今日睇新聞又俾人激親，真係把幾火！
話說有個住喺公屋嘅綜援阿婆，因為唔順政府02同07年嘅「免收差餉及公屋租金」紓解民困措施冇佢份，走去告政府。原本小額錢債審裁處已經判佢輸咗，但係佢啱啱喺高院上訴得直。如果社署唔提出上訴嘅話，佢就會有二千幾蚊落袋。二千幾蚊梗係濕濕碎啦，最甘嘅係如果社署認輸，政府隨時要攞三億幾出嚟俾有同樣情況嘅公屋綜援戶。
主審法官話雖然綜援戶唔使交租，但係喺免租措施裏面冇受惠。佢又批評社署同房署喺帳目上「左袋入右袋」，根本就幫唔到最窮嘅綜援戶，唔合乎紓解民困嘅目標。對於咁嘅官，除咗叫佢去食，都唔知仲有乜好講。
紓困措施係有針對性嘅，話明係免租措施，梗係舒緩公屋戶喺租金方面嘅壓力啦。綜援戶根本都唔使交租，喺呢方面仲有冇困好紓啫！而且紓困措施又唔係只得免租一款，仲有綜援出雙糧同其他好多花款架，又點可以話幫唔到最窮嘅綜援戶啫！
講起綜援出雙糧又係把幾火！所謂紓困措施都係喺經濟不景嘅時候推出，幫受影響嘅人渡過難關。攞綜援嘅個個月坐喺度就準時有糧出，唔使驚會失業。咁經濟差又對佢地有乜壓力，有乜影響？壓力就冇，但係影響就有喇，不過係好嘅影響啫。因為物價平咗，佢地份糧會好使。咁佢地又憑乜會有雙糧出，就憑夠惡？呢個只係原因之一，最主要係我地有一個軟弱無能嘅政府同一班樂於「為民請命」嘅尊貴議員。
錢冇人會嫌多，個個都想賺到盡。但係攞著數都要出師有名，俾個有邏輯嘅理由先得格。事實係，政府為咗買民意，議員為咗買選票，乜荒謬都做得出。可以預見，隨住政制民主化，類似嘅荒謬仲會陸續有嚟。不過我又唔驚普選，因為我相信「置諸死地而後生」。衰過之後，納稅人自然會識得點揀，到時就撥亂反正。除非到時攞綜援嘅佔咗大多數，咁就真係死得嘞。哈哈，話時話，會唔會真係有咁嘅機會呢？
話說有個住喺公屋嘅綜援阿婆，因為唔順政府02同07年嘅「免收差餉及公屋租金」紓解民困措施冇佢份，走去告政府。原本小額錢債審裁處已經判佢輸咗，但係佢啱啱喺高院上訴得直。如果社署唔提出上訴嘅話，佢就會有二千幾蚊落袋。二千幾蚊梗係濕濕碎啦，最甘嘅係如果社署認輸，政府隨時要攞三億幾出嚟俾有同樣情況嘅公屋綜援戶。
主審法官話雖然綜援戶唔使交租，但係喺免租措施裏面冇受惠。佢又批評社署同房署喺帳目上「左袋入右袋」，根本就幫唔到最窮嘅綜援戶，唔合乎紓解民困嘅目標。對於咁嘅官，除咗叫佢去食，都唔知仲有乜好講。
紓困措施係有針對性嘅，話明係免租措施，梗係舒緩公屋戶喺租金方面嘅壓力啦。綜援戶根本都唔使交租，喺呢方面仲有冇困好紓啫！而且紓困措施又唔係只得免租一款，仲有綜援出雙糧同其他好多花款架，又點可以話幫唔到最窮嘅綜援戶啫！
講起綜援出雙糧又係把幾火！所謂紓困措施都係喺經濟不景嘅時候推出，幫受影響嘅人渡過難關。攞綜援嘅個個月坐喺度就準時有糧出，唔使驚會失業。咁經濟差又對佢地有乜壓力，有乜影響？壓力就冇，但係影響就有喇，不過係好嘅影響啫。因為物價平咗，佢地份糧會好使。咁佢地又憑乜會有雙糧出，就憑夠惡？呢個只係原因之一，最主要係我地有一個軟弱無能嘅政府同一班樂於「為民請命」嘅尊貴議員。
錢冇人會嫌多，個個都想賺到盡。但係攞著數都要出師有名，俾個有邏輯嘅理由先得格。事實係，政府為咗買民意，議員為咗買選票，乜荒謬都做得出。可以預見，隨住政制民主化，類似嘅荒謬仲會陸續有嚟。不過我又唔驚普選，因為我相信「置諸死地而後生」。衰過之後，納稅人自然會識得點揀，到時就撥亂反正。除非到時攞綜援嘅佔咗大多數，咁就真係死得嘞。哈哈，話時話，會唔會真係有咁嘅機會呢？
我都係咁話，香港依家畸晒形，一味喺度揾納稅人同中產老襯。多得啲政客、街頭鬥士同廢官咯！
回覆刪除唔係講笑，我真係想移民架，唔想俾上高啲人玩。
laulong,
回覆刪除其實好多中產係自己攞嚟嘅，居然糾纏喺意識形態咁虛無縹緲嘅度。班扮民政棍就左右逢源，一方面同中產講民主，另一方面就幫草根攞到盡著數。至於移民，我就諗都冇諗過。「物離鄉貴，人離鄉賤」，真係至理名言嚟架！
我唔係好明？公屋綜援戶免唔免租對他們本身有影響嗎？公屋綜援戶的租金等唔係一早由社署包埋嘅咩，使交唔使交，唔係政府部門之間的左手交右手咩？
回覆刪除唔明！請賜教！:)
Coffee n Tea,
回覆刪除好似賓賓咁，明明已經包食包住，都要爭取納入最低工資保障。冇嘅，著數個個都想要，邊會有人嫌多啫。最緊要係識得判斷呢要求合唔合理。我地當然識，最弊係個白痴法官唔識，真係冇佢收！