2012年7月30日星期一

喜見飛魚

一向對體育節目冇乜興趣,但係每四年一次,都會捱更抵夜黐實部電視,睇到不眠不休。唔知點解,同一樣嘅運動比賽,喺奧運睇硬係覺得特別過癮。

今年奧運真係有個好開始,第一日就出現咗令人興奮嘅場面。孫楊喺400自奪金,實現咗中國男子泳隊喺奧運嘅「零的突破」。見佢喺決賽打敗死敵,牙斬斬嘅泡菜仔朴泰桓,直頭睇到笑咗出嚟。難得孫楊仲幾靚仔添,唔似得朴泰桓咁,橫睇掂睇都係薯仔一件!

我一向唔係啲乜嘢國家民族主義者,但係見到中國人有成就,都會覺得開心。事實上,孫楊憑努力登上頒獎台,贏得光明正大,相信冇人會有合理理由作出負面評語。不過香港真係乜人都有,竟然有掃蝗義士唔抵得,即刻喺網上發功。

琴日喺網上睇到一段題為「朴泰桓揚言200自挫孫楊」嘅新聞,就有網名叫「Pamaalldead」嘅死剩種發咗條咁嘅留言:「加油, 桓仔, 勿讓蝗虫為禍」。要說明一下,我唔係黑心到要咒條友冚家X,其實係佢自己洩露身份囉。「Pamaalldead」即係「爸媽死晒」,咁條友仲唔係死剩種?

本來基於體育精神,就算為泡菜仔打氣都唔係問題,不過硬要扯埋蝗蟲嚟講,我就睇唔過眼嘞。人地係憑實力攞到塊奧運金牌,對香港又有乜禍害呢,唔通咁都會搶咗港人嘅資源?啲所謂熱愛民主嘅廢青,水平由此可見一斑!五年後普選凸首,我又一票,啲咁嘅腦殘人士又係一票,我真係有啲唔順囉!

Abraham Holly Pools, Sanliurfa, Turkey

7 則留言:

  1. 哈哈,咁嘅仆街都有?肯定係青山走出黎嘅弒父殺母變態友!

    回覆刪除
  2. laulong,
    哈哈,唔知青山有冇得上網呢?我懷疑留言係條友嘅青山打嘅囉!

    回覆刪除
  3. 呢個人咁講真係唔要得,完全唔知咩係體育精神!

    佢贏美國飛魚真係勁,不過原來美國飛魚連第二都保唔到。

    回覆刪除
  4. 我覺得這是自大失敗者歇斯底里的吶喊。

    回覆刪除
  5. Coffee,
    「長江後浪推前浪,一代新人換舊人」,要喺奧運衛冕真係談何容易,所以講嘢最好謙啲,唔係盞俾人笑到面都黃囉!

    佛爺:
    引用蔡瘋樺名句:剎那光輝唔代表永恆!登上頂峰,跟住自然係走下坡,不過有啲人硬係唔肯接受現實!

    回覆刪除
  6. 香港人越來越冇教養,喜愛歧視

    回覆刪除
  7. 羅俊偉:
    歡迎光臨!睇番啲家長用洗腦方式嚟幫啲細路反洗腦,就知香港人嘅家教幾有問題啦!

    回覆刪除