澳洲有三寶：烏蠅、肥婆、醉酒佬。
相對於東北三寶（人參、貂皮、烏拉草）同廣東三寶（陳皮、老薑、禾稈草），澳洲三寶當然係搞之作。不過就算係搞，都應該有根據先得。去過澳洲三次，肥婆同醉酒佬真係唔多覺。當然啦，去旅行係咁架喇，日頭掛住周圍影相，食完晚飯就返酒店覺覺豬，自然冇乜機會體察民情。至於烏蠅，頭兩次喺澳洲東岸，由Cairns去到Melbourne，都冇乜點見到。直到舊年玩澳洲中西部，先知道烏蠅穩佔三寶之首，絕唔係浪得虛名。
澳洲嘅烏蠅有幾恐怖，其實一早就聽舊同事講過。以前有兩隻馬都係喺澳洲飲過鹹水，佢地講嘅當然冇理由唔信。但係耳聞不如目睹，始終都要自己親身感受，先會知道實際上有幾得人驚。
講番舊年嘅澳洲之旅，首站係Perth，除咗比較熱，呢個成市都算幾舒服。但係日頭就不時有幾隻烏蠅喺身邊飛嚟飛去，感覺上有少少煩。當時已經諗，以澳洲一個咁先進嘅國家，竟然有烏蠅喺大城市當街騷擾遊客，實在唔可以接受。後來去到中部嘅大舊石（Uluru，舊稱Ayers Rock），先知道乜叫做大蛇疴尿，Perth嗰三幾隻烏蠅簡直係小兒科！
同Perth相比，大舊石熱好多，直頭係熱到人都融嗰隻。咁都算嘞，最難頂係烏蠅多到嚇人。其實附近一帶都係半沙漠，真係唔知烏蠅喺邊度嚟。據當地導遊講，有咁多烏蠅係因為畜牧業發達，原來烏蠅係喺牛屎爆出嚟架！導遊又講，其實烏蠅都冇乜害，因為佢地一都唔污糟。吓，咁都得？就算烏蠅身上冇乜菌，不過食屎大嘅就已經夠核突啦！
核突都算嘞，最惡頂嘅係烏蠅好黐人，又鍾意捐窿捐罅，專襲擊眼耳口鼻。而且烏蠅嘅數量又多到驚人，有網上報導話，澳洲嘅「蠅口」同人口比例係一兆比一，都唔知真定假。總之一出到戶外，烏蠅就嬲到成身都係，連行緊都照樣埋身。而且仲趕極都唔走，真係煩死人。
好彩喺當地可以買到一種連住塊紗網嘅烏蠅帽，都叫做可以保護到塊面。不過有辣有唔辣，隔住層紗網，睇點都會有影響，而且影相亦好唔方便。如果有烏蠅飛咗入紗網裏面就仲大鑊，因為變成困獸鬥，面上嘅窿窿會更容易受到攻擊。總之頂帽一戴咗就唔除得，因為再戴番嘅時候，點都會有一兩隻烏蠅跟埋入嚟。就算戴咗烏蠅帽，手手腳腳仍然係冇保護。如果著埋長袖衫褲，又會熱到跳舞，真係攞命！
去過咁多次旅行，都未試過有地方一去到就想走。如果要喺個度長住，真係人都會癲，甚至自殺都有可能。不過好奇怪，當地人通常都唔戴烏蠅帽，亦唔多見佢地趕烏蠅，好似完全冇咁。我覺得嗰度係人間地獄，但係當地人都不知幾悠然自得，真係難以理解！不過諗深一層，每個地方都有唔同嘅實際情況，外人未必可以完全理解，我地又係咪一定要將自己嘅價值觀強加於人地身上呢？
相對於東北三寶（人參、貂皮、烏拉草）同廣東三寶（陳皮、老薑、禾稈草），澳洲三寶當然係搞之作。不過就算係搞，都應該有根據先得。去過澳洲三次，肥婆同醉酒佬真係唔多覺。當然啦，去旅行係咁架喇，日頭掛住周圍影相，食完晚飯就返酒店覺覺豬，自然冇乜機會體察民情。至於烏蠅，頭兩次喺澳洲東岸，由Cairns去到Melbourne，都冇乜點見到。直到舊年玩澳洲中西部，先知道烏蠅穩佔三寶之首，絕唔係浪得虛名。
澳洲嘅烏蠅有幾恐怖，其實一早就聽舊同事講過。以前有兩隻馬都係喺澳洲飲過鹹水，佢地講嘅當然冇理由唔信。但係耳聞不如目睹，始終都要自己親身感受，先會知道實際上有幾得人驚。
講番舊年嘅澳洲之旅，首站係Perth，除咗比較熱，呢個成市都算幾舒服。但係日頭就不時有幾隻烏蠅喺身邊飛嚟飛去，感覺上有少少煩。當時已經諗，以澳洲一個咁先進嘅國家，竟然有烏蠅喺大城市當街騷擾遊客，實在唔可以接受。後來去到中部嘅大舊石（Uluru，舊稱Ayers Rock），先知道乜叫做大蛇疴尿，Perth嗰三幾隻烏蠅簡直係小兒科！
同Perth相比，大舊石熱好多，直頭係熱到人都融嗰隻。咁都算嘞，最難頂係烏蠅多到嚇人。其實附近一帶都係半沙漠，真係唔知烏蠅喺邊度嚟。據當地導遊講，有咁多烏蠅係因為畜牧業發達，原來烏蠅係喺牛屎爆出嚟架！導遊又講，其實烏蠅都冇乜害，因為佢地一都唔污糟。吓，咁都得？就算烏蠅身上冇乜菌，不過食屎大嘅就已經夠核突啦！
核突都算嘞，最惡頂嘅係烏蠅好黐人，又鍾意捐窿捐罅，專襲擊眼耳口鼻。而且烏蠅嘅數量又多到驚人，有網上報導話，澳洲嘅「蠅口」同人口比例係一兆比一，都唔知真定假。總之一出到戶外，烏蠅就嬲到成身都係，連行緊都照樣埋身。而且仲趕極都唔走，真係煩死人。
好彩喺當地可以買到一種連住塊紗網嘅烏蠅帽，都叫做可以保護到塊面。不過有辣有唔辣，隔住層紗網，睇點都會有影響，而且影相亦好唔方便。如果有烏蠅飛咗入紗網裏面就仲大鑊，因為變成困獸鬥，面上嘅窿窿會更容易受到攻擊。總之頂帽一戴咗就唔除得，因為再戴番嘅時候，點都會有一兩隻烏蠅跟埋入嚟。就算戴咗烏蠅帽，手手腳腳仍然係冇保護。如果著埋長袖衫褲，又會熱到跳舞，真係攞命！
去過咁多次旅行，都未試過有地方一去到就想走。如果要喺個度長住，真係人都會癲，甚至自殺都有可能。不過好奇怪，當地人通常都唔戴烏蠅帽，亦唔多見佢地趕烏蠅，好似完全冇咁。我覺得嗰度係人間地獄，但係當地人都不知幾悠然自得，真係難以理解！不過諗深一層，每個地方都有唔同嘅實際情況，外人未必可以完全理解，我地又係咪一定要將自己嘅價值觀強加於人地身上呢？
睇你戴頂帽，好似去非洲打獵咁！
回覆刪除佛爺：
回覆刪除講起去非洲就真係呻笨嘞，上個月去埃塞俄比亞，嗰度烏蠅又係勁多，早知就帶埋頂烏蠅帽去啦！
超討厭烏蠅！一、二隻都容不下！試過有一次係PANASH面包舖，見到一隻烏蠅係啲面包上嬲下嬲下，我即同舖職員投訴，佢哋嘅反應好似沒甚麼大不了的事，仲有少少歧視我的眼神，我以後唔再去PANASH買面包了。
回覆刪除Ayers Rock 影得好靚！
回覆刪除烏蠅潮，我諗起細個時返沙田嘅鄉下，烏蠅都好勁，嗰時鄉下周圍都係牛屎同狗屎，真係惡頂架！
Coffee,
回覆刪除可能係比較鍾意去落後地區旅行，我對俾烏蠅嬲過嘅食物又冇乜喎，只係趕走烏蠅就算，一定唔會要求換過。
Laulong,
講起返鄉下，又等我講吓一次好恐怖嘅經歷。細個有一次跟阿媽返大陸探親，喺一間鋪頭仔食麵。食咗兩啖就發覺有一粒粒黑色好似豆豉嘅，再撥開麵睇吓，原來有成十幾廿粒咁多！嗰當然唔係豆豉啦，結果碗麵梗係冇再食啦，不過有冇得refund就唔記得嘞。
haha, 我有一次直頭俾隻唔知乜(最大可能係烏蠅)飛咗入喉嚨，真係攞命！
回覆刪除laulong,
回覆刪除哈哈，飲啖水，嗗聲吞咗佢，大蟲食細蟲，冇事嘅！