2011年10月5日星期三

豺大媽,你好嘢!

飽暖思淫慾,真係千古不易嘅定理!豺大媽喺美國過住富足嘅生活,又有個幸福嘅家庭(老公同三個女),本來已經算係人上人,絕對羨慕死香港啲師奶仔。不過咁,既然溫飽無憂,自然要揾啲嘢搞吓,否則何以遣有涯之生?啱啱睇咗壹仔嘅專訪,話豺大媽下禮拜會出一本自傳,大爆自己墮過四次胎。本來出書意淫一番亦無可厚非,不過又使唔使爆到咁大鑊呀,真係服晒佢!

話說豺大媽啱啱入北大就搭上咗一個男生,當時佢兩個都係學生會成員。佢地兩度翻雲覆雨,其中一次仲係喺學生會辦公室添,點知咁就有咗嘞。佢話當年大陸冇性教育,又唔准售賣避孕用品俾未婚男女,中招都係迫於無奈喎。嗰時未婚懷孕好大鑊,一定會趕出校,所以就墮咗第一次胎。佢地食過番尋味,第二年又中多一鑊,結果當然係落埋啦。

後來佢地分咗手,豺大媽就搭上咗封蟲德。佢仲話封蟲德「風流倜儻」、「健碩性感」,好受女生歡迎添。呢點我就冇辦法認同嘞,條友頭尖額窄、奀挑鬼命,咁都話「風流倜儻」、「健碩性感」,豺大媽嘅口味真係特別到無倫!有一次探完封蟲德嘅家人,佢地就順便搞嘢,結果又中咗,跟住又落埋。

八八年佢地結埋婚,後來仲拍住拖參與天安門學運。不過封蟲德竟然藉機拈花惹草,令豺大媽好唔高興。八九事件之後,佢地齊齊著草,先到法國,再到美國巡迴演講,其實嗰時佢地嘅感情已經破裂咗。都係「月亮惹的禍」,只不過一次「月夜的翻騰」,咁又中招嘞。豺大媽係返到法國先知道有咗,本來封蟲德話佢同法籍女友願意撫養個仔,不過豺大媽就選擇咗墮胎。

豺大媽話:「前三次實在中國不允許生育,最後一次在自由國土,是我對神有罪」。爆大鑊係要對神懺悔:「是要完成神的意願,解救他在中國受不幸的女兒和孩子們」。佢強烈批評中國嘅一孩政策,話係導致中國婦女墮胎嘅原因。佢仲提供埋數據:「80%的中國婦女至少墮胎一次,51%至少兩次」。

嗱,呢啲就係抽水嘞!佢墮四次胎,根本就同中國嘅一孩政策完全冇關係。最起碼,第一胎絕對可以生出嚟,我就唔相信中國政府會夾硬捉佢去落仔囉。當然啦,未婚媽媽要承受好大壓力,呢點冇人會否認。總之喺中國人嘅社會就係咁,就算香港都唔例外。又要扑嘢又唔做預防措施,中咗招就怪政府,佢抽水都算抽得離譜喇。就算冇避孕用品,起碼都應該識得計安全期啩。雖然話呢樣嘢唔係好可靠,但係點都好過不設防,斷估唔會一扑即中囉。哈哈,唔通佢日日都係發春期,所以根本就冇安全期?!

所謂食得鹹魚抵得渴,做得出就要承擔後果。乜都賴晒落人地度,而家當全世界傻嘅咩!其實豺大媽已經有個幸福家庭,做乜仲要自揚臭屎呢,唔通佢唔驚會影響到佢嗰三個女?要懺悔嘅就同神父告解啦,根本就冇必要話晒俾全世界知,我話佢係姣婆唔守得寡就真!

講咗咁耐都仲未入到主題添,其實我係想講豺大媽有乜咁好嘢。根據佢自己所講,鑊鑊都係一扑即掂,命中率接近百分百。如果佢可以分享吓自己嘅獨門秘方(或秘技),咁就造福全世界嘅不育婦女啦,真係功德無量呀!

6 則留言:

  1. haha, 豺大媽!

    今日至知原來哩班民運領袖咁浪漫激情!豺大媽是墮胎達人,風師弟是溝女達人,後來嘅王單係基戀達人...

    哇,真係領袖中嘅領袖,一時俊彥呀!

    回覆刪除
  2. 再睇埋laulong的留言,真係一門多傑!

    佢自己行事不慎而墮過四次胎,然後當自己係受害人,不如改姓賴好啲!

    回覆刪除
  3. laulong,
    男歡女愛(或男歡男愛)本來係人之常情,不過班友硬係要自封為聖人同聖女,咁就無可避免要受世俗嘅道德批判喇!如果班友只係普通人,鬼有人得閒理佢地係性人定性女咩!

    Coffee,
    係囉,由頭到尾都冇人迫過佢!而家無啦啦走出嚟「懺悔」,又講成係受咗神嘅感召,真係賴得就賴!

    回覆刪除
  4. 根據最近有關人工受孕率的研究,發現成功率是8%,跟自然受孕的成功率相同。

    豺大媽四次都扑中,嘩!佢應該去搵健力士世界記錄大全呀!

    但如果佢只係平均值的成功率8%,咁,佢就扑佐五十次架喇!

    敝!若果佢既成功率只有4%,咁佢就扑佐一佰次架喎!係咪呢?嘻嘻!

    回覆刪除
  5. 最近有人發現,男人日日袋住部手機在褲袋,都係一個避孕嘅好方法。

    回覆刪除
  6. 佛爺:
    哈哈,不愧為性學專家!有實際數據支持,豺大媽就唔可以將縱慾美化為情慾啦!

    Ebenezer,
    嗰時仲係用緊大哥大,要袋喺褲袋好高難度啫!不過話時話,真係見過有人做到呢個高難度動作喎!

    回覆刪除