2013年8月20日星期二

老屍傳奇

上兩個禮拜去咗旅行,諗住可以避開香港嘅吵鬧聲,等耳根清靜吓。點知遠在巴爾幹半島,竟然都要受到林老屍單嘢轟炸,被迫睇(同聽)埋晒啲核突嘢,真係忍唔住要講一聲:挑!

話說有個熱心團友喺屈屎鴨收到條片,內容係林老屍用經典港式四字真言「X你老母」辱罵警察,而唔係之前新聞提到嘅英文粗口「WTF」。呢位團友如獲至寶,即刻捉住我睇片,完全唔理就嚟要食晚飯。片中所見,一個肥腫難分嘅女子不斷講埋晒啲低B嘢挑釁一位警員,豬如「你連人都不如呀,豬狗不如呀」、「公安呀」、「阿sir膊頭冇冧把嘅」、「警務處長呀」、「X你老母,你拉我吖」等等。如果大家唔知乜嘢係「貧嘴惡舌」同「潑婦罵街」,不妨睇吓呢條片。先旨聲明,閱後如有任何不適,本人概不負責!事實上,本人對啲核突嘢幾乎已經免疫,但係睇完條片都搞到食慾不振,真係多得呢位團友唔少呀!

講真,呢啲咁嘅癲雞乸,旺角跌個招牌落嚟都閒閒地責死十幾件,本來不提也罷。但係作為人之患,竟然不吝喺大庭廣眾展示低劣成咁嘅質素,都咪話唔佩服佢嘅勇氣囉!更離奇嘅都仲有,呢種貨色都可以得到「全民力撐」,咁就唔封佢做傳奇都唔得嘞!締造傳奇嘅唔止係林老屍呢位奇女子,仲有喺背後力撐佢嘅一眾「正義」粉屎。就係因為呢班人嘅傾力演出,我地又一次清楚睇到香港嘅絕望真相:無知同愚昧已經好似瘟疫咁傳遍香港每一個角落!

首先,我想問吓奇女子同佢班死硬粉屎,究竟知唔知「師表」呢兩個字點解?班友當然唔知啦,咁本人又要校長上身嘞。「表」有模範同榜樣嘅意思……咪住,林老屍喺片中提及港英時代點點點,可能佢同眾粉屎都唔係太識中文喎。雖然自問雞腸係有限公司,都唯有頂硬上啦,如果譯成英文就係role model。即係話,為人師表者,除咗喺課堂講解,亦要以身作則,示範俾學生睇乜嘢應該做同唔應該做,此之謂身教。好明顯,因為立場唔同而肆意對異見者作出離題嘅人身攻擊、甚至連四字真言都出埋,當然係極壞嘅榜樣啦!尤其是嗰句四字真言,出自女人口中簡直係不知所謂,試問一個婆娘憑乜嘢X人老母先!撇開道德層面,對陌生人立亂講仲隨時會招致殺身之禍添架!林老屍識揀,問候嘅係香港警察,如果換轉喺港人推崇備至嘅歐美民主國家發生同樣事情,睇怕佢會由疑似豬頭變成貨真價實嘅豬頭都有份!不過受業於奇女子嘅小學雞就未必識分邊啲人唔可以隨便問候,如果有樣學樣,恐怕未夠秤投票選凸首就俾人打死囉!所以話呢,奇女子嘅身教絕對係失敗之作,佢根本就冇資格做人老師,做一條老屍就差唔多!

講開又講,其實香港警察已經好克制架啦,都唔明點解啲人仲要豬多批評。我誠心希望佢地可以移民外國,見識吓人地嘅警察係點。成日踎喺香港,淨係識坐井觀天同閉門造車,想唔變到豬咁蠢都難啦!更搞笑係,啲人(包括扮民政棍同無聊人士豬如陳老太之流)話凸首要求教育局就有關事件提交報告係搞民革式批鬥,要撕裂香港。講真,而家係邊啲人逢中必反,係邊啲人堅持寸步不讓,係邊啲人拒絕求同存異,係邊啲人唔肯以對話縮窄分歧先!撕裂香港云云,根本就係賊喊捉賊!仲有,人講文革班友又講文革,究竟佢地知唔知文革係乜呢?發動文革背後嘅動機並唔係重點,反正中共高層權力鬥爭絕非新鮮事物。文革之所以遺害極深,係因為牽涉到群眾層面。群眾受鼓動而變得極度亢奮,頭腦發熱令人難辨是非,繼而發展成為批鬥而批鬥,亂扣帽子、任意抄家無日無之。最後情況失控,群眾為求自保而打倒別人,形成惡性循環。如果話凸首要發動文革,佢究竟有冇咁嘅意圖同能耐先!你都咪話,睇番而家香港嘅情況,文革式批鬥又的確已經稍具雛形。不過係邊啲人搞成咁,大家心裏有數啦,賊喊捉賊又一例證!

講番林老屍單嘢,個婆娘好撐唔撐,竟然走去撐法輪功。明明係一個政治團體,硬係要用宗教嚟掩人耳目,一句講晒:名不正則言不順!如果李洪志條神棍敢當眾表演吓白日飛昇嘅絕技,我第一個撐佢囉!奇女子根本就係土共思維,當晒敵人嘅敵人都係朋友。佢都唔去求證吓,究竟大紀元有幾多成嘢係老作。仲有,你又拉橫額,我又拉橫額,點解一定要俾法輪功獨佔冇遮擋嘅有利位置呢?條婆娘又話佢唔係法輪功,只係睇唔過眼佢地表達意見嘅權利被剝奪喎。咁唔該佢出席吓建制派舉辦嘅論壇,呢啲場合就最多人用叫囂或搶咪方式阻止他人發言,絕對最適合佢執行捍衛言論自由嘅神聖任務囉!

呢條婆娘根本就係潑婦扮聖女,明明面皮已經夠晒厚架啦,仲要猛咁喺自己面上貼金,真係頂得佢順都食得屎囉!本來我都唔知點解教師會叫做人之患,而家經佢人肉示範,我明喇,原來係人之禍患咁解!哈哈,一個唔覺意得罪埋其他教師朋友添,唔好意思呀!

Mummy, British Museum, UK

金縷玉衣, 河北省博物館, 石家莊, 河北

12 則留言:

  1. 搞笑在撐個潑婦的正義之士,開始時仲講,呢件事無證無據,又無錄影,怎可說她講WTF?

    若果呢件事發生在北美洲,佢肯定比家長會嘈到無教師做.不過事件發生在香港,教局長吳克儉都可能要退位讓「潑」,比佢做教育局長.嘻嘻!

    回覆刪除
  2. 佛爺:
    更搞笑都仲有呀,條片曝咗光,奇女子竟然唔認講過四字真言,話係俾人配音插贓喎,真係少啲定力都會當場笑死囉!至於教育局長佢當然唔希旱啦,做新一代民主聖女就差唔多!

    回覆刪除
  3. 唔知佢任教學生的家長有何睇法!

    回覆刪除
  4. 佢係師中之婊。
    我係家長就跟佢學野:睇唔過眼就屌佢老母。

    回覆刪除
  5. 林老屍,粗鄙躁狂愚蠢無知的垃圾!

    撐這堆垃圾的,更垃圾!

    回覆刪除
  6. Ebenezer,
    哈哈,係唔知醜就真!

    Coffee,
    據聞好多家長話林老屍唔走就幫仔女轉校,不過校方又唔敢得罪班紅衛兵,所以個婆娘唔自己辭職都冇佢符囉!

    2chanze:
    歡迎光臨!哈哈,好一個師中之婊!但係以條婆娘咁嘅質素,睇怕連砵蘭街阿伯都唔吼囉!

    laulong,
    哈哈,近年垃圾當道,條婆娘應該參選下屆垃圾會,起碼一定跑贏嗰件大舊垃圾先啦!

    回覆刪除
  7. 講得好!撐佢果D更垃圾!而果個陳雲,更加係垃圾中嘅極品!唔止係癡孖筋,簡直係癡X筋!走去美國告狀!直情係忽上腦!

    Derek

    回覆刪除
  8. http://hk.news.yahoo.com/blogs/sandwich/%e4%b8%8d%e6%b2%89%e9%bb%98%e7%9a%84%e5%a4%a7%e5%a4%9a%e6%95%b8-163423979.html
    呢篇嘢先厲害!唔好話大學教授,有時我真係懷疑佢究竟係唔係一個人。。。

    Derek

    回覆刪除
  9. 老實講,如果只是婆娘潑婦罵街,實只如茶杯裡的風波,小事一椿。然而,有人在網上提出了証據,展示了這人其實在當日是有組織的刻意戰略部署的一部份,她背後有團體支持,生果日報設計了假採訪配合,更有人說有某某資金在背後策動。

    抽身來看,如果懷疑是有多個一種勢力在互相角力似乎也未必無可能,而最令人心慌的,豈只是一個潑婦?

    回覆刪除
  10. 如果真喺有背景支持搞戰略,好心就醒少少搵個質素好啲啲嘅,起碼都要可以做下楚楚可憐樣。呢件真喺好唔掂好肉酸。

    回覆刪除
  11. Derek,
    哈哈,話唔定陳教授係痔瘡發作,上白宮痔瘡膏嘅網頁睇吓,跟住順便留言啫!呢位膠言善便嘅教授,其實只係一個看風駛嘅投機分子,對佢嘅言論都唔使太認真囉!

    Ebenezer,
    講真,話有組織喺背後刻意安排都好有可能。不過一隻手掌拍唔響,呢個根本唔算乜嘢大問題。最得人驚係事後竟然有咁多冇腦嘅盲毛瞓身力撐,令我覺得香港真係冇希望囉!

    eric,
    所以話呢,都係淫民力量醒,揾猿狸鳴出嚟壓場,迎合淫民口味!哈哈,就算唔打得都起碼睇得先啦!

    回覆刪除