苦瓜又叫涼瓜，相信冇人會唔知。不過苦瓜原來仲有一個好奇怪嘅別號，叫做半世瓜，可能就唔係個個都知嘞。
叫做半世瓜，係因為人到中年先會開始鍾意食苦瓜。事實上，我又真係未見過有細路喜歡食呢樣嘢。人生難免有高低起落，經歷得多，自然唔會將一時嘅逆境當成世界末日，甚至會覺得苦日子值得回味，因為咁至更能體會苦盡甘來嘅可貴。所謂少年不識愁滋味，啲細路當然唔會懂得欣賞乜嘢叫做苦後回甘。
其實我都唔算好鍾意食苦瓜，只可以話係唔抗拒。不過近排就食多咗，因為據聞苦瓜有降血壓同降膽固醇嘅功效。今年驗身竟然發現血壓偏高，而膽固醇就更唔使講，多年嚟都徘徊喺爆燈邊緣，食多啲苦瓜應該會有幫助。
苦瓜味道青澀，唔適宜清炒，用豆豉調味就最夾。配料方面，我會揀濃味嘅肉類或海鮮，整得最多嘅係豉汁涼瓜炒牛肉。另外又會用嚟炆燒鴨，但係就唔使落豆豉。啲苦瓜索咗香濃嘅燒鴨汁，送飯絕對一流。不過燒鴨勁多飽和脂肪，就算配埋苦瓜都唔會係健康嘅菜式。至於海鮮，可以配魷魚、墨魚、帶子、或者蜆，總之可以用豉椒炒嘅海產都得。我就最鍾意豉汁涼瓜炒蟹，蟹嘅鮮味滲晒入苦瓜裏面，真係好正架。不過要注意一點，苦瓜同蟹都係極度寒涼之物，寒底嘅人就唔好試嘞。話時話，其實我都唔係好知自己係寒底定燥底添。
人地話苦瓜炒之前要先飛水，咁可以去除苦味，不過我就從來都係生炒。一來係因為懶，費事搞咁多嘢。而且苦瓜冇晒苦味，仲算唔算係苦瓜呢？如果真係咁怕苦，不如食絲瓜、節瓜、翠玉瓜算啦。但係有一種整法我一定唔會試，就係搾汁飲，真係諗吓都會打冷震！
叫做半世瓜，係因為人到中年先會開始鍾意食苦瓜。事實上，我又真係未見過有細路喜歡食呢樣嘢。人生難免有高低起落，經歷得多，自然唔會將一時嘅逆境當成世界末日，甚至會覺得苦日子值得回味，因為咁至更能體會苦盡甘來嘅可貴。所謂少年不識愁滋味，啲細路當然唔會懂得欣賞乜嘢叫做苦後回甘。
其實我都唔算好鍾意食苦瓜，只可以話係唔抗拒。不過近排就食多咗，因為據聞苦瓜有降血壓同降膽固醇嘅功效。今年驗身竟然發現血壓偏高，而膽固醇就更唔使講，多年嚟都徘徊喺爆燈邊緣，食多啲苦瓜應該會有幫助。
苦瓜味道青澀，唔適宜清炒，用豆豉調味就最夾。配料方面，我會揀濃味嘅肉類或海鮮，整得最多嘅係豉汁涼瓜炒牛肉。另外又會用嚟炆燒鴨，但係就唔使落豆豉。啲苦瓜索咗香濃嘅燒鴨汁，送飯絕對一流。不過燒鴨勁多飽和脂肪，就算配埋苦瓜都唔會係健康嘅菜式。至於海鮮，可以配魷魚、墨魚、帶子、或者蜆，總之可以用豉椒炒嘅海產都得。我就最鍾意豉汁涼瓜炒蟹，蟹嘅鮮味滲晒入苦瓜裏面，真係好正架。不過要注意一點，苦瓜同蟹都係極度寒涼之物，寒底嘅人就唔好試嘞。話時話，其實我都唔係好知自己係寒底定燥底添。
人地話苦瓜炒之前要先飛水，咁可以去除苦味，不過我就從來都係生炒。一來係因為懶，費事搞咁多嘢。而且苦瓜冇晒苦味，仲算唔算係苦瓜呢？如果真係咁怕苦，不如食絲瓜、節瓜、翠玉瓜算啦。但係有一種整法我一定唔會試，就係搾汁飲，真係諗吓都會打冷震！
苦瓜d味道....我仲未接受到。
回覆刪除Ebenezer,
回覆刪除哈哈，咁就證明你仲好後生囉！
苦瓜乾沖茶，降膽固醇最好，而且竟然有茶味！
回覆刪除咩事呀！講咗咁耐終於唔抵得我嘅苦瓜汁喇，其實苦瓜配蘋果或木瓜榨汁，OK好飲架，我曾飲過好多，後來胃頂唔順才冇再飲了。
回覆刪除你呀，唔使講都係燥底啦！苦瓜炒蟹寒性超強，你竟然甘之如飴，如果寒底人(如我)，早受不了，我哋寒底人食蟹時都一定要食姜。
laulong,
回覆刪除等我試吓先，或者加糖加奶都得喎！
Coffee,
哈哈，講真我都唔知自己係咪燥底架！其實只要飲食均衡，特別啲嘅嘢間中食吓應該唔會有問題嘅！
乜苦瓜咁勁，唔知喎！但我在童年已經很喜歡吃了。
回覆刪除佛爺：
回覆刪除哈哈，你好早熟喎！