A.I.代表乜？標準答案當然係「Artificial Intelligence」啦，譯成中文就係「人工智能」。
上篇寫到大陸嘅怪雞翻譯，我懷疑就係人工智能惹嘅禍。因為咁搞笑嘅，只有翻譯軟件先譯得出嚟。
不過睇網民嘅反應，絕大部分都係恥笑大陸人英文水皮。當然啦，我自己都有笑，因為真係譯得好搞笑，但係我嘅笑並唔係恥笑。首先，我相信翻譯係不經人手嘅。而且，我英文咁屎，有乜資格恥笑人地？嗰如果俾我譯，嚴格上嚟講我冇一個識譯。就算勉強譯咗出嚟，俾鬼佬見到都肯定會笑到反艇。當然啦，以我嘅英文程度都仲可以睇得出譯得有問題，因為實在錯得太離譜。
就算真係人自己譯嘅，都唔使恥笑佢地，因為中國人英文差絕對係好正常。睇番香港，做咗英國殖民地咁耐，我地由幼稚園開始已經要學ABCD，不過係咪個個英文都叻到識飛呢？咪睇人每一句都會有幾個英文字，其實未必個個英文都係咁醒，有部分係「見到唐人講番話，見到鬼佬口啞啞」嗰隻嚟架。以前公司鬼多，所以我請馬都只係請嗰浸完鹹水返嚟嘅，因為就算唔做得都起碼講得。話我唔支持本地貨都冇法，點都好過麻煩到自己。當然，我都從來唔會請鬼賓差，費事搞到自己啦。
喺香港，要學好英文真係唔易。我以前間中學已經係全英語授課（當然除咗中文同中史），但係自問英文程度其實好渣吓。不過咁，以前公司所有文件都要用英文，勉強用英文寫張memo或者覆個email我都可以嘅，鬼得閒check你grammar有冇錯咩。哈哈，我都係嗰「見到唐人講番話，見到鬼佬口啞啞」嘅人嚟架。反而呢，有人讀書唔算好多，讀得又唔係好叻，但係蒲得老蘭多，英文就講到嘞嘞聲。
問題係，我地根本冇一個英語環境，而學校教嘅英文又唔得生活化。英語環境唔使講啦，冇得練習自然就唔會學得好。生活化嘅英文都好緊要，有時仲性命尤關添。好多年前，有個留學美國嘅日本仔喺萬聖節扮鬼，結果俾人一槍了結咗。就係因為佢冇學好生活化嘅英文，唔知道freeze係「咪郁」咁解。
連喺香港都唔係咁易學好英文，喺大陸就更加唔使講啦，所以我覺得冇必要恥笑大陸人英文渣。香港都有人將「牛柏葉」譯做「Albert Yip」啦，都係唔好恥笑人地喇。
咁係咪即係話大陸搞笑翻譯可以原諒？又唔係喎，當時搞咁多英文翻譯，主要係為咗迎接京奧，萬一俾鬼佬睇到，真係俾佢地笑到面都黃啦。其實笑吓都冇乜所謂，又笑唔死嘅，而且中國人根本就係面黃架啦。老實講，搞笑材料只係表象，值得深思嘅係背後嘅一啟示。
喺大陸，唔識英文唔係大問題，因為總會有人識。將翻譯嘅交俾識英文嘅人做咪得囉，我相信大陸大把人做得到。係管理層唔重視呢樣，定係基層以為有翻譯軟件就乜都掂呢？就算翻譯軟件真係掂，做好咗都要人覆核吓啩，呢個動作我絕對相信有初中英文程度已經做得到。最恐怖嘅係連政府機關同大型商業機構都有份搞笑，真係吾不欲觀之矣！
咪以為翻譯只係小事，所謂見微知著，小小嘅一件事好多時都會反映咗一普遍存在嘅問題。講到尾，問題癥結係態度，係無知同苟且！中國要成為真正強國，硬件只係門面，軟件（國民質素）提升先係當前急務！
又講番人工智能，究竟呢樣係萬能定無能呢？其實兩樣都唔係，主要係睇人點用嘅啫。人地話盡信書不如無書，其實人工智能都係咁話。如果人仲係咁無知苟且，A.I.就唔會係「Artificial Intelligence」，而係「Artificial Ignorance」同「Artificial Idiocy」！
上篇寫到大陸嘅怪雞翻譯，我懷疑就係人工智能惹嘅禍。因為咁搞笑嘅，只有翻譯軟件先譯得出嚟。
不過睇網民嘅反應，絕大部分都係恥笑大陸人英文水皮。當然啦，我自己都有笑，因為真係譯得好搞笑，但係我嘅笑並唔係恥笑。首先，我相信翻譯係不經人手嘅。而且，我英文咁屎，有乜資格恥笑人地？嗰如果俾我譯，嚴格上嚟講我冇一個識譯。就算勉強譯咗出嚟，俾鬼佬見到都肯定會笑到反艇。當然啦，以我嘅英文程度都仲可以睇得出譯得有問題，因為實在錯得太離譜。
就算真係人自己譯嘅，都唔使恥笑佢地，因為中國人英文差絕對係好正常。睇番香港，做咗英國殖民地咁耐，我地由幼稚園開始已經要學ABCD，不過係咪個個英文都叻到識飛呢？咪睇人每一句都會有幾個英文字，其實未必個個英文都係咁醒，有部分係「見到唐人講番話，見到鬼佬口啞啞」嗰隻嚟架。以前公司鬼多，所以我請馬都只係請嗰浸完鹹水返嚟嘅，因為就算唔做得都起碼講得。話我唔支持本地貨都冇法，點都好過麻煩到自己。當然，我都從來唔會請鬼賓差，費事搞到自己啦。
喺香港，要學好英文真係唔易。我以前間中學已經係全英語授課（當然除咗中文同中史），但係自問英文程度其實好渣吓。不過咁，以前公司所有文件都要用英文，勉強用英文寫張memo或者覆個email我都可以嘅，鬼得閒check你grammar有冇錯咩。哈哈，我都係嗰「見到唐人講番話，見到鬼佬口啞啞」嘅人嚟架。反而呢，有人讀書唔算好多，讀得又唔係好叻，但係蒲得老蘭多，英文就講到嘞嘞聲。
問題係，我地根本冇一個英語環境，而學校教嘅英文又唔得生活化。英語環境唔使講啦，冇得練習自然就唔會學得好。生活化嘅英文都好緊要，有時仲性命尤關添。好多年前，有個留學美國嘅日本仔喺萬聖節扮鬼，結果俾人一槍了結咗。就係因為佢冇學好生活化嘅英文，唔知道freeze係「咪郁」咁解。
連喺香港都唔係咁易學好英文，喺大陸就更加唔使講啦，所以我覺得冇必要恥笑大陸人英文渣。香港都有人將「牛柏葉」譯做「Albert Yip」啦，都係唔好恥笑人地喇。
咁係咪即係話大陸搞笑翻譯可以原諒？又唔係喎，當時搞咁多英文翻譯，主要係為咗迎接京奧，萬一俾鬼佬睇到，真係俾佢地笑到面都黃啦。其實笑吓都冇乜所謂，又笑唔死嘅，而且中國人根本就係面黃架啦。老實講，搞笑材料只係表象，值得深思嘅係背後嘅一啟示。
喺大陸，唔識英文唔係大問題，因為總會有人識。將翻譯嘅交俾識英文嘅人做咪得囉，我相信大陸大把人做得到。係管理層唔重視呢樣，定係基層以為有翻譯軟件就乜都掂呢？就算翻譯軟件真係掂，做好咗都要人覆核吓啩，呢個動作我絕對相信有初中英文程度已經做得到。最恐怖嘅係連政府機關同大型商業機構都有份搞笑，真係吾不欲觀之矣！
咪以為翻譯只係小事，所謂見微知著，小小嘅一件事好多時都會反映咗一普遍存在嘅問題。講到尾，問題癥結係態度，係無知同苟且！中國要成為真正強國，硬件只係門面，軟件（國民質素）提升先係當前急務！
又講番人工智能，究竟呢樣係萬能定無能呢？其實兩樣都唔係，主要係睇人點用嘅啫。人地話盡信書不如無書，其實人工智能都係咁話。如果人仲係咁無知苟且，A.I.就唔會係「Artificial Intelligence」，而係「Artificial Ignorance」同「Artificial Idiocy」！
這些 AI 翻譯軟件，應該叫 Absolute Idiot 或者叫 Abnormal Intelligence。
回覆刪除佛爺：
回覆刪除係喎，你又講得啱喎！不過Artificial Intelligence呢個名都係有先天缺憾，因為A.I.仲可以代表其他唔係咁好嘅，好似Anal Intercourse同Ass Intrusion!
依家香港啲大機構都慨歎今日的大學生英語程度不足，香港人實在也沒有太多資格去批評他人。
回覆刪除我們會讚賞講得不太好中文的外國人，外國人也會讚賞講得不太好外語的中國人，但香港人卻偏偏相反，這實在不是全民提升外語水平之福。
laulong,
回覆刪除怪雞翻譯嗰單咁多香港人恥笑大陸人英文水皮，我諗係有歧視成份。好多香港人一向都睇唔起國內人，回歸前覺得大陸落後，話佢地係阿燦，回歸後又將對中央嘅怨氣投射到國內人身上，近年更將對某自由行嘅不滿入晒佢地數。不過風水輪流轉，而家國內同胞已經笑香港人係港燦喇。唉，真係相煎何太急！
嘩！剩係睇標題同貼文張圖時，我以為係講AIDS添！
回覆刪除那些自動譯文機，係笑話，大陸行政、商業都不會用的，內地人多，相對精英亦多。
coffee,
回覆刪除係呀，其實大陸英文勁嘅人真係大把！幾十年前返大陸旅行，喺火車上面成日同國內學生傾偈，我想練習普通話，但係佢地好多時都係同我講英文，都唔知係咪嫌我普通話差。不過佢地英文又真係好流利，佢地仲要係土產嚟添，冇出過國留學架！