2010年7月8日星期四

春光乍洩

星光大道變咗「走光大道」,真係搞得嚟又搞笑。如果唔係有呢單新聞,都唔知原來香港有咁多鹹濕佬。

友偷拍人地裙底春光,留返嚟私人珍藏就算啦。點知佢地仲要放埋上網,咁冇道德,又真係爭唔落嘅。搞到而家喺星光大道拎住部有長鏡嘅相機都會俾人當成鹹濕佬,呢班友都算累街坊喇。

當然,偷拍人地嘅走光相係唔啱,但係嗰俾人偷拍嘅受害者其實又使唔使負返一責任呢?着得性感冇問題,但係就應該避免做會走光嘅動作。着住條超短迷你裙,仲要踎低或者高高在上咁坐喺條大樓梯度,就算冇俾人偷拍都俾人睇到蝕啦。

警訊都有叫人財不可露眼啦,何況係千金難買嘅春光呢!

2 則留言:

  1. 此新聞一出,可能仲多啲性感女郎去那裡,搏人偷拍呀!嘻嘻!

    回覆刪除
  2. 佛爺,

    咁你都要去多喇,包你會思如泉湧,創作靈感源源不絕!

    回覆刪除