早幾日喺Youtube睇到條標題叫做小器男嘅片，都幾搞笑吓。話說有個男人同兩個女搭地鐵，因為細路嘅毛公仔霸佔咗個座位而同一個阿婆發生爭執。個男人仲將過程拍低然後放上網，諗住聲討個阿婆。點知人算不如天算，個男人反而變成網民嘅圍毆對象，主要係話佢小器、唔敬老、同埋喺兩個女面前做埋咁嘅細教壞細路。其實不知幾多乜乜男乜乜女都試過拍放上網，結果就由原告變成被告。個男人竟然仲要以身試法，睇嚟佢唔止小器，仲好蠢吓添。
講到教壞細路，我都親身見識過。話說有一次由石家莊搭飛機返香港（當然係坐經濟艙啦），坐我後面係一個大約五六歲嘅𡃁仔，佢隔籬係個中年女人，應該係佢阿媽。佢地兩個都講普通話，我估係遊客或者新移民。個𡃁仔都不知幾活潑，由坐低開始就不停咁拍檯踢腳。佢拍一吓檯，我背脊就震一震，佢踢一吓腳，我個背脊又震一震，真係俾佢煩死。我都知細路唔懂事又貪玩，但係冇理由要我成程機都受咁嘅騷擾格，咁我咪擰轉頭同佢阿媽講囉。我當時講得好客氣，之前都提過啦，我連去7仔買都會講四聲唔該嘅。本來諗住咁簡單嘅開句聲就實掂架啦，點知事態發展竟然完全超乎我嘅想像。個女人同我講，話張檯係個𡃁仔嘅，佢鍾意點玩都得，呢個係佢嘅權利，我冇得過問！個𡃁仔知道我地講緊佢，就問個女人佢係咪做錯咗。個女人居然同佢講話佢冇做錯，叫佢繼續玩，仲話唔使理我添。我當時嘅第一反應係想兜巴星條八婆，不過好男不與女鬥，唯有嗗聲吞咗佢啦。其實呢禍國殃民嘅人，真係人人得而星之啦。話佢禍國殃民，絕對唔係無限上綱。佢咁教仔法，個𡃁仔第日實會好似佢咁，成為一個蠻不講理，自私自利嘅人。細路係國家嘅未來主人，佢地嘅品德係關乎整個民族嘅興衰。而家條八婆喺度荼毒我地國家嘅小主人翁，唔係禍國殃民係乜？！
另外一次又係搭飛機返香港（當然又係坐經濟艙啦），喺邊度返就唔記得嘞。一坐低就覺得背脊有異動，好有阿嬋feel，唔通航空公司換晒坐位做阿嬋按摩椅？不過諗吓，航空公司邊有咁好死，會咁益我地呢cheap cheap客啫。唔使再諗嘞，一定係後面有古怪，唔通後面真係有個阿嬋幫我做緊人肉按摩？擰轉頭一睇，原來唔係阿嬋，係一個十七八歲嘅𡃁妹。佢好似冇腰骨咁，坐到成個人墮晒落去，對膝頭就頂住我嘅椅背。頂都算嘞，佢仲要不停咁un吓un吓，原來阿嬋feel係咁樣嚟嘅。我又係好有禮貌咁同講，話佢頂到我好唔舒服。我諗大家都估到，個𡃁妹嘅回應又係激到人爆血管嗰隻。佢話唔知我舒唔舒服，不過佢就覺得好過癮嘞。真係俾佢吹到啤一聲！基於好男不與女鬥嘅原則，我又係嗗聲吞咗佢。同之前條八婆一樣，呢個𡃁妹都係蠻不講理，自私自利嘅人。好明顯，呢個係冇家教嘅結果。
睇返而家香港八九十後，好多都係極度自我中心，做從來唔會顧人地嘅感受，唔會理對其他人有乜影響。我相信呢係家庭教育失效嘅結果。事實上，而家好多父母都唔識點教仔，或者從來冇諗過要教。成日都喺新聞睇到，有人淨係顧住自己上大陸wet，連細路冇飯食都唔理，由得佢地自生自滅。有人就啱啱相反，過份愛錫仔女，佢地要乜都永冇say no。一係就過份保護，驚死仔女接觸吓出面嘅世界就會學壞。另外有就利益掛帥，教仔格言係千祈咪蝕底。
我一向都唔相信性善論或者性惡論，我只相信細路仔係一張白紙，張紙會變成點樣嘅圖畫，完全係睇大人喺上面畫乜。令人失望嘅係，好多人淨係識鬼畫符！
講到教壞細路，我都親身見識過。話說有一次由石家莊搭飛機返香港（當然係坐經濟艙啦），坐我後面係一個大約五六歲嘅𡃁仔，佢隔籬係個中年女人，應該係佢阿媽。佢地兩個都講普通話，我估係遊客或者新移民。個𡃁仔都不知幾活潑，由坐低開始就不停咁拍檯踢腳。佢拍一吓檯，我背脊就震一震，佢踢一吓腳，我個背脊又震一震，真係俾佢煩死。我都知細路唔懂事又貪玩，但係冇理由要我成程機都受咁嘅騷擾格，咁我咪擰轉頭同佢阿媽講囉。我當時講得好客氣，之前都提過啦，我連去7仔買都會講四聲唔該嘅。本來諗住咁簡單嘅開句聲就實掂架啦，點知事態發展竟然完全超乎我嘅想像。個女人同我講，話張檯係個𡃁仔嘅，佢鍾意點玩都得，呢個係佢嘅權利，我冇得過問！個𡃁仔知道我地講緊佢，就問個女人佢係咪做錯咗。個女人居然同佢講話佢冇做錯，叫佢繼續玩，仲話唔使理我添。我當時嘅第一反應係想兜巴星條八婆，不過好男不與女鬥，唯有嗗聲吞咗佢啦。其實呢禍國殃民嘅人，真係人人得而星之啦。話佢禍國殃民，絕對唔係無限上綱。佢咁教仔法，個𡃁仔第日實會好似佢咁，成為一個蠻不講理，自私自利嘅人。細路係國家嘅未來主人，佢地嘅品德係關乎整個民族嘅興衰。而家條八婆喺度荼毒我地國家嘅小主人翁，唔係禍國殃民係乜？！
另外一次又係搭飛機返香港（當然又係坐經濟艙啦），喺邊度返就唔記得嘞。一坐低就覺得背脊有異動，好有阿嬋feel，唔通航空公司換晒坐位做阿嬋按摩椅？不過諗吓，航空公司邊有咁好死，會咁益我地呢cheap cheap客啫。唔使再諗嘞，一定係後面有古怪，唔通後面真係有個阿嬋幫我做緊人肉按摩？擰轉頭一睇，原來唔係阿嬋，係一個十七八歲嘅𡃁妹。佢好似冇腰骨咁，坐到成個人墮晒落去，對膝頭就頂住我嘅椅背。頂都算嘞，佢仲要不停咁un吓un吓，原來阿嬋feel係咁樣嚟嘅。我又係好有禮貌咁同講，話佢頂到我好唔舒服。我諗大家都估到，個𡃁妹嘅回應又係激到人爆血管嗰隻。佢話唔知我舒唔舒服，不過佢就覺得好過癮嘞。真係俾佢吹到啤一聲！基於好男不與女鬥嘅原則，我又係嗗聲吞咗佢。同之前條八婆一樣，呢個𡃁妹都係蠻不講理，自私自利嘅人。好明顯，呢個係冇家教嘅結果。
睇返而家香港八九十後，好多都係極度自我中心，做從來唔會顧人地嘅感受，唔會理對其他人有乜影響。我相信呢係家庭教育失效嘅結果。事實上，而家好多父母都唔識點教仔，或者從來冇諗過要教。成日都喺新聞睇到，有人淨係顧住自己上大陸wet，連細路冇飯食都唔理，由得佢地自生自滅。有人就啱啱相反，過份愛錫仔女，佢地要乜都永冇say no。一係就過份保護，驚死仔女接觸吓出面嘅世界就會學壞。另外有就利益掛帥，教仔格言係千祈咪蝕底。
我一向都唔相信性善論或者性惡論，我只相信細路仔係一張白紙，張紙會變成點樣嘅圖畫，完全係睇大人喺上面畫乜。令人失望嘅係，好多人淨係識鬼畫符！
>>而家條八婆喺度荼毒我地國家嘅小主人翁，唔係禍國殃民乜？！
回覆刪除你的黑色幽默真係一流！
話時話，做人阿媽真係好大壓力，當然呢啲咁禍國殃民的行為，我是一定打倒的，所以心力交瘁呀！
Coffee,
回覆刪除做人父母梗係唔容易啦，聽講話養大一件要成幾百萬！不過錢都唔係萬能嘅，有錢唔代表可以教得好仔女，睇吓成日上八卦雜誌嗰班二世祖就知啦！做人父母係好大嘅承擔，教仔更係勞心勞力嘅事。如果係冇責任感嘅人，真係唔生好過生，以免遺禍人間！
搭飛機被細路喺後面踢凳我都試過幾次，我通常都喺直接搵空姐，會比較有效。有一次仲upgrade去商務位，哈哈哈。
回覆刪除以前我都會同嗰阿媽講，但通常一喺就好似你咁俾人鬧番轉頭，一喺嗰阿媽是但咁敷衍。冇乜嘢嘅，嗰細路大咗，佢嗰阿媽咪知味道囉，哈哈。
其實成班友自信心爆棚。有個朋友的大家姐，佢個仔搞壞了電腦，佢竟然周圍同人講，佢個仔好聰明，搞壞佐部電腦，無人救得番。
回覆刪除以上幾位︰
回覆刪除很多阿媽咪覺得自己生個件，果三樣嘢都是香的，呢樣變化心態好普遍架！當然是有限期的，多數在幼稚園打前的階段。
我？我冇！我唔正常呀嘛！
80年後出世o既朋友(包括我)真係原罪多多啊!
回覆刪除其實世上惡人何其多，係你見得少o者。係香城三至一百歲o既好一部分都有問題架啦。正如香港有廿幾三十萬精神病人通街走，佢地唔病發你就察覺唔到o者!
又，好多你講o既八九十後又好多都好正常o既。我始終相信大部分人都是正常o既，發神經的惡人始終佔少數。
Eric,
回覆刪除嘩，有得upgrade咁筍，直頭係因禍得福啦！雖然話好男不與女鬥，不過我都唔係嗰俾人踩到上心口都唔出聲嘅人嚟。如果情況冇改善，我自然有方法對付佢地。我相信因果報應，如果父母將仔女訓練成自私自利嘅人，佢地實會自嘗惡果。因為自私自利嘅人係唔識感恩嘅，所以亦唔會孝順父母。
佛爺：
哈哈，唔怪得而家咁多𡃁仔都係破壞王嚟啦，原來有家長係咁欣賞仔女搞破壞嘅！
Coffee,
所謂情人眼裏出西施，為人父母嘅都係一樣，覺得自己仔女乜係最好嘅。
詩白爾：
哈哈，稍安無躁，我都冇話所有八九十後都係咁。而且寫blog嘅為求得啖笑，梗係隱善揚惡架啦，唔使咁認真喎！
haha, 寫得真精彩。Arma, 你也太善良了，俾我我頂完佢八彩後，會向空姐投訴咯。就算空姐搞唔掂，都可以近距雖吓啲靚空姐嘛！
回覆刪除laulong,
回覆刪除其實呢情況試過好多次，我都係會自己開聲同對方講先，咁係比較尊重對方。事實上通常都係講咗就搞掂，咁經典嘅人都係遇過兩次啫。