之前講到高登仔條「蝗蟲天下MV」極度侮辱中國人，歌詞中就有咁嘅一句：蟲國化名叫支那。相信好多香港人都同我一樣，一早就知「支那」係對中國嘅蔑稱。但係國內人對「支那」一詞有幾反感，可能未必個個香港人都清楚嘞。今日想同大家分享吓幾年前喺網上見到嘅一單小風波，單嘢由「支那」一詞引起，亦令我明白到原來對於一個簡單嘅詞彙，唔同族群會有好唔同嘅感受。
話說幾年前追開韓劇，間中都會去吓有關網上討論區，不過只限於睇，從來唔會留言。有次睇到一個post，討論好踴躍，來自國內、香港、台灣嘅網民都有參與。其中有個睇嚟係韓劇專家嘅台灣妹，不斷提供資料，解答其他網民嘅問題。眾人談談笑笑，氣氛融洽到不得了，睇到我都有啲感動。大家都知啦，網上世界一向多紛爭，就算唔係討論時事或政治，喺啲娛樂討論區，網民都可以因為捧唔同嘅偶像而大吵大鬧。兩岸三地網民可以融洽相處，老實講，我真係好似未見過囉。
點知好景不常，就係因為兩個字，討論氣氛就即刻完全逆轉。台灣妹提到中國嘅時候，竟然用咗支那二字，雖然留言並冇負面意思。我估佢係綠營粉屎，平時喺台灣嗰邊用慣咗，一時唔記得改口啫，其實條留言並無惡意嘅。但係有大陸網民就不由分說，即刻留言鬧爆台灣妹。佢兩個原本仲傾得好投契，估唔到話反面就反面，竟然一啲先兆都冇。跟住其他大陸網民亦紛紛加入戰團，狂插之餘，仲扯埋兩岸議題嚟講。台灣妹不甘受辱，亦留言反擊，雖然只係單槍匹馬，仍然負隅頑抗。一時之間，韓劇討論區竟然極速變身成為政治討論區，仲犀利過變形金剛。而一班香港網民就消聲匿跡，似乎喺度隔岸觀火。最後台灣妹都係寡不敵眾，落得曳甲而逃，事件先得以平息。
大家可能會覺得喺事件之中，啲大陸網民實在係太敏感，台灣妹只係無心之失，唔需要有咁大反應。事實係，講到膚色、種族、宗教呢啲嘢，人會變得冇理性可言。就算係有爭拗，鬧乜都冇所謂，但係呢幾樣嘢就點都唔掂得，除非同對方有不共戴天之仇啦。喺大陸，支那二字已經同日本侵華扯上關係，肯定會牽動民族情緒，又難怪啲國內人會有咁大反應囉。
所以我話，高登仔喺歌詞裏面用咗呢兩個字，如果唔係無知，就係惡毒到極點！而韓劇討論區事件亦令我體會到另一樣嘢，原來人竟然可以喺一秒間變臉，真係勁過變色龍！
話說幾年前追開韓劇，間中都會去吓有關網上討論區，不過只限於睇，從來唔會留言。有次睇到一個post，討論好踴躍，來自國內、香港、台灣嘅網民都有參與。其中有個睇嚟係韓劇專家嘅台灣妹，不斷提供資料，解答其他網民嘅問題。眾人談談笑笑，氣氛融洽到不得了，睇到我都有啲感動。大家都知啦，網上世界一向多紛爭，就算唔係討論時事或政治，喺啲娛樂討論區，網民都可以因為捧唔同嘅偶像而大吵大鬧。兩岸三地網民可以融洽相處，老實講，我真係好似未見過囉。
點知好景不常，就係因為兩個字，討論氣氛就即刻完全逆轉。台灣妹提到中國嘅時候，竟然用咗支那二字，雖然留言並冇負面意思。我估佢係綠營粉屎，平時喺台灣嗰邊用慣咗，一時唔記得改口啫，其實條留言並無惡意嘅。但係有大陸網民就不由分說，即刻留言鬧爆台灣妹。佢兩個原本仲傾得好投契，估唔到話反面就反面，竟然一啲先兆都冇。跟住其他大陸網民亦紛紛加入戰團，狂插之餘，仲扯埋兩岸議題嚟講。台灣妹不甘受辱，亦留言反擊，雖然只係單槍匹馬，仍然負隅頑抗。一時之間，韓劇討論區竟然極速變身成為政治討論區，仲犀利過變形金剛。而一班香港網民就消聲匿跡，似乎喺度隔岸觀火。最後台灣妹都係寡不敵眾，落得曳甲而逃，事件先得以平息。
大家可能會覺得喺事件之中，啲大陸網民實在係太敏感，台灣妹只係無心之失，唔需要有咁大反應。事實係，講到膚色、種族、宗教呢啲嘢，人會變得冇理性可言。就算係有爭拗，鬧乜都冇所謂，但係呢幾樣嘢就點都唔掂得，除非同對方有不共戴天之仇啦。喺大陸，支那二字已經同日本侵華扯上關係，肯定會牽動民族情緒，又難怪啲國內人會有咁大反應囉。
所以我話，高登仔喺歌詞裏面用咗呢兩個字，如果唔係無知，就係惡毒到極點！而韓劇討論區事件亦令我體會到另一樣嘢，原來人竟然可以喺一秒間變臉，真係勁過變色龍！
Souvenir bought in South Africa
其實那些高登仔在自我沉淪！作果Ｄ咁無品既歌，就算英國人錫住佢對英國夠忠心，倫敦音樂學院都唔會頒獎比佢！
回覆刪除佛爺：
回覆刪除其實我都覺得班高登仔好犯賤，到今日仲對英國忠心耿耿！如果人地真係對班友有情義，香港回歸嗰時就收容晒佢地啦！直頭好似啲棄婦咁，明明係俾人拋棄咗，都仲要掛住個負心嘅前度劉郎！
你提到”掛住個負心嘅前度劉郎！”，劉郎=laulong!?校長唔好打我！ XD
回覆刪除minor,
回覆刪除哈哈，你嘅挑撥離間係唔會得逞架，我絕對相信校長唔會因為我嘅無心之失而玩變臉囉！
哈哈，負心？我......我認唔認好呢？哎吔，哩次再係 auo 爆頭喇，留番俾同我曾經 (一起)過嘅女生評斷喇！
回覆刪除但係李商隱哩首無題，我超鍾意：
來是空言去絕蹤，月斜樓上五更鐘。夢為遠別啼難喚，書被催成墨未濃。蠟照半籠金翡翠，麝熏微度繡芙蓉。劉郎已恨蓬山遠，更隔蓬山一萬重！
講開講，我大一(可能大二)同個姓黃嘅哲學佬抝「支那」有冇貶義，個哲學佬話冇喎，佢今日喺中大教緊哲學呀，呵呵！
回覆刪除高登仔有訴求，點解唔正正經經表達？佢地用dirty嘅手法去表達不滿，即使背後原因有幾大道理，都會給沾上汚點，何必？
回覆刪除我諗到嗰個女仔以一敵眾都好犀利，俾著我早閃埋一、二邊了！
回覆刪除其實我都唔係幾鍾意呢兩個字。話時話，我冇去過你話果個討論區！到底佢地係無知定係咁毒呢？
回覆刪除重有，校長真係犀利，咁都可以吟返首詩！呢度登時好有詩意呀！！
laulong,
回覆刪除摷過「前度劉郎」嘅典故，原來係出自劉禹錫嘅詩句「前度劉郎今又來」。哈哈，即係玩翻撻啦！至於「支那」，據聞係隋唐時來自梵文佛經嘅譯音，意指中國，本來並無貶義。因為日本長期以來都用「支那」作為對中國嘅稱呼（其實亦無貶義），自從日本侵華之後，絕大多數中國人都將呢個詞理解為對中國嘅蔑稱。語文會不斷演化，拘泥於詞彙起源其實冇乜意義，應該以今人理解為準。
Ebenezer,
哈哈，如果高登仔會正正經經表達訴求，佢地就唔係高登仔啦！班友根本係鍾意搞事，會唔會有反效果，咁就唔喺佢地嘅考慮範圍喇！
Coffee,
所以我估佢係綠營粉屎囉！為咗共同興趣，佢可以同大陸網民和平交流。但係一牽涉到兩岸議題，就死都同你撐到行！
SKII,
睇番整體歌詞，班友當然係明知故犯啦！哈哈，講到李商隱嘅詩，我都識一啲架，最鍾意係以下幾首：
錦瑟無端五十弦，一弦一柱思華年。莊生曉夢迷蝴蝶，望帝春心托杜鵑。滄海月明珠有淚，藍田日暖玉生煙。此情可待成追憶，只是當時已惘然。
相見時難別亦難，東風無力百花殘。春蠶到死絲方盡，蠟炬成灰淚始乾。曉鏡但愁雲鬢改，夜吟應覺月光寒。蓬山此去無多路，青鳥殷勤為探看。
昨夜星辰昨夜風，畫樓西畔桂堂東。身無彩鳳雙飛翼，心有靈犀一點通。隔座送鉤春酒暖，分曹射覆蠟燈紅。嗟余聽鼓應官去，走馬蘭台類轉蓬。