2011年8月26日星期五

遍地美食

這裏美食遍地!遼闊無垠的草原就在腳下,對於食草動物來說,除了飯來張口,還需要做甚麼?話說回來,世事總難盡如人意,隨著季節更替,草原也有枯竭的時候。食草動物不得不千里迢迢的往別處尋找青草和水源,這就是有名的東非動物大遷徙。牠們所到之處,自然也成為食肉動物的樂園。對於獅子猛獸來說,這些食草動物當然也是天下之美味!但這可不是肉來張口,要飽餐一頓也得付出勞力,甚至賠上性命!食草動物絕不是省油的燈,有些跑得快,擒之不易,有些長著獠牙尖角,具一定殺傷力。而且草原上的競爭十分激烈,就算兇猛如獅子,到口的獵物也會被成群的鬣狗搶奪。生活從來不易,無論是野性原始的塞倫蓋蒂草原,還是你我身處的文明大都會!



10 則留言:

  1. 哇,去咗東非?你同余蛋都係旅遊達人!

    回覆刪除
  2. 咦,呢篇好短喎,我以為你會寫完大自然,跟住寫人間遍地美食添!

    回覆刪除
  3. laulong,
    哈哈,旅遊達人當然唔係啦,去親都係跟團,達乜鬼啫!我同地理佬都有一齊跟團,佢同我一樣,都係旅遊懶人!

    coffee,
    呢篇原本只係喺新攝影嗰邊用,不過後嚟見用得唔好嘥,咁咪放埋喺呢邊囉。至於人間美食,香港當然有好多,不過都係貴,冇乜機會試,所以冇得寫!

    回覆刪除
  4. 狗都夠膽同獅子爭食呀!認真夠寸呀!

    回覆刪除
  5. 佛爺︰
    我昨天睇國家地理頻道,正正就是講狗同獅子爭食的,我都是第一次知,好驚訝!

    回覆刪除
  6. 佛爺 & Coffee:
    如果單打獨鬥,梗係獅子惡晒啦。不過鬣狗鍾意玩圍毆,所謂蟻多嬲死象,獅子都要買佢地怕。東非大草原唔同香港,嗰度冇免費午餐,為咗餐晏仔,所有禽獸都要命博架!

    回覆刪除
  7. 鬣狗嘅噬咬力分分鐘勁過獅子,是唯一能够嚼食骨头的哺乳动物。

    回覆刪除
  8. laulong,
    哈哈,鬣狗夠晒牙力,呢樣就同某啲尊貴嘅垃圾會議員好相似!如果俾佢地咬住,結果只有一個,就係粉身碎骨!

    回覆刪除
  9. 即係好似熊貓咁,遇上一群豺狗,都要立即爬上樹避風頭。

    回覆刪除
  10. 佛爺:
    咁可愛嘅熊貓俾一群如狼似虎嘅豺狗蹂躪,真係。。。。High過四仔呀!

    回覆刪除