2011年9月28日星期三

完美三維登機法

搭飛機真係好麻煩,乜都要等。安檢要等,入閘要等,就算係上咗飛機,都成日要塞死喺走廊,等前面啲乘客搞掂先可以埋到位。早排喺日月報第到單花邊新聞,話有個美國學者發明咗一種新嘅登機方法,可以慳番一半時間。如果係就正喇,唔使「等到花兒也謝了」!

最快登機法 省時一半
明報 – 2011年9月2日星期五上午5:33

【明報專訊】美國天文物理學家斯特芬(Jason Steffen)研究出最具效率的登機方法,經實地測試後,證明可比傳統登機方式節省50%時間。

由機尾至頭 輪流隔行入座

斯特芬2008年乘飛機時被困在長長的登機人龍裏,於是萌生研究最快登機方法的念頭。他以電腦模擬數種登機方法,包括最常見的機尾至機頭分段入座登機法;第二種是由坐在窗戶旁的乘客先登機,中間座位乘客次之,通道旁座位乘客最後登機的威爾馬登機法(Wilma method);第三種是他自創的斯特芬登機法。

斯特芬登機法按窗戶座位乘客優先登機、通道座位乘客最後登機的原則,由機尾至機頭輪流隔行入座(如12A、10A、8A等先入座,然後到9A、7A、5A等,餘此類推)。模擬結果發現,斯特芬登機法可避免乘客同時使用行李架等空間而拖慢速度,效率最高。

英國電視節目《This v That》與斯特芬實地測試,以72名帶手提行李的志願者,模擬以不同方法登上一架757客機,其中家長和小童的乘客組合可優先登機。測試結果發現,傳統登機法需時7分鐘;威爾馬登機法需時約4分鐘;而使用斯特芬登機法僅需時3.5分鐘。

睇玩之後,只可以話得啖笑。都唔明點解有學會者諗到呢啲屎坑橋,而又有電視台會無聊到同佢癲埋一份!

當然啦,呢個屎上最具效率嘅登機法,理論上真係無懈可擊,但係實際上又行唔行得通呢?難度在於點樣安排乘客喺入閘前排好條隊,行數要跟降序排,又要隔行,仲要分埋窗口位中間位同走廊位,簡直煩到冇人有。又當上機後可以慳到幾分鐘,不過乘客就要預早兩粒鐘去到閘口排隊,真係唔暴動先奇啦!

實際上,就算有充份時間,要乘客依足指示排隊亦幾乎冇可能。首先,飛機嘅乘客就好似一個小型聯合國,可能大部分人都只係識少少英文,太複雜嘅登機指示只會令人無所適從。事實上,好多乘客一聽到嗌咪,就唔理三七廿一衝埋閘口,根本唔會理你啲乜嘢登機指示。而且多數乘客都會有人同行,要夾硬分開嚟排隊,真係睬你都有味啦!

所以,呢位學者嘅完美三維登機法,永遠都只可以停留喺意淫階段,根本冇可能付諸實行。有人話「百無一用是書生」,又有人話「書生造反,三年不成」,睇嚟真係有啲道理!

當然,以上提到嘅只係同經濟艙有關,如果有錢搭頭等或者商務客位,咁就一啲問題都唔會有架喇!

8 則留言:

  1. 粗糙咁諗可以喺候機大堂嘅座位編碼,但難度都好高,因為冇可能整咁多位,而且一家幾口就麻鬼煩,分分鐘要隔幾行坐,都係唔 work!而且搞到登機搞唔到落機,都係冇符!

    回覆刪除
  2. 唔知在機上等去厠所,又係唔係要咁樣又搞一餐?

    回覆刪除
  3. laulong,
    第啲人我唔知,不過對於中國人(當然包括香港人),呢一套肯定吾work架!

    Ebenezer,
    哈哈,相對於登機,去廁所絕對更大鑊!如果有辦法改善去廁所嘅流程,咁就真係造福萬民喇!

    回覆刪除
  4. 這是數學研究,現在只是試一下啊,也沒有甚麼壞後果。研究結果最終有效益的地方,大家永遠不知道。

    要不是過去有這麼多「傻瓜」在搞試驗,你也沒機會在網誌大放厥詞啊~

    回覆刪除
  5. 不是真省出了時間,只是將時間分散去用了,分分鐘仲耐!

    回覆刪除
  6. 詩白爾:
    哈哈,佢呢個學術研究直頭好有正面意義添啦!傳媒無啦啦多咗單新聞,我就有機會喺度大放厥詞,你又因而可以發表咁有建設性嘅留言,簡直係推動咗全人類嘅思想交流呀!

    Coffee,
    哈哈,如果唔係有啲無聊人搞埋晒啲無聊嘢,我地又邊有得笑喎!

    回覆刪除
  7. 我都睇過呢個新聞,日月神報漏咗啲,等我加啲啲啦:

    1:電腦亦模擬比較過求其隨意上機同埋傳統嘅由後到前,發現喺冇乜分別㗎!(因為前後唔喺問題所在)所以呢,hur一聲大家擁到閘口喺OK嘅!
    2:佢呢嗰「實驗」結果,登咗喺「學術」期刊㗎!哈哈。

    不過呢,拋磚引玉,都好過冇嘅。

    我就認為呢,多開幾個出入口咪OK囉。

    回覆刪除
  8. eric,
    對於嗰個電腦模擬結果,我又真係好懷疑喎,冇理由會冇乜分別嘅!塞人嘅主因係啲人企晒喺走廊搞行李,令到後面嘅人唔過得。我諗係個電腦程式低估咗放嘢上行李架需要嘅時間,因為好多人都唔係直接將行李放上去,而係企喺走廊摷呢樣摷嗰樣,搞完一大輪先放嘢上行李架。如果後面嘅上先,咁大家就可以同一時間搞行李,應該一定慳到時間嘅!

    回覆刪除