2010年6月16日星期三

但將冷眼看螃蟹

呢排睇親電視新聞,都見到班政棍議員,工運人士,各色各樣嘅民間團體,加埋班熱血80後,喺度做晒大龍鳳,真係睇到好煩。本來人人都有權利表達意見,但係佢地真係惡得太緊要,而且搞得太頻密,已經去到破壞社會安寧嘅程度。呢班友鍾意圍邊度就圍邊度,鍾意瞓邊條街就瞓邊條街,鍾意狙擊邊個就狙擊邊個,鍾意擺喺邊度就擺喺邊度,話要封邊條路就要警察封邊條路。而且政府同有關方面要絕對配合,否則就係打壓言論自由。至於傳媒就要大編幅頭條報導,仲要報導夠正面,否則就係自我審查,係是是但但,係媚共。如果話政府係手軟腳軟嘅垂死河蟹,呢班友就肯定係橫行霸道嘅生猛大海蟹!

4 則留言: