癲狗

早兩日收到癲狗嘅立法會補選宣傳單張，睇都冇睇就掟咗落廚房個廢紙回收箱度。不過諗諗吓又覺得有對癲狗唔住，話晒佢今次都有些小貢獻。點解？咁就要講吓屋苑喺環保方面嘅搞作喇。呢度會定期舉辦廢物回收活動，廢紙鋁罐都可以換，好似40kg廢紙就可以換到一包2kg嘅泰國香米。嗱嗱聲喺回收箱度摷返癲狗嘅宣傳單張出嚟，用我個高科技電子磅秤下。嘩，足足有15.2g咁重！經過一輪複雜計算，原來可以換到42粒泰國香米。咁無端端屋企又多咗幾粒米。癲狗，真係多謝晒！不過，如果紙唔係攞嚟印宣傳單張，又會唔會有更有意義嘅用途呢？我諗癲狗自己根本冇諗過。