早兩日電視新聞報導，大陸又發現疑似假雞蛋。畫面所見，煮熟嘅蛋黃極富彈性，掟落地唔止唔會散，仲彈得勁過乒乓波添。其實呢樣嘢都已經唔算係新聞，澳門早前就發現過類似嘅乒乓蛋，因而引起一陣恐慌。後來經過檢測，證實懷疑有問題嘅乒乓蛋全部都係真嘢，根本唔係假貨。據專家推測，啲蛋可能係放置喺零下低溫環境太耐，又經過長時間搖晃，先會令到蛋黃產生彈性。事實上，呢種情況又真係同冬天運輸雞蛋好吻合。除咗呢個原因，亦可能係雞隻飼料加咗太多棉籽餅，當中嘅棉酚令雞蛋出現變異。棉酚係有毒物質，會導致男性不育。如果啲蛋真係受到棉酚污染，咁就千祈唔好食咁多喇，除非想避孕啦！
雖然啲蛋出現咗變異，但係始終係真嘢。不過好多人硬係神經過敏，一發現啲蛋有些微異樣，就一口咬定係假嘢。喺網上隨便摷吓，好容易就揾到大量報告買到乒乓假蛋嘅網頁。其中呢篇題為「我居然买到了假鸡蛋！」嘅文章可謂圖文並茂，難得啲相仲好清晰添。作者除咗同廣大網民分享佢買到假蛋嘅經歷，亦教埋大家點樣分辨假蛋，都算係一個有心人喇。不過睇清楚啲相就真係笑到趴街，嗰啲根本就係真蛋，人頭博芋頭我都敢！如果可以造到由內至外都咁逼真，咁就唔係假蛋，而係一件完美嘅藝術品啦。應該攞去博物館俾人參觀，或者放喺魯班廟供奉。莫講話咁完美嘅技術，就算只係做到可以亂真嘅蛋殼，都已經係一條財路啦，絕對可以賣去南非囉，嗰度啲鴕鳥蛋殼都不知賣得幾貴！
大家可能會覺得我太武斷，喺冇實質證據支持嘅情況下就作出結論。為咗證明真蛋可以變成乒乓蛋，琴晚特登買咗四隻雞蛋做實驗，一於嚟個以身試蛋。首先，煮飯用咗三隻蛋，整咗個XO醬金菇炒蛋。講開又講，XO醬係私房出品，幾正架，而個餸都整得唔錯，送飯最啱。測試結果係，啲蛋外觀好正常，又有蛋味，絕對係真嘢。淨番嗰隻蛋就放入冰格雪一晚，今朝烚嚟做早餐。烚咗大約三十分鐘，隻蛋肯定熟透。首先食蛋白，口感比較淋，不過味道就好正常。跟住攞個蛋黃做彈力測試，因為最後仲要試味，所以冇掟落地下，而係掟落隻碗。結果蛋黃冇碎到，而係好似膠波咁彈吓彈吓。然後做壓力測試，輕輕㩒吓，感覺幾實淨，仲有少少彈性。再大力啲，隻蛋黃㩒到扁咗都冇散到。將隻蛋黃開邊，就發覺斷口質感比較光滑，同一般熟蛋黃有啲分別。再用一邊蛋黃做壓力測試，仍然冇散到，只係出現咗一條裂痕。最後係試食，口感實中帶爽，完全唔係熟蛋黃嗰種粉嘅感覺。至於味道方面，就同正常蛋黃冇乜分別。綜合各項測試結果，同網上嘅乒乓蛋描述完全冇分別。所以我嘅結論係，零下低溫的確可以令蛋黃產生變異。如果再將隻蛋搖晃幾粒鐘，效果可能會更明顯添。當然啦，我雖然有求證精神，但係就點都唔會傻到咁做囉。
講到嗰位覺得自己買咗假蛋嘅網民，我只可以話佢無知。不過對於另一位網民，我就一定要用無恥嚟形容嘞。有個台灣網民發表咗一篇題為「假蛋已來台（請小心） ~ 大家要注意囉嗦 ! 」嘅文章，內容竟然係一字不漏咁喺上面提到嘅大陸網民嗰篇文章搬過嚟，只係冇搬到啲相啫。佢冇提到篇文章係轉載，咁已經等同盜竊。而且文章係以第一身敘述事件，再加埋危言聳聽嘅標題，呢位網民分明係存心以虛構嘅情節誤導公眾，等人以為台灣已經受到乒乓假蛋侵襲。就算佢只係想提醒公眾要小心假蛋，咁做都係絕對唔應該。用造假手段叫人提防造假，根本就係賊喊捉賊，咁同啲人用暴力手段爭取民主又有乜分別呢？！
記得以前學校教過「曾參殺人」呢個典故，不過係中學定小學就一啲印象都冇嘞。唔知而家學校仲有冇教呢？
雖然啲蛋出現咗變異，但係始終係真嘢。不過好多人硬係神經過敏，一發現啲蛋有些微異樣，就一口咬定係假嘢。喺網上隨便摷吓，好容易就揾到大量報告買到乒乓假蛋嘅網頁。其中呢篇題為「我居然买到了假鸡蛋！」嘅文章可謂圖文並茂，難得啲相仲好清晰添。作者除咗同廣大網民分享佢買到假蛋嘅經歷，亦教埋大家點樣分辨假蛋，都算係一個有心人喇。不過睇清楚啲相就真係笑到趴街，嗰啲根本就係真蛋，人頭博芋頭我都敢！如果可以造到由內至外都咁逼真，咁就唔係假蛋，而係一件完美嘅藝術品啦。應該攞去博物館俾人參觀，或者放喺魯班廟供奉。莫講話咁完美嘅技術，就算只係做到可以亂真嘅蛋殼，都已經係一條財路啦，絕對可以賣去南非囉，嗰度啲鴕鳥蛋殼都不知賣得幾貴！
大家可能會覺得我太武斷，喺冇實質證據支持嘅情況下就作出結論。為咗證明真蛋可以變成乒乓蛋，琴晚特登買咗四隻雞蛋做實驗，一於嚟個以身試蛋。首先，煮飯用咗三隻蛋，整咗個XO醬金菇炒蛋。講開又講，XO醬係私房出品，幾正架，而個餸都整得唔錯，送飯最啱。測試結果係，啲蛋外觀好正常，又有蛋味，絕對係真嘢。淨番嗰隻蛋就放入冰格雪一晚，今朝烚嚟做早餐。烚咗大約三十分鐘，隻蛋肯定熟透。首先食蛋白，口感比較淋，不過味道就好正常。跟住攞個蛋黃做彈力測試，因為最後仲要試味，所以冇掟落地下，而係掟落隻碗。結果蛋黃冇碎到，而係好似膠波咁彈吓彈吓。然後做壓力測試，輕輕㩒吓，感覺幾實淨，仲有少少彈性。再大力啲，隻蛋黃㩒到扁咗都冇散到。將隻蛋黃開邊，就發覺斷口質感比較光滑，同一般熟蛋黃有啲分別。再用一邊蛋黃做壓力測試，仍然冇散到，只係出現咗一條裂痕。最後係試食，口感實中帶爽，完全唔係熟蛋黃嗰種粉嘅感覺。至於味道方面，就同正常蛋黃冇乜分別。綜合各項測試結果，同網上嘅乒乓蛋描述完全冇分別。所以我嘅結論係，零下低溫的確可以令蛋黃產生變異。如果再將隻蛋搖晃幾粒鐘，效果可能會更明顯添。當然啦，我雖然有求證精神，但係就點都唔會傻到咁做囉。
講到嗰位覺得自己買咗假蛋嘅網民，我只可以話佢無知。不過對於另一位網民，我就一定要用無恥嚟形容嘞。有個台灣網民發表咗一篇題為「假蛋已來台（請小心） ~ 大家要注意囉嗦 ! 」嘅文章，內容竟然係一字不漏咁喺上面提到嘅大陸網民嗰篇文章搬過嚟，只係冇搬到啲相啫。佢冇提到篇文章係轉載，咁已經等同盜竊。而且文章係以第一身敘述事件，再加埋危言聳聽嘅標題，呢位網民分明係存心以虛構嘅情節誤導公眾，等人以為台灣已經受到乒乓假蛋侵襲。就算佢只係想提醒公眾要小心假蛋，咁做都係絕對唔應該。用造假手段叫人提防造假，根本就係賊喊捉賊，咁同啲人用暴力手段爭取民主又有乜分別呢？！
記得以前學校教過「曾參殺人」呢個典故，不過係中學定小學就一啲印象都冇嘞。唔知而家學校仲有冇教呢？
Yerevan, Armenia
Ostrich egg shells, Johannesburg, South Africa
Ostrich egg handicraft, Johannesburg, South Africa
XO醬金菇炒蛋
實驗材料
實驗材料
烚完30分鍾
烚完30分鍾
壓力測試
開邊蛋黃
壓力測試
很早已聽聞過假雞蛋，不過唔識分，同埋我成日覺得整假蛋的成本應該高過真蛋，仲有人去整？
回覆刪除BTW，既然你食開嗰啲係真嘅，你食咩蛋？
呵呵，你真有心，又有探究精神。
回覆刪除咦，你個博嘅時鐘好似未校準噃。
回覆刪除我從來都唔信有假蛋！一隻雞蛋賣得幾多錢？假來做乜？
回覆刪除雞蛋焗三十分鐘，豈不是 un 哂囉？
各位：
回覆刪除根據網上資料，一隻假蛋嘅材料成本低於一毫，而批發價大約係三毫。如果用人手製作，一日最多只可以整到幾百隻，點睇都唔係一條財路。除非採用全自動生產線，但係咁又要計埋機器成本，而且被發現嘅風險又大好多。最重要嘅係，我根本唔相信假蛋可以做到同真嘅一樣！
Coffee,
我喺街市買蛋，一蚊一隻，相信係大陸貨。我絕對唔驚買到假蛋，因為冇可能分辨唔到。至於會唔會有蘇丹紅或者棉酚等有害物質，咁就真係冇得防嘞。唔緊要啦，我一個月都食唔到一次！
laulong,
我都知留言顯示嘅時間唔啱，不過我嘅設定肯定冇問題。冇辦法啦，Blogger一向問題多多，已經係眾所周知嘅事！
佛爺：
因為隻蛋喺冰格攞出嚟，冇解凍就用凍水煮，30分鐘差唔多架喇。最緊要係確保可以完全熟透，呢個係實驗所需，好唔好食就唔理得咁多囉！
真真佩服你既求真精神！
回覆刪除applause! 小弟最多做到否定假蛋既可行性，但完全無去嘗試複製一隻，佩服！
回覆刪除Ebenezer,
回覆刪除哈哈，其實都冇乜嘢啫，個實驗咁簡單，而且隻蛋又食番落肚，一啲都唔會嘥！
CM,
歡迎光臨！其實我係有啲睇唔過眼，點解咁多人會唔用自己個腦思考吓，淨係識得人云亦云呢！