兩包XXXX，唔該！
八達通，唔該！
要返張單，唔該！
去親7仔買都會講四次唔該，最後嗰次係當個售貨員遞張單俾我嘅時候。
今日去7仔買只係講咗三次，最尾嗰次慳返，因為當值個𡃁妹好唔掂。佢全程嬲爆爆，兼夾藐嘴藐舌，好似我嚟買煩親佢咁。尤其是當我問佢攞單嘅時候，佢就好唔耐煩，想張單掟我咁滯。
我都知7仔人工好奀，但係呢個絕對唔係咁樣對客嘅理由。打工嘅，你情我願，嫌奀咪唔好做囉。香港係自由社會，有強姦，冇焗做。你要唔做攞綜援，絕對唔會有人阻止，使乜做得咁唔開心啫。人嘅心態真係好有問題，最好有人俾幾皮請你返嚟坐喺度唔使做！
其實咁嘅情況都試過好多次，7仔係咁，OK又係咁，𡃁妹嘅態度都係好惡劣吓。反而阿嬸同𡃁仔嘅態度就好好多，有時仲會講聲多謝添。好奇怪，點解𡃁妹嘅態度會特別差呢？唔通係我樣衰，佢地睇唔順眼？抑或係我咁黑仔，次次都撞正佢地唔係咁方便嗰幾日？
八達通，唔該！
要返張單，唔該！
去親7仔買都會講四次唔該，最後嗰次係當個售貨員遞張單俾我嘅時候。
今日去7仔買只係講咗三次，最尾嗰次慳返，因為當值個𡃁妹好唔掂。佢全程嬲爆爆，兼夾藐嘴藐舌，好似我嚟買煩親佢咁。尤其是當我問佢攞單嘅時候，佢就好唔耐煩，想張單掟我咁滯。
我都知7仔人工好奀，但係呢個絕對唔係咁樣對客嘅理由。打工嘅，你情我願，嫌奀咪唔好做囉。香港係自由社會，有強姦，冇焗做。你要唔做攞綜援，絕對唔會有人阻止，使乜做得咁唔開心啫。人嘅心態真係好有問題，最好有人俾幾皮請你返嚟坐喺度唔使做！
其實咁嘅情況都試過好多次，7仔係咁，OK又係咁，𡃁妹嘅態度都係好惡劣吓。反而阿嬸同𡃁仔嘅態度就好好多，有時仲會講聲多謝添。好奇怪，點解𡃁妹嘅態度會特別差呢？唔通係我樣衰，佢地睇唔順眼？抑或係我咁黑仔，次次都撞正佢地唔係咁方便嗰幾日？
啲 o靚妹港女慣咗嘛！
回覆刪除我買嘢個樣好 cool ,但原則上尊重，啲人唔夠膽俾面色我睇。有幾次去大快活買餐，啲員工做嘢混帳，我頂唔順，剷到佢地飛天！
laulong,
回覆刪除哈哈，你以前梗係做過訓導主任嘞，所以威嚴仲喺度。中學嘅時候有個訓導主任好犀利，眼神不知幾凌厲，佢只要瞄一瞄，成班馬騮就即刻變晒鵪鶉！