2011年1月22日星期六

你幾時死?

環保團體同尊貴議員話香港空氣污染嚴重,影響港人肺功能。反吸煙人士同尊貴議員力斥政府控煙不力,令市民減壽。病人權益組織同尊貴議員批評公營醫療千瘡百孔,事故頻生,令人心寒。

原來香港危機四伏,聽落真係好得人驚。成日吸埋晒廢氣同二手煙,個肺遲早出事,要入廠大修。入到醫院,如果唔好彩發生醫療事故,隨時就係咁大。我啱啱先知道天命咋,仲想對耳可以順吓架。

真係越諗越驚,等我上網摷吓香港人嘅平均壽命有幾歲先。嘩,簡直令人難以置信,原來香港人好長命架,平均有超過八十歲!香港人嘅平均壽命竟然位於世界前列,比英美呢民主國家仲長,只係僅次於日本,真係天理何在!香港樣樣都差,又冇民主,人居然會咁長命。乜民主唔係靈丹妙藥,有咗就連命都可以長嘅咩?而蘿蔔頭作惡多端,居然仲會係世界最長命,你地話係咪冇天理丫!

哈哈,卒之俾我諗通喇!蘿蔔頭喪盡天良,死咗梗係要落地獄啦,所以佢地咪唔敢咁早死囉。而歐美人士熱愛民主,佢地肯咁快移民天國,當然係因為嗰度比人間更民主啦。咪住,諗落又唔係好通喎,都冇聽過話天父係普選出嚟嘅。

點都好啦,總算放下心頭大石,睇嚟唔止耳順,連從心所欲都有可能添呀。不過又奇怪嘞,點解進步人士同尊貴議員又講到香港咁差呢?究竟佢地係危言聳聽定身在福中不知福呢?唔通真係要等到香港人個個都長命百歲,佢地先覺得合格?

講開又講,進步人士又真係好怪雞吓,有連八十幾歲命都唔滿意,而有又嫌命長喎。有班友就最鍾意搞埋晒高危動作,好似瞓馬路、擒高擒低、同埋衝擊警方防線。意外嘅真係好難講,一陣樂極生悲,無啦啦做咗烈士就唔好啦。琴日就有單咁嘅嘞,進步人士小頭目豬凱迪硬闖菜園村港鐵施工地盤,結果俾個保安撻咗一,搞到要入廠維修。嗱,係咪樂極生悲呢!

事後條友竟然話人地暴力襲擊佢,又批評警方見到佢俾人撻都唔理。真搞,都唔知佢想點,最好就隊G4貼身保護佢!我唔知其他人點睇,我就當佢係一個暴民小頭目,真係人人得而撻之。講到個保安,防止外人闖入地盤係佢嘅職責。受到暴徒正面衝擊,最佳方法當然係推開佢,同佢糾纏可能連自己都會受傷。個保安後來冇補多兩腳,就證明佢並唔係蓄意襲擊條友啦。

條友嫌命長,真係佢死佢賤。但係佢成日做埋晒危害他人安全嘅,我就睇唔過眼嘞。人地都有阿媽生架,淨係你班進步人士先係人呀?

豬凱迪,你搞埋咁多,乜唔覺得攰嘅咩?快息勞歸主,往生極樂啦!嗱,問多你一次,你幾時死呀?


11 則留言:

  1. 若果隻野豬可以咁做,入屋行劫也是合法的!人人也可擅闖私人地方!男女在床上,野豬也可睡在他們中間,因他有權闖入私人地方的。

    回覆刪除
  2. 不過話時話,近年認識或知道因肺癌而死的親友,大都是不吸煙的,但一旦發病,總是又急又嚴重,好快就冇得救,我有點懷疑和空氣質素有關,但沒有研究過。

    回覆刪除
  3. 嘩!你真係咩相都影!不過又真係開咗眼界。

    回覆刪除
  4. 佛爺:
    咁咪係囉,擅闖私處仲惡豬先告狀,真係唔得佢死!

    SKII,
    我都相信空氣污染會影響健康,不過未必嚴重到好似人講得咁恐怖。而且我覺得香港嘅公營醫療已經好唔錯架喇,係有人要求過高啫。

    coffee,
    哈哈,我講就口沒遮攔,影相就百無禁忌!

    回覆刪除
  5. 都要睇下五六七十年後嘅平均壽命嘅,話晒而家八十歲嘅人後生時吸嘅空氣好過而家好多㗎。

    回覆刪除
  6. eric,
    你講得當然有道理,其實我只係想話香港整體嚟講已經算過得去,並唔係好似人講得咁差。有接近零空氣污染嘅國家,國民嘅平均壽命都唔夠五十歲!

    回覆刪除
  7. 1.)同大陸比梗係過得去。又,我地都係吸緊大陸D稀釋左o既廢氣。大陸的污染程度比工業革命時的英國鬼有過之而無不及。咁耐都未聽過有同胞因此死亡,就証明我地中國人係人中之龍啦!

    2.)自2000年開始,空氣質素係不斷惡化,以現在冬季為甚。空氣咁差肺癌就梗架啦,睇下幾時輪到你。又,可能唔係肺癌死呢...中風死又得.....心臟病死又得.....

    3.)係架,Somalia係全球碳排放最低o既國家之一。以前D細佬就餓死,廿年後D大個左o既死剩種而家咪俾D西方邪惡軸心開槍打死囉。邊有機會見識到香港一國兩制五十年不變o者!

    回覆刪除
  8. 我昨晚睇時唔敢問,而家日光日白,唔驚,你第一張相最前個石角度,點解有個人(公仔)樣?好得人驚!嗱,你唔好話你見唔到,剩係我見到下!依~呀~

    回覆刪除
  9. Coffee,唔係呀話?我就算放大咗幅相都睇唔倒呀!等吓,睇吓作者點答你先。

    回覆刪除
  10. haha, 哩隻豬害的,惟恐天下不亂,死咗都應該俾人墳前撒尿!

    至於香港人均壽命長,那是因為以前嘅基數大,依家啲後生三四十歲都可以猝死,長遠睇人均享壽一定會下降。

    回覆刪除
  11. 詩白爾:
    一個地方好唔好住,要整體咁睇嘅。紐西蘭夠好喇啩,冇乜污染,風景又靚。但係如果喺嗰度長住,隨時悶到你嘔茄!話時話,紐西蘭嘅人均壽命好似仲冇香港咁長添。想得到一,當然要犧牲另外一,完美嘅大同世界只係不切實際嘅幻想!同我地呢風燭殘年嘅人唔同呀,後生仔應該積極,淨係識得埋怨絕對幫唔到你改善生活架!如果你覺得中國(或香港)好差,我會鼓勵你做好自己,走入建制,改變建制!如果你根本就恥為中國人,我會建議你移民!

    coffee & SKII,
    我睇咗張相好耐都唔覺有喎!好似以前去桂林七星岩咁,導遊話呢舊石似魚,嗰舊石又似龜,但係我就點睇都唔覺得似!

    Laulong,
    聽講話呢隻豬都係中大出品,真係俾佢映衰晒!至於猝死,我相信從來都有,只係近年資訊發達,我地知道多咗啫。其實而家好多人年年驗身,有助發現潛伏嘅問題,猝死可能仲少咗添。

    回覆刪除