唔好以為我用錯字！「閃礫」係閃吓閃吓嘅碎石咁解。雖然自問中文好屎吓，但係「礫」同「爍」我都仲識分嘅。就係因為有自知之明，所以「最緊要正字」我集集都有睇。其中有一集，個主持人恥笑譚校長將「閃爍」唱成「閃lik」。首歌係「夏日寒風」，有幾句係咁唱：「擠迫的沙灘裡，金啡色的肌膚裡
，閃lik暑天的汗水」。譚校長另外一隻歌「霧之戀」都有同樣情況：「天邊一顆閃星星，海邊一顆閃星星，或睡或現，閃lik不停」。連歌神學友仔首「沉默的眼睛」都係咁：「望晚星，閃lik你的眼睛」。
不過就咁話係歌手唱錯又未免武斷咗，唔俾係填詞人寫錯咩？咁啱呢幾隻歌嘅CD我都有，可以摷返歌詞出嚟對吓。結果證明，填詞人冇寫錯，全部都係用「閃爍」。不過咁，冇寫錯唔代表冇問題，佢地肯定唔識讀個「爍」字。大家都知道，填廣東歌最難，因為字音要夾返歌嘅音，如果唔係聽起嚟會好怪。睇返呢幾首歌，如果唱返「爍」嘅正音（削），根本就夾唔到個音，反而唱成「礫」就fit晒。當然，亦唔可以排除譚校長同學友仔都唔識讀呢個字嘅可能性。事實上一般人都唔會要求歌手有幾多墨水。而填詞人就唔同，話晒都係靠枝筆食，墨水都冇滴又點掂呢？
啱啱喺Google摷過，睇吓仲有冇其他「閃lik」。結果俾我到容祖兒隻「我的驕傲」：「Pride in your eyes，為我閃lik像最初」。哈哈，原來又係嗰位「一世穿一次」嘅金牌填詞人。聽講話佢會考中文係攞A嘅添。吓，咁都得？
，閃lik暑天的汗水」。譚校長另外一隻歌「霧之戀」都有同樣情況：「天邊一顆閃星星，海邊一顆閃星星，或睡或現，閃lik不停」。連歌神學友仔首「沉默的眼睛」都係咁：「望晚星，閃lik你的眼睛」。
不過就咁話係歌手唱錯又未免武斷咗，唔俾係填詞人寫錯咩？咁啱呢幾隻歌嘅CD我都有，可以摷返歌詞出嚟對吓。結果證明，填詞人冇寫錯，全部都係用「閃爍」。不過咁，冇寫錯唔代表冇問題，佢地肯定唔識讀個「爍」字。大家都知道，填廣東歌最難，因為字音要夾返歌嘅音，如果唔係聽起嚟會好怪。睇返呢幾首歌，如果唱返「爍」嘅正音（削），根本就夾唔到個音，反而唱成「礫」就fit晒。當然，亦唔可以排除譚校長同學友仔都唔識讀呢個字嘅可能性。事實上一般人都唔會要求歌手有幾多墨水。而填詞人就唔同，話晒都係靠枝筆食，墨水都冇滴又點掂呢？
啱啱喺Google摷過，睇吓仲有冇其他「閃lik」。結果俾我到容祖兒隻「我的驕傲」：「Pride in your eyes，為我閃lik像最初」。哈哈，原來又係嗰位「一世穿一次」嘅金牌填詞人。聽講話佢會考中文係攞A嘅添。吓，咁都得？
haha, 香港人讀錯音真係比比皆是。最近無記有個劇的宣傳片段就係人人都讀錯(不過我又記唔起乜嘢字)，聽到我耳都側埋！
回覆刪除字義語音上，電視台真係無可用的人咯！
有一位銀行部門女主管，同事閒聊時，說起睪丸，讀作「高丸」。她立即矯正那名男同事，應該讀作「澤丸」。男同事反駁她，她立即大喊：「我會考中文科好高分的，你收聲喇！」
回覆刪除大聲，就是正確的！
haha, 這女主管未經人道？還是她「擇」丸而侍？
回覆刪除laulong,
回覆刪除本來有字讀錯音好平常，但係好似「閃lik」呢單咁，個個都話係歌手嘅錯，我就覺得唔係好公道。要負最大責任嘅一定係填詞人，仲有，唱片監製亦都難辭其咎。
佛爺，歡迎光臨！
回覆刪除哈哈，「澤丸」或者「擇丸」都冇問題，如果係「摘丸」或者「擲丸」就大鑊喇！
校長：
回覆刪除那位女主管有子女的，可能係人工受精卦，所以未「擇過丸」！
犰狳：
回覆刪除初到貴境，多多指教！我呀！好口臭的！嘻嘻！
佛爺，
回覆刪除哈哈！話時話，我把口都好賤吓架。