2010年3月31日星期三

𡃁仔

琴日睇咗一篇blog文, 講家陣𡃁仔返工諸多埋怨, 真係好有共鳴.
其實𡃁仔有問題都唔係呢幾年嘅事, 十年前喺舊公司已經見唔少. 佢地主要嘅問題係: 自我中心, 目光短淺, 同埋冇責任感.

𡃁仔成日埋怨人工低, 覺得自己唔止值咁少. 佢地會根據自己嘅評估, 覺得人工係應得嘅五成就交五成貨. 而家當上司盲嘅咩, 結果升職加薪咪冇佢地份囉. 呢就係目光短淺. 受得工司份糧又冇盡力去做, 就係冇責任感. 其實盡力做好對自己都有好處, 一來上司會睇到, 自己又可以吸收多經驗. 其實嫌人工少咪過第份囉, 真係唔知𡃁仔點諗!

以前喺廣告公司做, 不過係後勤部門. 因為嗰行人特別鍾意玩跳槽, 所以張顧傭合約比較辣, 辭職要兩個月通知. 有日有個𡃁仔遞信俾我, 話到份新工, 仲問我可唔可以早放佢走. 梗係得啦, 補錢俾公司囉. 點知佢好慘情咁, 話唔想賠錢, 仲話張約好唔公平, 出面根本冇公司肯等兩個月, 即係叫人成世唔使轉工啫. 真係俾佢吹到啤一聲! 份約又係你自己簽嘅, 你簽約嗰陣唔知要兩個月通知嘅咩? 換轉係公司即炒你, 公司都要補返兩個月糧俾你啦, 所以份約絕對公平. 跟住佢就問點解之前阿邊個可以早走又唔使賠錢, 話我分明玩佢. 又係啤一聲! 玩你? 你估我好得閒咩, 定係你覺得自己好好玩? 之前放阿邊個走係因為請到人替佢個位, 而家部門仲有另外一個空缺都未請返, 有乜可能會放你走呢吓? 想我幫你? 你又試吓喺我嘅角度睇, 你辭工即係炒公司魷魚, 喺部門人手短缺嘅時候咁做即係攪我檔攤, 點解你又唔可以幫吓我呢? 個𡃁仔卒之冇聲出.

如果到另一份好工, 人地又肯等一個月嘅話, 咪賠返一個月糧俾公司算囉, 使乜搞到搲爛塊面呢? 相對於以後嘅大好前/錢途, 一個月糧溼溼碎啦. 如果真係覺得留喺度好冇前途, 不如索性遞咗信先慢慢, 有同事真係咁樣做架. 所以話呢, 𡃁仔真係目光短淺.

其實我又冇怪佢. 佢平時做好有交帶, 間中仲有user表揚吓添, 只係思想唔多夠成熟啫.

呢個都算好喇, 另外有一個仲吹漲. 佢又係遞咗信想早走, 仲話其實公司夾硬留多佢一個月都冇好處, 因為佢都唔會有心機做. 吓, 而家你算係恐嚇我呀? 雖然佢冇講到明, 不過我梗係get到佢嘅意思啦. 冇心機做就會好易出錯, 到時搞衰咗就唔好啦. 真係俾佢吹到啤啤聲! 一日受緊公司份糧, 就要俾心機做啦, 一責任感都冇! 佢都唔諗吓, 以佢咁嘅態度, 封reference letter都唔慌會有好啦. 而且有公司仲會員工嘅舊顧主問返佢嘅添. 咁樣搲爛塊面又有乜好處呢? 有時真係俾𡃁仔激到嘔血!



2010年3月30日星期二

地鐵站

到外國的大城市旅行, 如果想自己在市內走動, 地鐵是最好的選擇. 對遊客而言, 地鐵只是交通工具, 並沒有特別的吸引力. 不過像倫敦和紐約那麼有名的地鐵, 還是會慕名坐他一坐. 但感覺也沒甚麼特別, 除了覺得很殘舊, 再沒別的印象. 能成為旅遊景點的, 也許只有莫斯科地鐵. 遊客在莫斯科坐地鐵的主要目的就是要看它的車站. 特別處在於站站有不同的主題和風格, 有的古典優美, 有的富麗堂煌, 不一而足. 被譽為世界上最漂亮的地鐵, 可謂實至名歸.

然而, 莫斯科地鐵站的盛名, 不獨吸引了無數遊客, 也為自己招來了厄運. 昨天, 懷疑車臣恐怖組織於莫斯科地鐵站發動了兩起自殺式炸彈襲擊, 造成了百多人傷亡, 遊客天堂頓時變成人間地獄. 正在當地的香港旅行團也紛紛取消了參觀地鐵站的行程, 平白錯失了這世界聞名的景點.

至於香港的地鐵, 車站設計千篇一律, 絕無驚喜可言. 不過香港的地鐵勝在效率高, 而且夠安全. 其實活在香港也算相當不錯了, 有時覺得很多人真是身在福中不知福.



2010年3月29日星期一

乜人嚟架?!!

受非凡航空停飛影響, 有班人被迫滯留澳門, 都唔知幾時有得飛. 佢地都係因為貪平累事, 其實真係唔多抵可憐, 都話平冇好架啦! 不過佢地又真係幾慘嘅, 做人應該有同情心, 落井下石呢家非君子所為, 咁就唔恥笑佢地啦. 點知琴晚睇新聞, 班友居然起澳門機場發爛渣, 拉人鏈阻止其他旅客登機, 企圖或意圖迫有關當局介入. 嘩, 呢班乜人嚟架?!! 所謂"己所不欲, 勿施於人", 冇得飛有幾慘佢地自己最清楚, 點可以要其他無辜嘅旅客同佢地攬住一齊死架! 點解有人可以咁自私嘅呢, 真係諗到頭都爆都諗唔明. 其實佢地想引人注意仲有好多其他方法啫, 好似靜坐啦, 絕食啦, 再唔係激, 玩自焚又得! 不過大前提係 -- 唔好影響到其他人, 要玩唔該死出機場外面玩! 又要貪平, 衰咗之後又要連累無辜, 呢班人真係唔抵幫架!

咁張相裏面嗰個又係乜人嚟呢? 之唔係西洋問米婆囉, 喺夏灣拿影架. 論驚嚇度, 真係同龍婆有得揮!

2010年3月28日星期日

小美人魚


從報章得知, 丹麥的國寶"小美人魚"已經展開世博之旅, 啟程前往遙遠的東方. 這是她百年來首次離鄉別井, 到國外當親善大使.

說實話, 作為一件雕塑藝術品, 小美人魚實在沒甚麼特別. 她之所以聞名於世, 當然是歸功於安徒生的童話. 離開了故鄉的海邊, 她只不過是一座不太起眼的塑像, 徒具其形而沒有靈魂.

事實上, 對於小美人魚出訪上海, 丹麥國內也有不少反對聲音. 她最終能夠成行, 也只是再一次印證了中市場的強大吸引力而已.