2011年3月17日星期四

盲目愛國?

早兩日睇校長篇鴻文「日本地震,我們學懂了甚麼」,見到有位匿名人留言,話反對盲目愛國主義,留言原文係咁嘅:
「如果有適當和合理的數據去支持,
提出疑問和質詢並不算是窩反,
盲目相信任何一方並不是愛國,
只會造就當權者懶惰和愚民,
能夠公正對政權提出監控才是真正為人民、國家好,
因為這些的思想下,
國家才會進步,
反對盲目愛國主義!」

其實我喺之前嘅留言就批評過某人最鍾意「窩反」,我唔敢肯定匿名人嘅留言係咪衝住呢點而嚟。不過係唔係都好,我都覺得佢提出嘅觀點好值得討論。

我唔係要反駁匿名人嘅觀點,其實啱啱相反,我絕對同意佢講嘅每一句。問題係,究竟香港又有幾多盲目愛國嘅人呢?我唔敢講話冇,不過就算有,點都唔夠盲目仇視中國嘅人多。

成日都見到批評中國嘅言論,真係多到鋪天蓋地。中肯嘅當然有,但係無的放矢嘅可能更多。有政客同傳媒專鬧中國,其實可以理解,因為咁做有市場。就係因為有班盲目仇視中國嘅人,所以友先鬧到欲罷不能。

話人盲目仇視中國,唔止因為佢地鬧得夠狠而又理據欠奉,更係因為佢地根本就恥為中國人。大家都知道,好多香港人到今時今日仲唔肯承認自己係中國人。有人甚至話攞住本特區護照去旅行,俾個中國國徽映衰晒。班友咁嘅態度好明顯係自欺欺人,而且對自己一好處都冇,唔係盲目係乜呢?

生為炎黃子孫我地冇得揀,不過國籍就絕對可以選擇,唔鍾意做中國人咪移民囉,日鬧夜鬧又有乜謂呢?當然啦,未必個個想走嘅都可以走到。對於呢人嚟講,盲目愛國可能仲好,因為個心會舒服。與其亂鬧一餐,不如用寶貴嘅時間嚟裝備自己,話唔定可以脫離中國嘅魔掌呢!

我自問一都唔算愛國,因為我冇打算為國家付出乜。為國捐軀肯定冇我份,食煙食到肺癌死就有可能。我份人好功利,冇作用嘅唔會做。我相信每人都有自己嘅崗位,做好本份已經可以。唔係人人都需要治國平天下,不過起碼要做到修身齊家。奉勸盲目仇視中國嘅人,唔好再浪費時間嘞,努力裝備自己,擴闊視野,咁先係對自己最有利!

11 則留言:

  1. 唉!係喎!都無唯意,真係好多盲目仇視中國既人喎!

    回覆刪除
  2. 佛爺:
    其實點止呀,有人盲目相信自己、有人盲目相信權威、有人盲目相信傳媒、總之乜都有得盲啦!

    回覆刪除
  3. 你仲抽水.抽水哥.

    回覆刪除
  4. 盲目愛國又好,盲目仇國又好,
    都唔知幾時成為了人性的一部份。
    我無數據支持呀!
    果位匿名咁崇拜數據,
    叫佢去用數據推翻人囉。
    佢既留言,咪又係得把口講......
    死蠢既人又多一個......
    哈哈。

    回覆刪除
  5. 12:33 匿名:

    你知唔知乜嘢叫抽水呀?

    還是你嘅詞彙就得哩幾個字,食飯拉矢發開口夢叫床都係哩幾個字呢?

    唉你思想咁鬼殘障,咪出哩獻世喇!

    回覆刪除
  6. 12:33 匿名:
    我喺自己個blog寫,唔知又抽咗邊個水呢?莫非,你就係嗰個匿名人?你唔會報警話我非禮你啩,我好驚呀!見你咁有興致光臨寒blog,就話定俾你知啦,我聽日就寫你喇,記住再嚟睇喎!

    laulong,
    話時話,呢個鍾意話人抽水嘅蒙面人,真係好似無處不在咁喎,度度都見到佢留低嘅穢漬。條友得閒冇做,周圍走去人地嘅blog蒙面打飛機,睇嚟又係一個浪費青春(或精X)嘅失敗者!

    回覆刪除
  7. 佢夠膽黎我到?未除褲我就一腳伸佢出門口!

    回覆刪除
  8. laulong,
    哈哈,醒佢一狠狠嘅撩陰腿,咁就真係造福blog界,功德無量呀!

    回覆刪除
  9. 睇你同校長既反駁真係好過癮。

    回覆刪除
  10. 佛爺:
    哈哈,講到插人,梗係要一唱一和先過癮啦!

    回覆刪除
  11. 今天,日本人說讓中港澳人士,要到指定機場落機,還要驗肺!
    你老X!
    今天開始,要:
    罷坐日本車,
    罷食日本壽司、糖果、稻米、杯面、拉面
    罷打日本遊戲機,
    罷用日本牌子的電視、手機、fax機、鉛筆、原子筆、擦膠、洗面奶、洗衣機、雪柜、相機
    罷看日本 AV
    罷坐日本航空的飛機,到日本旅遊
    罷,移民到日本

    回覆刪除