本來燒幾本書係咪好大件事就見仁見智，但係嗰班宗教狂熱分子係癲嘅，完全唔可以理喻。佢地自己做就好地地，人地做就要打要殺。佢地夠日日燒人枝星條旗啦，咁都仲可以話係美國佬咎由自取，但係炸咗個巴米揚大佛就真係神憎鬼厭喇。
雖然個傻佬牧師冇乜實際行動，淨係齋噏，不過已經搞到好多回教國家暴動咁滯。如果佢真係燒，肯定會觸發恐襲潮，世界各地嘅美國人都會成為襲擊目標，到時就死得人多喇。呢個後果係人都諗到，但係就連美國總統都冇辦法阻止佢，最多都係譴責吓，又係得把口。如果個傻佬收到全球追殺令，咁都算係罪有應得，最弊係隨時有好多無辜嘅人要陪葬呢。同班癲佬玩，簡直係瓷器撼缸瓦。
美國真係一個好自由嘅地方，只要唔犯法，個人自由可以凌駕一切。就算會死人冧樓又點，真係你死你事。成蟲大哥話中國人唔管唔得，其實美國佬咪一樣！
這是自己的自由凌駕在別人的自由之上！
回覆刪除kakaka, 哩篇妙死！
回覆刪除其實唔單止啲狂熱回教徒係咁，美國本身都係，全世界最大殺傷力武器喺佢到，全球最貴軍費喺佢地，佢就係唔俾其他國家有，即使中國軍費少過佢地十九幾倍，佢一樣話中國你做咁多武器做乜，想打仗想侵咯，卻不知當前最喜歡打人就係佢地！
Coffee n Tea,
回覆刪除冇錯，所以民主自由嘅社會都會發生好荒謬嘅！
laulong,
好不幸，呢個世界根本就係有強權，冇公理！講真，除咗日本仔之外，我最憎就係美國佬！