2014年10月7日星期二

書生造反

幾十年前聽過一個故仔,至於係咪真有其事就無從稽考嘞。話說當年珍妹出咗本噴血寫真集,某大學有班宿生即刻夾錢買咗一本,然後輪流傳閱。有日某宿生攞到本寫真集,正準備向珍妹升旗致敬,點知揭揭吓,竟然發現中間有兩頁黐埋咗。喺好奇心驅使下,該宿生連飛飛都唔打,轉而研究係乜嘢物質有咁強嘅粘連力。至於該項研究最終有冇成果同埋事發地點係邊間大學宿舍就不得而知嘞。

時光飛逝,珍妹亦已由美少女升格為阿嬋級,相信今日嘅大學生冇可能會再對佢想入飛飛。忽然有啲好奇,究竟而家啲大學生有飛飛之想嘅時候會揾乜嘢幫手呢?哈哈,真係包保你諗爆十個頭都諗唔到囉,原來係口水多過浪嘅大學生刊物呀!

港大學生刊物「學苑」九月號發表咗包括七篇文章嘅「香港民主獨立」專題,俾愛國報紙狠批「鼓吹」港獨,不過當事人就堅稱有關專題只係「探討」港獨嘅可行性。至於係「鼓吹」定「探討」,大家不妨睇吓以下節錄自「【香港民主獨立】這時代的吶喊 」嘅文字,然後自行判斷:

我們這一代人除非放棄香港民主夙願,否則,此時此刻,必須突破港獨禁區,一併主張民主與獨立,吶喊:「香港民主獨立」;這港獨立場已無關民族自決,而是香港民主唯一能殺出的血路。……以上說的不是天馬行空,雖然現在大多數香港人都不支持獨立,但所持理由基本上只有一個:香港沒有客觀經濟條件獨立。……當香港人意識到自己的利益受損,文化被腐蝕,長久以來的民主願望破滅,又有什麼不可能?幾個人有港獨意識自然無所作為,但當香港大部份人都有港獨意識,又會生出一條怎樣的路?

我自己就覺得係「鼓吹」囉,唔知大家又點睇呢?作者喺度自說自話,除咗強行將爭取民主同港獨畫上等號,仲粗暴扭曲其他人嘅意願。大多數港人都唔支持獨立,就係只因為「香港沒有客觀經濟條件獨立」咁簡單?可能作者係石頭爆出嚟,所以不知根為何物,不過我相信好多香港人都好似我咁,認同自己係中國人,根本唔會想另起爐灶搞個香港國出嚟。聲明一點,我係土生土長嘅香港人,唔好亂扣我蝗蟲帽子!

據聞有人咁樣回應愛國報嘅指謫:「而家講吓都唔得?!」得,因為香港有言論自由,所以我插到你高潮迭起都一樣得!

至於其他文章,有一篇係從資源(水同能源)層面出發,探討港獨嘅可行性,見:「【香港民主獨立】談資源 看港獨 」

作者將香港同星加坡比較,再輔以大量數據,結論係只要大幅擴建集水區,再新建海水化淡廠,香港嘅食水就可以自給自足。而用以生產電能嘅燃料就可以從同中國唔係咁啱key嘅印度輸入。

老實講,啲數據我真係冇心機同佢慢慢研究,就當條數計得啱啦。不過香港全年降雨量並唔平均,而且近年天氣反常,好多時都係一次過落好多雨,結果要排洪,另一方面,又可能會好耐都唔落雨。如果主要靠水塘蓄水,根本就保證唔到水源嘅穩定性。而海水化淡既唔環保,成本亦太高,並唔適宜大量使用。就算香港可以獨立,國民都肯定冇啖好食,如果要捱埋貴水,必然會即刻要求再回歸囉。仲有,無論係擴建集水區抑或建造海水化淡廠,都會涉及大量基建,究竟呢啲工程要喺幾時開始做呢?如果獨立咗先開始,係咪要香港國民捱幾年制水呢?如果早幾年開始……哈哈,根本就冇得早幾年開始,基於有東江水嘅穩定供應,特區政府絕對冇可能會推出呢啲工程囉!

另一篇文章係從軍政角度探討港獨嘅可行性,見:「【香港民主獨立】談軍政 看港獨」

作者以星加坡兵力做基礎,輔以大量數據,推算出港獨軍可以點組成。再煞有介事咁描繪港獨軍同駐港解放軍嘅戰況,然後幻想解放軍被殲滅之後,點樣對抗南下嘅中國大軍。最後得出一個結論,就係冇得撼。作者仲未放棄,再諗出勾結國內分裂勢力(藏獨、疆獨、台獨)同外國蠻夷(英國、美國),不過結論都係冇得諗。

哈哈,呢篇文章仲無聊,差啲俾佢笑Q死添!作者嘥咁多時間揾數據同諗戰略,唔通而家讀大學真係咁舒服,竟然得閒到搞埋晒啲咁嘅白痴嘢?攞700萬嚟做基數計算港獨軍兵力,睇嚟作者真係白痴到以為所有香港人都想獨立囉!不如嚟個全民皆兵啦,到時有700萬兵力,隨時可以解放埋啲藏獨、疆獨、台獨盟友添呀!話組軍就組軍,話打仗就打仗,完全唔明點解大學生都可以咁頭腦簡單。軍人要經嚴格訓練,軍隊要有武器裝備,都唔知點可以無啦啦變支港獨軍出嚟。咪住,唔通作者諗住要大家揭竿起義?弊嘞,我屋企冇晾衫竹喎,點算呢?哈哈,又即刻俾我諗到添,有樣嘢叫做「雨傘革命」呀,大家齊齊攞住把遮去扑濕啲解放軍啦!

呢幾篇文章根本就經唔起邏輯驗證,只係啲小朋友嘅YY(大陸網絡用語,意指精神上的自慰)之作!如果話啲學生搞港獨,未免太抬舉佢地囉!

啲友真係身在福中不知福,喺香港明明做乜都得,講乜都冇事,仲要怨三怨四,搞埋晒啲損人不利己嘅嘢!你又試吓喺美國公開提出三藩市獨立,再探討埋同伊拉克和阿凡達伊斯蘭國結盟嘅可行性吖,包保你即刻人間蒸發呀!又或者,你喺美國唔覺意講咗啲敏感字眼,又咁啱俾人聽到,你都會一身蟻囉!就算冇俾啲路人甲乙丙聽到都一樣會出事,因為美國政府會竊聽你架!

呢班溫室小花小草根本就難成大事,而家竟然學人搞革命添,咪講笑啦!好似嗰件黃之蜂咁,擦損少少就鬼殺咁嘈。有啲細路仲得人驚,俾人抬走就嚇到喊晒叫阿媽,俾人揼一嘢就向傳媒哭訴,中兩嘢胡椒噴霧就攤晒屍。咁點搞革命呀,戰場係槍林彈雨、血肉橫飛架,你當喺中環搞嘉年華咩!

連做飯都未識,仲講乜嘢造反吖,繼續做你地嘅鍵盤戰士啦!一路打鍵盤,一路打飛飛,再打個冷震,你地就會得到革命成功嘅快感架喇!

Serengeti, Tanzania

9 則留言:

  1. 哈哈,乜搞港獨搞到好似打機打怪獸咁嘅?^^

    回覆刪除
  2. Arm:

    根據佛洛伊德的理論,小孩子「斷奶」斷得唔好,跟住戒屎片尿片戒得唔好,成人後就會有很多異常行為。所以,呢班口水大學生,會鍾意訓街食野,係街邊大小便.不過咁,佢地唔係無得救.只要搵一班奶媽去同佢地餵奶,然後由專家指點之下,逐步斷奶,兼而重新教佢地用啖罐呵屎,肯定可以將佢地起死回生,重踏正軌。嘻嘻!

    回覆刪除
  3. Ebenezer,
    而家呢代年輕人上網多過上X(X可以代表任何嘢),所有活動(包括但不限於社交、性交)都喺網上進行,佢地諗嘅嘢當然唔會走得出網絡框框啦!

    佛爺:
    哈哈,奶媽治療真係好高難度,如果掌握得唔好隨時會有反效果囉!舉個例,如果揾珍妹(美少女版)做奶媽,睇怕班友冇20年都戒唔到奶!

    回覆刪除
  4. 而家至泥講港獨?中英联合声明前已經被左中右蓋棺論定咗。有D水平嘅人都轉調講本土意識啦。
    BTW, 小弟身在海外,細節消息唔多,敢問各大佬有無收到風,那些誓哂師的佔中死士呢个礼拜死咗去邊呢?

    回覆刪除
  5. 嚴嶺鋒:
    其實想香港獨立嘅絕大部分係細路,好多甚至未經歷過港英管治添。而港獨思維根本就係衍生自本土意識,只係年紀大啲嘅都知道港獨冇可能發生,所以都費事攞出嚟講。佔中三屎間中都有蒲吓頭,不過就已經冇晒影響力,無論係學聯抑或自發參與嘅群眾都唔搔佢地。至於嗰班尊貴嘅議員就一直潛水,等有大單嘢發生(例如警方施放催淚彈或疑似黑社會打啲佔中人士),班友先撲出嚟抽水囉。

    回覆刪除
  6. 打得飛飛多會變低低,班人就係證據!

    回覆刪除
  7. laulong,
    變低低都事小喇,最多咪重讀幼稚園低B班!班友係咁日打夜打,遲早搞到精盡人亡囉!

    回覆刪除
  8. 單嘢都唔知會拖到幾時!

    回覆刪除
  9. 所以古人說得對:「百無一用是書生」,果然真理XD

    回覆刪除