2010年7月1日星期四

小野貓

聲明:本文立場偏頗,言論有欠理性,跡近貓身攻擊,敬請愛護動物及維護貓權人士立即離開!

勾魂奪魄嘅smoky eyes、性感迷人嘅tube top、肉香四溢嘅超短米你裙,真係睇到麻甩佬流晒鼻血。如果唔係見到佢拎住枝雪山獅子旗,仲以為又係嗰為咗博上位乜都敢死嘅𡃁模添。原來呢隻性感小野貓係新一代民主鬥士,仲係名牌大學高材生,的確一都唔簡單。

不過係名牌大學高材生又點?咪一樣係冇腦,好學唔學,學鬼佬支持藏獨。唔通佢唔知西藏從來都冇民主?係要支持藏獨都等達賴同班禪可以由普選產生先啦。不過又真係幾搞笑,佢後尾又話展示雪山獅子旗唔係要支持藏獨,而係要挑戰禁忌,彰顯言論自由。即係話我都可以兜口兜面向佢講句四字真言,然後話我絕對冇意圖冒犯佢或者佢嘅親貓,而只係示範緊我嘅言論自由啫。建議佢去公認最民主自由嘅花旗國,喺白宮門口展示阿爾蓋達枝旗(其實我都唔知阿爾蓋達有冇旗),睇吓會點?包保佢即刻貓間蒸發,到時佢就知道原來自己一直身在福中不知福。
仲有,全世界都知道雪山獅子旗係代表藏獨架啦,事後否認有叉用咩。都唔知佢係咪食得太多重金屬超標嘅外國貓糧,搞到思覺失調。

咪睇佢細細粒粒,原來發起爛渣上嚟絕對唔係貓咁品,搞到裙拉褲甩都在所不計。早排佢就因為涉嫌襲擊防治蟲鼠組人員俾人拉咗。真係好搞笑,網上傳聞話佢係set靚個頭,化行晒妝咁等人拉架。不過更搞笑嘅係佢俾人拉咗之後講嘅一番說話:「今日捉咗一隻小野貓,出面仲有千千萬萬隻小野貓」。哈哈,唔知佢當自己係秋瑾定係孫中山呢?

雖然佢講到自己好偉大,但係我就打死都唔信佢搞咁多唔係為咗博出位。如果唔係,點解鑊鑊示威遊行都要化行晒妝,仲要著到令人噴晒血?咁講真,佢身材都OK嘅,但係個樣就好普通吓。如果佢真係想上位,睇怕都要去韓國執執先掂喇。


4 則留言:

  1. 是講陳巧文?哈哈,這小妮子最近已領略到出位、搞事的後果,就是她的人生已不寂寞了,去到那裏都被人行注目禮,甚至給好事的記者跟蹤。

    我也曾寫過她,這碩士生真的低 B 啊:

    http://lau-long.blogspot.com/2010/01/blog-post_06.html

    回覆刪除
  2. 點解隻貓女要同隻貓公一齊上樹?
    莫非牠們在樹上 .....
    貓女:「咪咪!」
    貓公:「咪!咪!」
    跟著樹上就傳下類似老鼠的吸吮聲:
    「接 ... 接 ... 接 ... 接 ... 接 ... 接 ... 」

    回覆刪除
  3. laulong,

    哈哈,對於呢雌性動物嘅心態,本人都有多少心得。佢地覺得自己好靚,不過呢樣只係錦上添花,最重要嘅係佢地有智慧,有內涵。以佢地咁好嘅條件,受萬民仰望係絕對應該。佢地甚至唔介意成為麻甩佬嘅幻想對象添。佢地最怕係俾人見到易容前個樣,唔係話本身個樣唔靚,係驚人地認唔出啫。

    回覆刪除
  4. 佛爺,

    哈哈,無啦啦殺咗對貓男女出嚟,今次性感小野貓有勁敵喇。只可以話:長江後浪推前浪,一代新貓換舊貓!

    回覆刪除