祝大家情人節快樂！
哈哈，而家至講會唔會遲咗啲呢？！冇所謂啦，有心唔怕遲，十月都係拜年時嘛！而且我相信，情人節最緊要嘅慶祝活動，好多人都仲未開始囉！
其實我一向對啲冇假期嘅節日唔多感冒，可能係我個人比較功利啦，覺得節日嘅價值係在於有假放。講真，我都覺得好唔合理，點解情人節唔係公眾假期呢？喺香港呢個重洋輕中嘅社會，對於大多數成人，甚至好多早熟兒童嚟講，情人節嘅重要性應該只係緊次於聖誕節。
情人節同中秋節一樣，慶祝活動主要都係喺夜晚進行。如果可以好似中秋節咁，第二日唔使返工返學，冇咗後顧之憂，玩都玩得盡情好多啦。最好連公共交通工具都延長服務時間，咁就真正造福人群嘞。
香港真係有好多無厘頭嘢，例如為咗政治正確，夾硬將佛誕納入法定假期。其實又有幾多屋企有拜神（指滿天神佛）嘅人，真係知道佛誕係邊一日呢？而家仲有人倡議將孔誕列為公眾假期添，根本就完全脫離實際。如果政府真係想做到以民為本，首先要考慮嘅應該係情人節囉！
哈哈，唔好意思，忘記咗啲暫時仲未有另一半嘅朋友添！其實一個人自由自在都幾好丫，起碼樂得耳根清靜。覺得悶又隨時可以揾番件，真係恨死好多人架！
哈哈，而家至講會唔會遲咗啲呢？！冇所謂啦，有心唔怕遲，十月都係拜年時嘛！而且我相信，情人節最緊要嘅慶祝活動，好多人都仲未開始囉！
其實我一向對啲冇假期嘅節日唔多感冒，可能係我個人比較功利啦，覺得節日嘅價值係在於有假放。講真，我都覺得好唔合理，點解情人節唔係公眾假期呢？喺香港呢個重洋輕中嘅社會，對於大多數成人，甚至好多早熟兒童嚟講，情人節嘅重要性應該只係緊次於聖誕節。
情人節同中秋節一樣，慶祝活動主要都係喺夜晚進行。如果可以好似中秋節咁，第二日唔使返工返學，冇咗後顧之憂，玩都玩得盡情好多啦。最好連公共交通工具都延長服務時間，咁就真正造福人群嘞。
香港真係有好多無厘頭嘢，例如為咗政治正確，夾硬將佛誕納入法定假期。其實又有幾多屋企有拜神（指滿天神佛）嘅人，真係知道佛誕係邊一日呢？而家仲有人倡議將孔誕列為公眾假期添，根本就完全脫離實際。如果政府真係想做到以民為本，首先要考慮嘅應該係情人節囉！
哈哈，唔好意思，忘記咗啲暫時仲未有另一半嘅朋友添！其實一個人自由自在都幾好丫，起碼樂得耳根清靜。覺得悶又隨時可以揾番件，真係恨死好多人架！
Bled, Slovenia
Durnstein, Austria
Bergen, Norway
Bergen, Norway
Raykjavik, Iceland
Raykjavik, Iceland
強烈讚成所有有個節字嘅日子，都納入公眾假期！
回覆刪除淨係加佛誕和孔誕唔夠架！仲有黃大仙呀！
回覆刪除如果二個人一起却寂寞，是更寂寞了。
回覆刪除Ebenezer,
回覆刪除哈哈，淨係有個節字都唔夠架，仲要加埋個誕字先得囉！
佛爺：
哈哈，黃大仙似乎未夠照喎，張天師就差唔多，不過都係道祖（老子）層次最高囉！
Coffee,
就係因為濃情轉淡，所以先要一年揾一日沖喜吓。如果做到「日日都是情人節」呢個傳說中嘅至高境界，咁根本就唔需要有情人節！
Arma, 你就話有條件隨時揾番件啫，唔係個個得架 >.<
回覆刪除laulong,
回覆刪除唉，就快升呢做長者喇，仲有乜條件喎！不過唔緊要啦，橫掂都已經心如止水、無慾無求！
我都祝你情人節快樂（雖然遲咗小小）！
回覆刪除啲相好靚，你究竟收埋幾多？
SKII,
回覆刪除多謝多謝！我啲旅行相數以萬計，真係用多十年八載都用唔晒呀！