少年聽雨歌樓上， 紅燭昏羅帳。 壯年聽雨客舟中， 江闊雲低斷雁叫西風。
而今聽雨僧廬下， 鬢已星星也。 悲歡離合總無情， 一任階前點滴到天明。
早幾日校長留言時引咗蔣捷嘅虞美人（聽雨）其中兩句，令我忽然諗起一位故人。
已經係九十幾年前嘅事，嗰時我仲好後生，得廿幾歲。有日同一個同事傾開偈，佢問我知唔知道蔣捷嘅聽雨，仲話呢首係佢最鍾意嘅詞。咁我當然係唔知啦，中學中文科冇教過嘅詩詞，有乜可能會知呢？再講，蔣捷又唔算好出名。換轉係李煜嘅詞，就算冇教過，我都識得兩三首囉。所以當時覺得好奇怪，唔明點解佢會識，佢細我兩三年，照理都唔會讀過呢首詞啫。
至於首詞本身，嗰時亦唔係太識欣賞，淨係覺得佢幾押韻。同係虞美人，當時梗係喜歡李煜嗰首啦。話時話，傷春悲秋嘅嘢，我到而家都鍾意架。
不過今日再睇番，先覺得蔣捷首虞美人都係咁正。喺文字方面，作者嘅功力絕對無容置疑。押韻唔在講，將上、中、下三字扣入少年、壯年、同老年，直頭巧妙到巔毫！而且寥寥數十字，就講出由少年到老年嘅心境變化，真係高呀！
最正係可以令人產生共鳴，當然啦，要好似我呢啲風燭殘年嘅老人家先體會到囉。少年留連酒廊聽歌、壯年返工途中喺天星小輪聽walkman、而家乜都睇化晒，匿喺板間房等Dr. Dylan播歌，我嘅歷程簡直同首詞講嘅如出一轍呀！
呢首詞同苦瓜（唔係陳奕迅首歌）有啲相似，都係上咗年紀先識欣賞。而家諗番又奇怪嘞，上面提及嗰位同事，當年都只係二十出頭，真係唔明佢點解會鍾意呢首詞。佢97前移咗民去加拿大，之後就冇再聯絡，近況係點我完全唔清楚。幾年前聽另一位舊同事講，話佢已經肥到隻豬咁，應該係生活得相當幸福。忽然又有個疑問，唔知佢而家仲係咪咁鍾意呢首詞呢？
而今聽雨僧廬下， 鬢已星星也。 悲歡離合總無情， 一任階前點滴到天明。
早幾日校長留言時引咗蔣捷嘅虞美人（聽雨）其中兩句，令我忽然諗起一位故人。
已經係九十幾年前嘅事，嗰時我仲好後生，得廿幾歲。有日同一個同事傾開偈，佢問我知唔知道蔣捷嘅聽雨，仲話呢首係佢最鍾意嘅詞。咁我當然係唔知啦，中學中文科冇教過嘅詩詞，有乜可能會知呢？再講，蔣捷又唔算好出名。換轉係李煜嘅詞，就算冇教過，我都識得兩三首囉。所以當時覺得好奇怪，唔明點解佢會識，佢細我兩三年，照理都唔會讀過呢首詞啫。
至於首詞本身，嗰時亦唔係太識欣賞，淨係覺得佢幾押韻。同係虞美人，當時梗係喜歡李煜嗰首啦。話時話，傷春悲秋嘅嘢，我到而家都鍾意架。
不過今日再睇番，先覺得蔣捷首虞美人都係咁正。喺文字方面，作者嘅功力絕對無容置疑。押韻唔在講，將上、中、下三字扣入少年、壯年、同老年，直頭巧妙到巔毫！而且寥寥數十字，就講出由少年到老年嘅心境變化，真係高呀！
最正係可以令人產生共鳴，當然啦，要好似我呢啲風燭殘年嘅老人家先體會到囉。少年留連酒廊聽歌、壯年返工途中喺天星小輪聽walkman、而家乜都睇化晒，匿喺板間房等Dr. Dylan播歌，我嘅歷程簡直同首詞講嘅如出一轍呀！
呢首詞同苦瓜（唔係陳奕迅首歌）有啲相似，都係上咗年紀先識欣賞。而家諗番又奇怪嘞，上面提及嗰位同事，當年都只係二十出頭，真係唔明佢點解會鍾意呢首詞。佢97前移咗民去加拿大，之後就冇再聯絡，近況係點我完全唔清楚。幾年前聽另一位舊同事講，話佢已經肥到隻豬咁，應該係生活得相當幸福。忽然又有個疑問，唔知佢而家仲係咪咁鍾意呢首詞呢？
Uluru, Australia
Uluru, Australia
Ngorongoro, Tanzania
Ngorongoro, Tanzania
作者是否運用咗最後果句，暗喻自己前列腺有事呢？
回覆刪除Ebenezer,
回覆刪除哈哈，係腎虧呀，嗰時嘅人係唔知道前列腺呢樣嘢架！
又強說愁了！邊得嚟咁快活嘅風燭殘年，三、五、七週又去作深度旅行。
回覆刪除Coffee,
回覆刪除唉，就係因為年在桑榆，所以先趁著仲行得走得，盡量去多啲想去嘅地方囉！
我而家先識呢首詞，謝謝介紹。
回覆刪除另，次次啲相都咁靚！
你去旅遊，多過專業導遊呀！嘻嘻！
回覆刪除Arma，那些年那些人，是在 O&M 的日子嗎？
回覆刪除呀，你啲相，雲影似幻，真係好靚!!
SKII,
回覆刪除哈哈，唔好咁客氣啦！
佛爺：
哈哈，使乜講！對於專業導遊嚟講，出團係工作，唔算旅遊囉！
laulong,
唔係O&M，係再之前嗰份工。至於O&M啲同事，根本就唔會講詩詞歌賦，講嫖賭飲吹就有份！