小強當然唔係打不死，不過就硬係冇辦法將佢地徹底消滅。借用陳巧文嘅名句：打死咗一隻小強，廚房仲有千千萬萬隻小強！
唔知點解，呢幾年已經見唔到大大隻識飛嗰小強，但係廚房就出現咗細細隻嘅小小強。呢款小強都唔知係乜品種，最大隻都係同粒摩登瓜子咁上下，而最細嘅就仲細過粒米。呢小強都有對翼，但係就未見過佢地飛。咪睇佢地細細隻，其實身手都不知幾敏捷，速度快到無倫。佢地仲鬼死咁精靈，有乜風吹草動就即刻捐窿捐罅，直頭係神出鬼沒。
而家幾乎晚晚喺廚房都會見到幾隻小強，真係唔得佢死。其實我一早就為佢地準備咗幾間曱甴屋，但係就完全起唔到作用。都唔知係佢地唔肯幫襯，定係佢地百毒不侵。我個廚房又多濕星，所謂投鼠忌器，殺蟲水自然唔用得。所以我都係用最原始嘅方法對付佢地，就係用手拍嘞。以前我會用張廁紙隔住隻手先拍落去，不過好多時摷得張廁紙嚟，隻小強已經唔見咗，所以成功率好低吓。後來唔理得咁多，污糟就污糟啦，一於同佢地徒手搏擊，成功率就提升到七八成。不過話時話，徒手拍到小強爆晒肚，又真係好核突吓架！
小強食飽就匿埋生仔，繁殖得超快，就算每日打死幾隻，都冇可能打到佢地絕種。不過唔打又唔得，容乜易連睡房都俾佢地佔據埋架。而家日日要做人肉殺牠死，都唔知要搞到何年何月，真係煩死！
唔知點解，呢幾年已經見唔到大大隻識飛嗰小強，但係廚房就出現咗細細隻嘅小小強。呢款小強都唔知係乜品種，最大隻都係同粒摩登瓜子咁上下，而最細嘅就仲細過粒米。呢小強都有對翼，但係就未見過佢地飛。咪睇佢地細細隻，其實身手都不知幾敏捷，速度快到無倫。佢地仲鬼死咁精靈，有乜風吹草動就即刻捐窿捐罅，直頭係神出鬼沒。
而家幾乎晚晚喺廚房都會見到幾隻小強，真係唔得佢死。其實我一早就為佢地準備咗幾間曱甴屋，但係就完全起唔到作用。都唔知係佢地唔肯幫襯，定係佢地百毒不侵。我個廚房又多濕星，所謂投鼠忌器，殺蟲水自然唔用得。所以我都係用最原始嘅方法對付佢地，就係用手拍嘞。以前我會用張廁紙隔住隻手先拍落去，不過好多時摷得張廁紙嚟，隻小強已經唔見咗，所以成功率好低吓。後來唔理得咁多，污糟就污糟啦，一於同佢地徒手搏擊，成功率就提升到七八成。不過話時話，徒手拍到小強爆晒肚，又真係好核突吓架！
小強食飽就匿埋生仔，繁殖得超快，就算每日打死幾隻，都冇可能打到佢地絕種。不過唔打又唔得，容乜易連睡房都俾佢地佔據埋架。而家日日要做人肉殺牠死，都唔知要搞到何年何月，真係煩死！
唔係講笑，真係好核突呀！啲小強還有可能從樓下的水喉位出來的，試下在返工前或離家前，用開稀的漂白水倒入家中去水的地方，曱甴屋就繼續擺放在家中特別係廚房，看下有冇幫助。
回覆刪除PS︰以上方法係我自己諗嘅，並未試過，但可能work喎，不妨一試:)
haha, 我都有哩個煩惱，我都徒手拍架，幸好哩种小強丁屎咁細隻，bit 嘅嘢冇乜啫！
回覆刪除Coffee,
回覆刪除你冇試過？即係你屋企冇小強？有乜可能呀！冇理由會有人屋企冇小強嘅！
laulong,
而家打小強已經成為我生活嘅一部分，如果邊日冇打死過小強，個心就硬係覺得囉囉攣咁！
哈哈！斷章取義就係咁來架喇！我係話冇試過用開稀漂白水嘅方法，唔係話屋企冇小強，因為我用曱甴屋已搞掂。:p
回覆刪除Coffee,
回覆刪除哈哈，我仲以為你屋企真係冇小強添！咁都好，人有我有，等我仲諗住係我屋企特別污糟！