「我睇開陳逆迅演唱會, 你無啦啦叫我去睇林瘋！」
喺香港要極速爆紅，原來一啲都唔難，只要有創意就得。一個普通到唔恨嘅肥仔（跌個招牌落嚟都隨時責死十幾件嗰種），竟然可以一夜成名，就係因為講咗上面嘅警句。
話說肥仔睇緊陳逆迅嘅演唱會，點知佢偶像無啦啦發老脾，唱到一半竟然辭演。佢臨走前仲講話會開過另一場演唱會，叫啲粉屎一定要大聲啲encore。主辦單位為免出現冷場，又唔想勞民傷財，就建議由支持度僅次陳逆迅嘅林瘋頂上，此之謂遞補機制。
肥仔迷陳逆迅已經迷到short short地，完全唔理佢係因為中途坐地起價，同主辦單位傾唔掂數先至辭演。對於遞補機制嘅安排，肥仔覺得唔可以接受，係剝奪咗佢嘅選擇權利，一於要反對到底。其實佢都算斯文喇，只係遊吓街、舉吓牌啫。而另一啲粉屎就激得多，班友走去主辦單位嘅諮詢大會踩場，初則叫囂掟，繼而拆屋打人，絕對深得佢地偶像嘅真傳。
對於遞補機制，支持同反對嘅聲音都有。反對者只著眼於選擇權利，而支持者就主要考慮資源浪費同辭演人士嘅態度問題。其實雙方著眼點唔同，亦各有理據，並冇出現一面倒嘅情況。如果任何一方認為自己擁抱真理，唔肯坐低傾之餘仲要用武力威嚇對方，又點算係文明社會嘅應有態度呢？！
雖然我都覺得陳逆迅中途辭演係不負責任嘅行為，而且搞過另一場演唱會又浪費資源，不過我並唔認為遞補機制係治本嘅方法，真係唔搞好過搞。除咗會引起啲死硬粉屎激烈反彈，亦會令一啲人權大過天嘅教條主義者不滿。
偶像嘅不負責任行為，其實源自粉屎嘅不負責任態度。如果唔係有粉屎嘅支持，啲偶像想玩都冇得玩。單純針對辭演再演嘅措施，唔能夠解決根本問題之餘，仲會引起反效果，似乎係得不償失。
忽然又諗起另外一樣完全唔啦更嘅，但係就可以解釋到呢種不負責任嘅心態。試過任食火鍋嘅都知，好多人鍾意叫到成檯都係，但係最後食剩嘅仲多過落咗肚嗰啲。食剩嘅當然係送晒去堆填區啦，你地話幾浪費呢！以前好多火鍋店都會貼出告示，話剩番嘅火鍋料要逐兩罰錢。而家呢類告示已經少咗好多，亦未見過有人切實執行，因為根本執行唔到。
啲客俾咗錢，梗係認為自己有選擇權利，鍾意點叫都得。叫少咗只係會令火鍋店賺多啲，而叫多咗對自己又冇任何影響，梗係唔會益啲無良商人啦。至於話食剩要罰錢，一來惹人反感，同趕客無異。而且所有制度都有機會俾人鑽空子，只要將食剩嘅倒晒落鍋底煲湯，咁就罰無可罰啦。
至於啲火鍋店，梗係圍過條數，計埋食剩咗嘅都仲有得賺啦。喺任食制度下，個個都爭取自己嘅最大利益，結果就皆大歡喜。講到浪費，喺個人層面根本就唔適用，要從宏觀角度先睇到。對於地球資源嚟講，任食制度真係造成好大浪費！不過又有幾多人會為咗珍惜地球資源而犧牲個人利益呢？！
同樣道理，偶像要玩辭演再演，啲死硬粉絲一定支持到底。雖然話要嘥錢搞多場演唱會，但係主辦機構係大家夾份營運嘅，錢係已出之物，用剩又冇得回水。咁豈有唔搞之理，最好就搞多十場八場添。
講到尾，問題唔係要點防止或者懲罰啲偶像玩，而係點先可以令啲死硬粉屎明白，佢地嘅偶像係浪費緊整個香港嘅資源！好不幸，有啲人係永遠唔會講得佢地明，又或者，佢地根本就冇打算聽其他人講啲乜！
喺香港要極速爆紅，原來一啲都唔難，只要有創意就得。一個普通到唔恨嘅肥仔（跌個招牌落嚟都隨時責死十幾件嗰種），竟然可以一夜成名，就係因為講咗上面嘅警句。
話說肥仔睇緊陳逆迅嘅演唱會，點知佢偶像無啦啦發老脾，唱到一半竟然辭演。佢臨走前仲講話會開過另一場演唱會，叫啲粉屎一定要大聲啲encore。主辦單位為免出現冷場，又唔想勞民傷財，就建議由支持度僅次陳逆迅嘅林瘋頂上，此之謂遞補機制。
肥仔迷陳逆迅已經迷到short short地，完全唔理佢係因為中途坐地起價，同主辦單位傾唔掂數先至辭演。對於遞補機制嘅安排，肥仔覺得唔可以接受，係剝奪咗佢嘅選擇權利，一於要反對到底。其實佢都算斯文喇，只係遊吓街、舉吓牌啫。而另一啲粉屎就激得多，班友走去主辦單位嘅諮詢大會踩場，初則叫囂掟，繼而拆屋打人，絕對深得佢地偶像嘅真傳。
對於遞補機制，支持同反對嘅聲音都有。反對者只著眼於選擇權利，而支持者就主要考慮資源浪費同辭演人士嘅態度問題。其實雙方著眼點唔同，亦各有理據，並冇出現一面倒嘅情況。如果任何一方認為自己擁抱真理，唔肯坐低傾之餘仲要用武力威嚇對方，又點算係文明社會嘅應有態度呢？！
雖然我都覺得陳逆迅中途辭演係不負責任嘅行為，而且搞過另一場演唱會又浪費資源，不過我並唔認為遞補機制係治本嘅方法，真係唔搞好過搞。除咗會引起啲死硬粉屎激烈反彈，亦會令一啲人權大過天嘅教條主義者不滿。
偶像嘅不負責任行為，其實源自粉屎嘅不負責任態度。如果唔係有粉屎嘅支持，啲偶像想玩都冇得玩。單純針對辭演再演嘅措施，唔能夠解決根本問題之餘，仲會引起反效果，似乎係得不償失。
忽然又諗起另外一樣完全唔啦更嘅，但係就可以解釋到呢種不負責任嘅心態。試過任食火鍋嘅都知，好多人鍾意叫到成檯都係，但係最後食剩嘅仲多過落咗肚嗰啲。食剩嘅當然係送晒去堆填區啦，你地話幾浪費呢！以前好多火鍋店都會貼出告示，話剩番嘅火鍋料要逐兩罰錢。而家呢類告示已經少咗好多，亦未見過有人切實執行，因為根本執行唔到。
啲客俾咗錢，梗係認為自己有選擇權利，鍾意點叫都得。叫少咗只係會令火鍋店賺多啲，而叫多咗對自己又冇任何影響，梗係唔會益啲無良商人啦。至於話食剩要罰錢，一來惹人反感，同趕客無異。而且所有制度都有機會俾人鑽空子，只要將食剩嘅倒晒落鍋底煲湯，咁就罰無可罰啦。
至於啲火鍋店，梗係圍過條數，計埋食剩咗嘅都仲有得賺啦。喺任食制度下，個個都爭取自己嘅最大利益，結果就皆大歡喜。講到浪費，喺個人層面根本就唔適用，要從宏觀角度先睇到。對於地球資源嚟講，任食制度真係造成好大浪費！不過又有幾多人會為咗珍惜地球資源而犧牲個人利益呢？！
同樣道理，偶像要玩辭演再演，啲死硬粉絲一定支持到底。雖然話要嘥錢搞多場演唱會，但係主辦機構係大家夾份營運嘅，錢係已出之物，用剩又冇得回水。咁豈有唔搞之理，最好就搞多十場八場添。
講到尾，問題唔係要點防止或者懲罰啲偶像玩，而係點先可以令啲死硬粉屎明白，佢地嘅偶像係浪費緊整個香港嘅資源！好不幸，有啲人係永遠唔會講得佢地明，又或者，佢地根本就冇打算聽其他人講啲乜！
所以我就覺得啲日本仔很乖咯，選咗自民黨出黎，就話之佢一年半載就換個首相，佢地都唔會話俾人剝奪選舉權。到咗民主黨上場又係咁，唔通日本仔嘅祖先係來自順德嘅？
回覆刪除laulong,
回覆刪除啲日本仔真係幾乖架，就算有災難發生，在野陣型嘅政客都冇即刻發難，一切以救災為先。如果喺香港，啲政棍唔第一時間走出嚟抽水先奇啦！話我陰謀論都係咁講，班友肯定日日求神拜佛，希望大陸同香港爆多啲大鑊！
原來真係有呢場演唱會架？我一直以為係政治騷中一句經典說話。
回覆刪除嗰位super star Libra，乜水？(我都好市井架)
Coffee,
回覆刪除哈哈，陳奕迅演場會梗係有啦，仲N咁多場添，睇佢發到個豬頭樣就知道！而陳逆迅演場會，當然係虛構架啦！至於SuperStar Libra，即係天秤星號，坐過一次都怕怕，真係悶到嘔茄！
個肥仔娶佐老婆，一年後，個老婆回娘家，要肥仔再大紅花橋過門再娶．年年如是，肥仔年年都有得選擇，娶番同一個老婆．
回覆刪除點解呢？
因為肥仔心理變態，結婚唔夠一年，支炮仔就失靈，五姑娘都幫唔到手，要再次「沖喜」，支炮仔至High番起．
結論：肥仔可能性變態，所以經常要搞選舉，等支炮仔High D。嘻嘻！
佛爺：
回覆刪除年年有得選秀女，係男人都想！不過鑊鑊都揀番同一個，就算唔係心理變態，都肯定係悶人一個！我建議佢都係唔好睇陳逆迅喇，不如轉睇啲肉女歌星仔，起碼可以平衡番啲心理！
哈哈，我初初睇重以為你真係講演唱會添呀！講開任食，我好耐之前喺美國讀書，果度已經興“ All You Can Eat" （命名好直接，同“任食”有得揮），記得食日本嘢的 All You Can Eat，都有罰款制，例如叫壽司又唔食飯，諸如此類，我同朋友仔們都好守規矩㗎，真係唔會叫多餘的，其實叫咗唔食，真係幾折墮㗎，就算唔駛罰錢都唔應該囉！
回覆刪除SKII,
回覆刪除哈哈，講到自助餐同任食日本嘅壽司，嗰舊飯通常都係勁難食架！如果唔食舊飯要罰錢，有時真係幾無辜吓啫！