2011年3月9日星期三

碩鼠

琴日鬧完班瞓街老鼠,條氣都仲未順番晒,點知又俾另外一隻碩鼠激親。當然啦,用「碩鼠」只係為咗丟書包,如果講得直接,就係一隻肥鼠乸。

話說碩鼠帶埋隻小鼠去遊行,行完晒都仲意猶未盡,跟埋班瞓街老鼠佔據馬路。從電視新聞片段見到,佢拖住隻老鼠仔喺鼠群中漫步,都不知幾寫意。點知樂極生悲,後來警察清場,喺混亂中隻老鼠仔中咗胡椒噴霧,喊到阿媽都唔認得。單經傳媒廣泛報導,碩鼠即刻成為眾矢之的。後來李笑光局長更高調評擊碩鼠嘅行為,話係利用細路做政治抗爭工具。

班鼠輩從來都只有佢地鬧人嘅啫,而家俾人批評,唔嬲就勢係假啦。碩鼠就即刻反擊,佢話表達意見有問題咩?!仲話帶埋個仔去班鼠輩嘅瞓街party,係俾佢上公民教育堂喎。

聽到碩鼠嘅高論,我又真係忍唔住要講兩句嘞。首先我認同動物都有表達意見嘅權利,就算對勁討厭嘅老鼠亦要一視同仁。但係喺文明社會,表達意見一定要用合法嘅方式進行。班鼠輩佔據咗條馬路,點睇都係違法啦,阻街或者非法集會,是但一條都隨時可以入罪。難為碩鼠仲話係公民教育,計我話係流氓教育就真!

就算唔理誰是誰非,做阿媽嘅亦都考慮個細路嘅安全。喺咁兵荒馬亂嘅環境,如果有乜依郁,條塞竇窿根本就保護唔到自己,真係踩都俾人踩死啦。我絕對相信警方唔係有心要噴隻老鼠仔,但係一隻小鼠混喺成班鼠輩當中,睇唔到都係好正常嘅事。總之閒事莫理,險地莫企,想條命仔長就唔好搞咁多。

不過我最睇唔順眼嘅都唔係以上呢,話我鼠身攻擊都要講架嘞,就係隻碩鼠實在太樣衰!本來生得醜唔係佢嘅錯,但係佢絕對唔應該咁高調搏出風頭。睇見佢講嗰副嘴臉就真係把幾火,如果係人類,我會用八婆嚟形容,但係對於呢隻碩鼠,都唔知應該講乜好。

等我又俾建議隻碩鼠,如果要俾個仔上公民教育堂,帶佢去參加瞓街party就真係太細眉細眼嘞。佢應該即刻買兩張機票,帶埋條塞竇窿飛去利比亞,見識吓人地嘅茉莉花革命,咁先至可以擴闊眼界架嘛!

本來碩鼠係指殘民以自肥嘅貪官,不過呢樣喺香港已經唔多見,反而高舉民主義旗嘅碩鼠係就越嚟越多。呢鼠輩將民主據為己有,只有佢地先有資格講民主,其他持不同意見嘅都被打成反動派。從呢個角度睇,班民主碩鼠又同詩經講嘅嗰有乜分別呢?!

5 則留言:

  1. hahaha, 走出課堂,衝出香港,去利比亞最好喇,可以體驗埋啲火箭炮!

    嗰隻碩鼠真係好樣衰!唉,我不嬲都唔攻擊人地個樣,但佢真係好面目可憎咯!

    回覆刪除
  2. laulong,
    係呀,嗰鼓吹茉莉花或者紫荊花革命嘅人都應該去利比亞見識吓,親身體驗吓血肉橫飛係幾咁澎湃激情!至於嗰隻碩鼠,樣衰係源自佢嘅態度,佢講時嗰種懶醒嘅神情真係令人作嘔!所謂相由心生就係咁解嘞!佢嘅高論完全冇料到,處處犯駁,明係蠢又要扮醒,簡直係自暴其短!

    回覆刪除
  3. 呢件事,只要我一代入孩子的角色,心就特別難受!

    回覆刪除
  4. 既然你都鬧佐佢,我都鬧埋一份,正一臭八婆,裸個仔的安危,呢比自己出風頭。

    回覆刪除
  5. Coffee,
    表面上睇起嚟,受害嘅係個細路,但係其實付出代價嘅,將會係整個社會!

    佛爺:
    哈哈,鬧得好!呢條八婆真係害人不淺呀,佢已經喺香港播下咗一粒暴力嘅種子喇!

    回覆刪除