2010年11月5日星期五

自製健康小食

腰果龍眼肉係我好鍾意嘅小食,做法好簡單,將一粒焗脆咗嘅腰果塞入龍眼肉裏面就搞掂。腰果香脆,龍眼肉甜美而帶煙韌,一齊食嘅時候,無論係口感同味道都相輔相成,起到神奇嘅化學作用,用嚟送紅酒真係一流!當然啦,分開放入口都得,不過就冇咁方便,而且少咗趣味。

腰果含有不飽和脂肪酸、維生素、同多種礦物質,對心血管好有益。而龍眼肉就有補心益脾、養血安神嘅功效。至於兩樣一齊食會唔會有衝突我就唔知嘞,照估都應該冇嘅。

為咗健康,我焗腰果唔會加油同鹽,浸完水之後就用低溫焗。高澱粉嘅,如果用高溫(超過120度)焗或者炸,會產生致癌物架!

不過咁,食得太多一樣係唔健康,因為腰果高脂,龍眼肉高糖。其實任何都係,過量或者過份沉迷,好嘅都會變成壞嘅!

4 則留言:

  1. 腰果好好食!同龍眼肉搭配未試過,你自創架?有機會我又試下。

    回覆刪除
  2. haha, 未聽過咁食噃,果然擦家!

    回覆刪除
  3. 佛爺:
    我一個禮拜會煮三四餐飯,手勢都唔錯架!

    Coffee,
    係我自己發明架,味道都唔錯,得閒可以試吓!

    laulong,
    哈哈,食家就唔敢認,不過好鍾意食就係事實!

    回覆刪除