綠色恐怖

唔好諗咗去第度，我係講緊環保啫。

冇幾耐之前，喺美國嘅發現頻道總部發生咗一單槍手挾持人質事件。槍手係一個極度支持環保嘅亞裔男人。佢走去搞事，都係為咗宣揚環保。遽聞佢好不滿發現頻道喺節目裏面叫人生多仔，同環保原則背道而馳。佢講得好過癮，話人類BB仔係寄生蟲，生仔係危害地球嘅行為。佢仲話連昆蟲都係忠嘅，只有人類係奸嘅。

好明顯，呢條友係太過沉迷喺佢嗰套環保理論，搞到自己short咗。其實唔止環保係咁，所有都係，如果過度沉迷同執著，就算原本係好嘅都會變得好恐怖。好似政治、宗教、民主、自由，通通都係。曾特首都講啦，極端民主就會變成文革。問你驚未！

講返單，雖然美國唔係菲律賓，事件最後都係以流血收場。唔同嘅係只有個傻佬流血，佢俾人一槍搞掂咗。不過對於佢嚟講，都可以話係求仁得仁喇。佢成日都想地球少人，起碼而家少咗一個啦。