2011年3月13日星期日

每樣都有個價錢

琴日講開神棍蔥,真係有欲罷不能添,咁極品嘅經典,就算連續寫一個禮拜都肯定夠料。條友起碼創造咗兩項香港紀錄,甚至話係世界紀錄都有可能。

第一項紀錄係最低支持度。雖然唔敢肯定係咪前無古人後無來者,不過就算有都只係可以平佢嘅紀錄,因為根本就冇可能低過零支持。以我喺網上所見,全部評論都係插條神棍嘅,呢種情況真係前所未見。事實上,就算係癲狗、長毛、兩任突首、甚至係嗰件帶埋個仔周圍搞事嘅肥膏,都仲會有人撐,而神棍蔥竟然連一個粉絲都冇!

第二項紀錄係最低性價比。條友嘅肉金居然高達二十億,真係匪夷所思。呢個當然係天文數字,不過算唔算係紀錄都好難講。但係講到條友嘅質素,無論係外形、學識、抑或涵養,喺全港男性之中,極有可能屬於最差嗰1%。咁樣計起上嚟,佢賣嗰個絕對係無可超越嘅天價!當然啦,佢會唔會有我地睇唔到嘅卓越性能,就真係不得而知嘞。條友叫得做神棍,可能有不為人知嘅特長都話唔定,咁就要問米婆問吓小鹹鹹先知喇。

提到小鹹鹹,我又想講吓一個好奇怪嘅現象。有網民(相信係男網民)提出一個好有趣嘅問題,話以小鹹鹹咁驅風,究竟要收幾多肉金先肯上。估唔到大部份人都話冇得傾,就算幾多錢都唔肯制。對於咁嘅答案,我就懷疑人係口不對心嘞。

我相信每一樣都有個價錢,人亦唔例外。買唔買或者賣唔賣,只係睇個價錢合唔合理。而所謂價錢,亦唔係只限於金錢,總之喺交易中要付出嘅都算。講真,我就唔相信世界上有咁多無價之寶嘞。對於嗰條問題,我嘅答案好簡單,完全係睇有幾多肉金,具體上就係好似以下咁:

二十億:肯定𦧲飯應!
二億:同上
二千萬:都係𦧲飯應,但係心裏面有委屈就難免
二百萬:基本上會制,不過都要睇吓服務範圍
二十萬:多數唔會制,除非係好簡單嘅服務
二萬:No way!

唔知各位男網友又會唔會都有一個咁嘅價目表呢?



6 則留言:

  1. 呵呵,我個價....係冇嘅!

    因為根本冇女人會揾我哩個阿伯!

    回覆刪除
  2. laulong,
    哈哈,唔使咁謙嘞!連神棍蔥咁嘅質素都可賣到個天價,其實全港嘅成年男性都應該幫自己諗定個價目表啦!

    回覆刪除
  3. 「豬玉」在前激起千層浪!恍然大悟,原來有價!:))
    喔~一定有價有市!

    回覆刪除
  4. Coffee,
    自從神棍蔥單曝咗光,全港男士都覺得自己嘅身價唔止廿億,不過出得起錢嗰個買家都去咗賣鹹鴨蛋,睇怕都係有價冇市架喇!

    回覆刪除
  5. 價錢要視乎服務範圍:

    二十萬 
    拖手仔

    二佰萬
    拖手仔 + 老漢推車

    二千萬 
    拖手仔 + 老漢推車 + 觀音坐蓮

    二億 
    拖手仔 + 老漢推車 + 觀音坐蓮 + 傳統式

    二十億 
    拖手仔 + 老漢推車 + 觀音坐蓮 + 傳統式 + 69式

    二佰億 
    拖手仔 + 老漢推車 + 觀音坐蓮 + 傳統式 + 69式 + 嘴對嘴接吻

    回覆刪除
  6. 佛爺:
    哈哈,原來嘴對嘴接吻係最難啃嘅,所以要收得最貴!咁我明白喇,法律超人唔肯同白姐姐打車輪,可能係因為白姐姐出手太低!

    回覆刪除