早幾日喺日月報副刊睇到李X銘一篇題為「仁，竟不及狼、豬？！」嘅文章，真係忍唔住又要插吓條狀棍。條友質疑點解喺凸首參選人支持度民調，何俊男竟然會輸九條街俾另外嗰兩件。呢啲直頭係棄婦心態啦，俾條佬飛咗就話人唔識貨，天姿國色嘅美女都唔要，竟然揀件貌比無鹽嘅醜婦。條友又懶醒，喺標題玩食字，將「人」同狼豬作對比。如果係出自高登仔手筆，我都唔會講乜嘢。不過條友貴為法律界翹楚，社會地位崇高，又不遺餘力捍衛人權民主，但係竟然用呢啲帶有人身攻擊嘅手法揶揄政治對手，真係令人睇唔過眼。唔通只有理念相同嘅「俊男」先係人，持唔同政見嘅就係禽獸？香港啲所謂民主派有幾虛偽同無恥，由此已經可見一斑！
講到狼同豬，一奸一蠢，原本都唔係好嘢。不過喺香港呢個笑貧不笑娼嘅社會，兩者嘅貶義喺程度上就有好大分別嘞。奸雖然係唔好，不過亦代表有適應能力同求生本領。所以俾人話奸，震鷹哥應該唔會太介意，仲有可能會狼心竊喜添。至於蠢，俗語都有講啦，「寧生敗家仔，莫生蠢鈍兒」，所以話人豬真係一種極大嘅侮辱。當然啦，「傻豬」、「老公豬」、「老婆豬」呢啲肉麻稱謂就唔算囉。
我份人比較厚道，所以好少話人係豬，就算好似唐唐咁蠢，我都唔會咁講佢。不過睇見佢喺僭建地宮事件嘅應對，我都忍唔住要對條友講：「唐豬，你收皮啦！」
不過我唔係好似一般人咁，質疑佢嘅誠信。所謂「水太清則無魚」，我根本就唔期望政治人物會有絕對誠信。我覺得有問題嘅，係佢嘅策略同臨場應對。最初死口否認，跟住又逐日認多少少，到最後仲拉埋老婆出嚟認罪，真係睇到人眼火爆。要認就第一日好認啦，唔通佢真係以為單嘢可以咁易過到骨？策略出錯都算嘞，最離譜係佢嘅對答，簡直係挑戰全港觀眾嘅智慧，當晒個個都好似佢自己咁蠢。有記者提到早排曾凸首要求眾高官睇清楚自己名下物業有冇僭建，條友竟然答話當時有揾合資格人士睇過，但係凸首冇再問番單嘢，所以就冇講喎。即係話阿媽叫佢睇火，佢就淨係識睇住個火，就算煲乾水甚至燒埋個廚房都唔會有其他反應。如果條友所言屬實，佢唔止冇資格做凸首，就連做一個普通人都唔係好掂囉！
條友唔掂就係人都知啦，不過有樣嘢好奇怪，佢班智囊冇理由都係咁低能啫，佢地點解唔教吓條友點講嘢呢？唔通呢班所謂智囊，真正身分其實係X囊？好似任總咁，琴日仲高調走出嚟撐條友。唔通任總以為自己真係沙皇，講乜人地都要照單全收？計我話，都係揾唔同蠢人做朋友嘅星爺出嚟撐場好啲，起碼可以添加啲喜劇元素，港人會比較buy囉。
連我咁冇所謂嘅人都覺得唐豬應該收皮，其他人就更加唔使講啦。一時之間，要求條友退選嘅人多如過江之鯽，其中仲不乏重量級人馬添。好似葉瘤咁，早兩日就挺身而出，狂踩唐豬之餘，仲話會積極考慮參選。見佢拳拳到肉，招招攞命，真係忍唔住讚嘆一聲：好一隻老虎乸！
講真，我一向對葉瘤冇乜反感，仲覺得佢好能幹添。佢同震鷹哥旗鼓相當，如果真係參選，絕對會係一場狼爭虎鬥，比豬狼對決肯定好睇得多。究竟龍年會唔會變成狼虎之年，我就不作預測嘞，大家拭目以待啦。
講開龍年，又忍唔住要插多唐豬一嘢嘞，明知自己本命年犯太歲就信吓邪啦。話時話，唔知條友嘅智囊團裏面有冇啲玄學大師呢，如果冇就真係太失策喇。其實選委會都絕對應該加入玄學界別，俾啲玄學大師揀凸首，我相信起碼會有個譜囉！
講到狼同豬，一奸一蠢，原本都唔係好嘢。不過喺香港呢個笑貧不笑娼嘅社會，兩者嘅貶義喺程度上就有好大分別嘞。奸雖然係唔好，不過亦代表有適應能力同求生本領。所以俾人話奸，震鷹哥應該唔會太介意，仲有可能會狼心竊喜添。至於蠢，俗語都有講啦，「寧生敗家仔，莫生蠢鈍兒」，所以話人豬真係一種極大嘅侮辱。當然啦，「傻豬」、「老公豬」、「老婆豬」呢啲肉麻稱謂就唔算囉。
我份人比較厚道，所以好少話人係豬，就算好似唐唐咁蠢，我都唔會咁講佢。不過睇見佢喺僭建地宮事件嘅應對，我都忍唔住要對條友講：「唐豬，你收皮啦！」
不過我唔係好似一般人咁，質疑佢嘅誠信。所謂「水太清則無魚」，我根本就唔期望政治人物會有絕對誠信。我覺得有問題嘅，係佢嘅策略同臨場應對。最初死口否認，跟住又逐日認多少少，到最後仲拉埋老婆出嚟認罪，真係睇到人眼火爆。要認就第一日好認啦，唔通佢真係以為單嘢可以咁易過到骨？策略出錯都算嘞，最離譜係佢嘅對答，簡直係挑戰全港觀眾嘅智慧，當晒個個都好似佢自己咁蠢。有記者提到早排曾凸首要求眾高官睇清楚自己名下物業有冇僭建，條友竟然答話當時有揾合資格人士睇過，但係凸首冇再問番單嘢，所以就冇講喎。即係話阿媽叫佢睇火，佢就淨係識睇住個火，就算煲乾水甚至燒埋個廚房都唔會有其他反應。如果條友所言屬實，佢唔止冇資格做凸首，就連做一個普通人都唔係好掂囉！
條友唔掂就係人都知啦，不過有樣嘢好奇怪，佢班智囊冇理由都係咁低能啫，佢地點解唔教吓條友點講嘢呢？唔通呢班所謂智囊，真正身分其實係X囊？好似任總咁，琴日仲高調走出嚟撐條友。唔通任總以為自己真係沙皇，講乜人地都要照單全收？計我話，都係揾唔同蠢人做朋友嘅星爺出嚟撐場好啲，起碼可以添加啲喜劇元素，港人會比較buy囉。
連我咁冇所謂嘅人都覺得唐豬應該收皮，其他人就更加唔使講啦。一時之間，要求條友退選嘅人多如過江之鯽，其中仲不乏重量級人馬添。好似葉瘤咁，早兩日就挺身而出，狂踩唐豬之餘，仲話會積極考慮參選。見佢拳拳到肉，招招攞命，真係忍唔住讚嘆一聲：好一隻老虎乸！
講真，我一向對葉瘤冇乜反感，仲覺得佢好能幹添。佢同震鷹哥旗鼓相當，如果真係參選，絕對會係一場狼爭虎鬥，比豬狼對決肯定好睇得多。究竟龍年會唔會變成狼虎之年，我就不作預測嘞，大家拭目以待啦。
講開龍年，又忍唔住要插多唐豬一嘢嘞，明知自己本命年犯太歲就信吓邪啦。話時話，唔知條友嘅智囊團裏面有冇啲玄學大師呢，如果冇就真係太失策喇。其實選委會都絕對應該加入玄學界別，俾啲玄學大師揀凸首，我相信起碼會有個譜囉！
Himalayan wolf, Padmaja Naidu Himalayan Zoological Park, Darjeeling, India
Padmaja Naidu Himalayan Zoological Park, Darjeeling, India
Taman Safari, Bogor, Indonesia
阿媽叫佢睇火，佢就淨係識睇住個火，煲乾水燒爛煲火燭喇，佢都唔識走，因為佢阿媽叫佢喺厨房睇住個火！
回覆刪除唉，哩條友天生蠢鈍，又飲酒過多，真係智商不如一隻豬！
至於葉瘤個婆娘，藐咀藐舌，我睇見都唔開胃。真係要揀過，我情願揀太空成。
laulong,
回覆刪除條友蠢過隻豬，政治呢家嘢真係唔啱佢玩囉！講到葉瘤，我buy佢牙尖嘴利，又夠霸氣，肯定頂得住癲狗嗰幫爛鬼！至於太空成，我就嫌佢個格閃閃縮縮，成個酸秀才咁，望之不似人君！
你呢篇將我對唐唐事件的全部感覺說了出來，誠信呢樣嘢就各人自己問心啦，但蠢就真係接受唔到咯！曾有說人生令人抑鬱的十件事，其中同蠢人合作擠身前三甲，更何況要嚟做當家的！！我亦都一樣好奇佢啲智囊團究竟幹甚麼的！
回覆刪除Coffee,
回覆刪除所以話呢，一個奸一個蠢，我會揀個奸嘅，因為點都好過俾個蠢嘅激死！至於嗰班所謂智囊，當然亦難辭其咎，唐唐每次出嚟解畫，都令公眾對佢再反感多啲！睇嚟班友長期居於高位，根本就捉摸唔到一般普羅大眾嘅想法！
你連老虎仔都夠膽玩？究竟Ｄ老虎毛，係咪好軟綿綿？
回覆刪除佛爺：
回覆刪除哈哈，其實同大貓冇乜分別啫！我都俾佢咬咗幾啖，一啲都唔痛架！至於啲老虎毛，咪同貓毛差唔多囉！
屎係包唔住火呢個道理，唐唐根本唔明，佢點可以幫曾凸首睇到火呢？睇水唐唐都未得啦！
回覆刪除Ebenezer,
回覆刪除哈哈，睇水都要有應變能力，IQ太低嘅人係做唔嚟架！