先,我雖然絕對不認同,但他們的做法還是可以理解的。再者,國旗代表了一個國家的尊嚴,把國旗蓋在兇徒的靈柩上,無異是侮辱自己的國家,最應該生氣的是菲律賓政府和人民。

為了想知道菲律賓人的看法,在網上作了一些搜尋。在一個菲律賓網站找到了相關討論,絕大部分留言都對中國的抗議非常反感,認為是干涉菲律賓內部事務。主要論點是菲律賓是一個民主國家,國民舉行喪禮有他們的自由,別國無容置喙。當然也少不了針對中國和香港,而帶有冒犯性質的言論。

老實說,最初還真看得有點動氣。但想深一層,他們甘於自己的國旗被侮辱,樂於接受一個腐敗無能的政府,作為一個外人,我為甚麼要生氣?!他們對自己的過失不作檢討,只懂敵視所有作出批評的人。有這樣的國民,自然就有這樣的政府,這是所謂民主國家的必然定律。不過菲律賓這國家,成就還是有的,她將永遠是世界第一家傭出口國!

我已把菲律賓列為永不踏足之國,這並不是出於對她的敵意,完全是人身安全的考量。對於菲律賓人,其實不必仇視,反正他們也很不幸。但是他們的不幸是自找的,所以也不必同情。對於這國家和她的國民,直接無視就是了!