2014年10月4日星期六

致佔中人士

如果你受現場氣氛感染,覺得好high好好玩……我會勸你適可而止,玩夠就好返屋企,以免樂極生悲!

如果你參與佔中只係想表達自己嘅訴求……我會理解同尊重,其實你嘅訴求人人都已經聽到,係時候收手喇!

如果你話佔中係為全港市民爭取民主公義……我會婉拒你嘅好意,我好清楚自己想要啲乜嘢,唔使其他人順便幫我爭取埋!

如果你覺得你嘅自由可以凌駕其他人嘅自由、你嘅意願比其他人嘅意願更值得尊重……我會好鄙視你,因為你開口埋口講民主,但係就連最基本嘅民主概念都冇!

如果你相信抗爭行動可以迫使中央收回人大嘅決定……我會好同情你,因為你實在太天真,注定一世俾人呃!

如果你明白抗爭行動唔可以迫使中央收回人大嘅決定,但係仍然選擇繼續抗爭……我會覺得你好唔理智、好自私,你只係為咗啖氣,而完全唔理咁做會對全香港造成乜嘢傷害!

如果你預咗犧牲,甘願燃燒自己照亮香港民主路……我會敬佩你嘅捨身精神,雖然我仍然唔認同你嘅做法!願你一路走好!

如果你認為民主就係一切……我會借用「阿婆金句」作回應:「你唔使食飯,其他人要食飯架!」

後記:

原本只有七個「如果」,最尾嗰個係後加嘅。明明已經上咗床覺覺豬,忽然諗起喺電視新聞睇到要去政總返工嘅嗰位阿婆,忍唔住即刻彈起身加埋落去。

阿婆好嘢!我俾一億個like你!

Madrid, Spain

12 則留言:

  1. Arm:

    班學生哥佔領旺角之前,有冇拜過關二哥?就算有,都唔夠嗰度啲江湖大佬上得香多啩!咁大膽去旺角踩場,喺咪買棺材唔知啶呢?嘻嘻!

    回覆刪除
  2. 佛爺:
    一位喺現場目擊嘅女佔中者聲稱,班暴徒唔係講中文,係講國語架(至於點解國語唔係中文就不得而知啦)!即係話,班暴徒根本唔係陀地,而係台灣黑幫囉!哈哈,台灣黑幫係咪拜媽祖架,唔好咁隨便就入埋關二哥數喎!

    回覆刪除
    回覆
    1. Arm:

      台北有一座關帝廟,相當大,人流很多,我去過,不過無上香.嘻嘻!

      呢班「佔中蝗蟲」,慢慢變成過街老鼠,人人喊打.不過咁,一定有班鼠輩支持過街老鼠的.

      刪除
  3. 佛爺:
    上網查過喇,原來台灣黑幫都係拜關帝架!至於班佔中人士,網民就叫佢地「黃斤賊」囉,哈哈!所謂「冤豬頭都有萌鼻菩薩」,班友梗係大把粉屎啦,尤其是喺呢個禮崩樂壞嘅時代!

    回覆刪除
    回覆
    1. Arm:

      好似多倫多咁,有啲區域夜晚唔去得,除非你想食子彈。意大利人聚居嘅地頭,有意大利教父照住,你走入去開一家華人餐館,關二哥都保唔到你。嘻嘻!

      呢班「黃巾賊」,究竟喺「天真」或者喺「無邪」,夠膽去旺角踩場。黑白兩道都當佢無到。莫非陳日君樞機真喺鞭鞭有力,可以召耶穌睇場?嘻嘻!

      刪除
  4. 今晚外面的氣氛,大有溪雲初起日沉閣,山雨欲來風滿樓之勢。

    回覆刪除
  5. 我最唔忿氣就係D人話就話預左犧牲,但少少野就強烈譴責,痛心疾首。
    一時話挑!催淚彈咋嘛!一時就呼天叫地......

    佔中選舉前的承諾呢?邊樣算數?

    又話四十歲樓下唔俾玩,話係中年人俾後生既一份禮物......
    又話唔反抗,坐低任拉......

    都係算數罷啦!

    回覆刪除
  6. Ebenezer,
    本來諗住清場勢在必行,不過啱啱睇完新聞,學聯似乎又軟番,可能仲有啲轉機。而家就要睇吓啲自發參加嘅群眾有乜取態嘞,呢班友先最激囉!

    佛爺:
    講真,而家班友對抗緊嘅係一個國家,就算玉皇大帝都照佢地唔起啦!至於嗰班黑社會暴徒,我就傾向相信係某啲人買兇嫁禍嘞,係邊個唔使講到明啦!

    國之三維:
    哈哈,古語有云:犯民靠得住,豬乸都會上樹!班政棍吹就叻啫,要佢地以身犯險?班友真係睬你都有味啦!嗰班尊貴議員講到明唔會參與佔中,因為要保存有用之軀否決政改喎!

    回覆刪除
  7. 旺角單嘢,實情係佔領砵䔵街。

    若你係靠做食店代客泊車搵食、做馬佚、賣白粉俾道友在街邊開餐....你會有乜感受?

    回覆刪除
  8. 好佔唔佔 佔旺角!睇得出群龍無首,又無政治智慧。

    政府坐山觀虎鬥都差不多啦卦!

    回覆刪除
  9. 今之學生最蠢最無品,真係睇到氣頂

    回覆刪除
  10. Ebenezer,
    啲陀地當然有動機打實班黃巾,但係打得咁高調,直頭搏上鏡咁,仲要特登講兩句「國語」俾班黃巾聽,我就覺得好可疑嘞!如果啲陀地真係要搞,我相信佢地會混入人群趁機製造混亂,例如放蛇(真蛇)囉!

    Coffee,
    揀得旺角、尖沙嘴、銅鑼灣呢幾個地方,好明顯係針對啲自由人,班友應該係「香肛人優先」之流囉!呢班腦殘動物根本只係一堆蛇蟲鼠蟻,用「群龍無首」嚟形容,實在太抬舉佢地喇!

    laulong,
    哈哈,校長你每日要對住咁多學生,辛苦晒喇,本人致以最深切嘅慰問!

    回覆刪除