之前講開不文集，裏面除咗有不文對聯，仲有一條不文燈謎添。謎面係「曹操屁股痕」，射一位十七世紀法國思想家。
法國思想家我一個都唔識，當然係第一時間揭開最尾嗰頁揾答案啦。唔睇由自可，一睇就不得了，直頭笑到趴街，因為實在太絕喇！
不過咁，我都係覺得不文才子太斯文咗啲，如果將謎面改成「曹操屎忽痕」，就肯定傳神好多嘞！
提到曹操，我又有條IQ題考吓大家，絕對係原創架！喺曹操、劉備、關羽、張飛呢幾位三國人物裏面，有邊個係無德之人呢？條問題咁簡單，五秒內答唔出就當棄權！
夠鐘嘞！除咗棄權嗰啲，其他全部都答錯！而家呢條係IQ題，唔係歷史題呀，正確答案係「關羽」！
咪鬧住，聽我講埋先啦。我當然唔敢大膽到侮辱關二哥啦，唔驚橫屍街頭咩！講開又講，黑白兩道都拜關二哥，咁佢應該保佑邊便呢？萬一協調唔到，又會唔會搞到神格分裂呢？
哈哈，廢話講完！睇真啲佢地幾位嘅名先啦，曹孟德、劉玄德、關雲長、張翼德，咁你地話邊個先係無「德」之人呢？
係咁架喇，而家啲IQ題，智力正常嘅人係唔識答架！
法國思想家我一個都唔識，當然係第一時間揭開最尾嗰頁揾答案啦。唔睇由自可，一睇就不得了，直頭笑到趴街，因為實在太絕喇！
不過咁，我都係覺得不文才子太斯文咗啲，如果將謎面改成「曹操屎忽痕」，就肯定傳神好多嘞！
提到曹操，我又有條IQ題考吓大家，絕對係原創架！喺曹操、劉備、關羽、張飛呢幾位三國人物裏面，有邊個係無德之人呢？條問題咁簡單，五秒內答唔出就當棄權！
夠鐘嘞！除咗棄權嗰啲，其他全部都答錯！而家呢條係IQ題，唔係歷史題呀，正確答案係「關羽」！
咪鬧住，聽我講埋先啦。我當然唔敢大膽到侮辱關二哥啦，唔驚橫屍街頭咩！講開又講，黑白兩道都拜關二哥，咁佢應該保佑邊便呢？萬一協調唔到，又會唔會搞到神格分裂呢？
哈哈，廢話講完！睇真啲佢地幾位嘅名先啦，曹孟德、劉玄德、關雲長、張翼德，咁你地話邊個先係無「德」之人呢？
係咁架喇，而家啲IQ題，智力正常嘅人係唔識答架！
哈哈﹐原來係傳說中的孟德斯鳩。
回覆刪除講開IQ爛gag題﹐我諗起另一個問題﹕
有三張演唱會飛﹐張飛﹑關羽﹑趙雲﹑劉備﹐邊兩個有機會無得去﹖
haha, 絕呀！
回覆刪除諗哩啲我好白痴，可能諗嘢真係太正路咯！
樓上校長，原在d學生當正呢d係通識科架lar
回覆刪除樓上樓上再樓上︰
回覆刪除張飛同劉備。
文少：
回覆刪除一係「趙雲張飛劉備關羽」，一係「關羽張飛劉備趙雲」，所以冇得去嘅係趙雲或者關羽。
laulong,
哈哈，呢啲謎語或IQ題，我都係十次有十一次估唔到架！
Ebenezer,
而家無厘頭文化當道，連潮語都可以出現喺會考題，你話仲有乜嘢唔可以發生呢？！
Coffee,
其實我都考慮過「張飛劉備趙雲關羽」，不過「張飛」嘅字面含義係「一張飛」，即係剩番一張飛俾趙雲或者關羽。而劉備同張飛都應該已經有飛，所以先會剩番一張。
Arm︰
回覆刪除我係咁諗︰「將飛留俾」趙雲、關羽
仲有，我睇唔出你呢張相係甚麼名堂，扭曲過？表達甚麼？
回覆刪除Coffee,
回覆刪除係喎，咁都得喎！至於張相，哈哈，咪屁股（或屎忽）嚟囉，絕對原汁原味，冇扭曲過架！
Coffee,
回覆刪除哈哈，講漏咗添，張相係呼應番嗰個不文燈謎架！
張相明明係背脊泥喎？！
回覆刪除谷歌無禁屁股的！即本放個屁股出來吧！
回覆刪除Ebenezer,
回覆刪除哈哈，雖然張相係背脊多過屁股，不過股罅嗰部分先係焦點所在！就好似阿飛正傳咁，雖然偉仔只係喺最尾出咗一個鏡頭，但係全套戲最搶就係佢囉！
佛爺：
我都係百無禁忌架，不過我啲存貨裏面冇屁股大特寫囉！最衰屁股喺後面，冇得自拍，想即刻影番張都唔得！