2010年9月30日星期四

細豪志

釣魚台撞船事件發生咗咁耐,似乎仲未有平息嘅跡象。事件令中日兩國關係跌到落谷底,亦令國內反日情緒再度升溫。呢單成為近日熱門話題,傳媒日日煲,網民日日寫。本來都唔諗住講呢單,因為自己又唔係有乜真知灼見。不過最近有單新聞幾得意,寫吓都好。

話說日本派咗個特使去北京,希望修補中日關係。佢嘅主要任務係尋求溫總同日本首相奸直人喺亞歐首腦會議期間舉行會談。呢單本身冇乜特別,寫嚟都無謂。我想講嘅係個特使嘅名,條友叫做細豪志。

明明係兜細,但係又要有豪志,你都咪話唔搞。男人係咁都冇乜所謂,最多係食吓檸檬啫。不過如果一個國家係咁就大鑊嘞,隨時會自取滅亡。咁啱呢條友嘅祖國就係同佢個名一樣,都係國仔細細,野心大大。

係人都知日本地方細,天然資源貧乏,但係野心就大到無倫。本來要吞晒成個東亞已經唔係容易,架仔仲不自量力到搞埋美國佬,真係買棺材唔知定!食兩粒原子蛋絕對係咎由自取,當係買個教訓。不過架仔硬係死不悔改,而家又想侵佔東海資源。但係中國已經今時唔同往日,唔使再驚架仔,最衰又係美國佬喺度阻頭阻勢!

講起美國佬又係把幾火,除咗架仔之外,最憎嘅就係佢地。美國佬成日周圍蝦蝦霸霸都係其次,最嬲係點解當年嗰兩粒原子蛋唔係掟落東京!

5 則留言:

  1. >>美國佬成日周圍蝦蝦霸霸都係其次,最嬲係點解當年嗰兩粒原子蛋唔係掟落東京!

    你呢句令我笑咗好耐!好抵死!
    嗱,我係和平愛好者黎架,我笑只係因為呢句嘢有幽默感!

    回覆刪除
  2. Coffee,
    哈哈,其實我都係愛好和平架!不過架仔做埋咁喪盡天良嘅,要佢地食十粒八粒原子蛋都唔過份啦!

    回覆刪除
  3. 我淨喺隱約記得梁思成提議美國唔好炸京都奈良,而冇炸東京我諗都喺美國唔想日本衰哂,有啲揸拿可以制衡其他國家。其實當時日軍都開始唔得,嗰兩粒唔用美國都會贏㗎啦,美國當喺嚇吓其他國家,同埋實地試下咁。點都好,都喺比美國佬玩晒。英國人都要企埋一邊。任陶X點吹都好,英國人無美國佬識計數嘅。

    我有個舅父做出入口,多數同西人做生意,做咗幾十年,總結喺同美國人做喺完全冇肉食嘅。反而英國人冇咁絕,不過會跣下你咁。最好喺德國人,有啲人情味。尤其喺南部嘅。

    無啦啦打咗咁多字,哈哈。

    回覆刪除
  4. 好似美國佬當時做佐兩粒野咋!揼佐就無架喇!嘻嘻!

    回覆刪除
  5. Eric,
    架仔會輸就非常肯定,只係睇佢地可以頂得幾耐。淨係睇吓佢地嘅神風特攻隊就知,如果係強勢,使鬼用咁嘅陰招咩!而請架仔食原子蛋亦係絕對有需要。一來可以快結束戰爭,減少美軍傷亡。二來可以立威,武林聖火令,一出鬼神驚,哈哈!三來可以做一喺本土做唔到嘅實驗,就係睇吓原子蛋嘅輻射對人體有乜深遠影響。嗰時架仔都喺中國東北做人體實驗啦,真係天理循環!講到數口,我諗美國佬點都冇英國佬咁精。英國佬出晒名夠陰濕,俾佢地計過度過都冇乜好架喇。而美國佬就專橫霸道,有風駛盡𢃇,比英國佬直接好多。不過亦都唔排除係猶太佬令到美國數口好咗,雖然佢地只係佔美國人口少數,但係喺金融同政治方面嘅影響力都好大。

    佛爺:
    咁就更加要將嗰兩粒原子蛋掟晒落東京喇,呢叫善用資源嘛!

    回覆刪除