聖誕玩邊科？當然唔係去啲失身派對啦，呢家嘢都係比較啱細路多啲。再講，我呢啲老餅都已經失無可失啦！
其實都好無聊吓，連續兩年聖誕都玩自拍，仲要係喺啲九唔搭八嘅地方添。前年喺坦桑尼亞，舊年喺印度，除咗酒店有棵聖誕樹，基本上全無聖誕氣氛可言。話時話，用掛喺聖誕樹嘅波波玩自拍又真係有些少創意架！
喺印度都好啲，聖誕嗰日由大吉嶺去錫金，沿途可以見到雪山，算係過咗個白色聖誕，雖然比較遙遠咗啲。坦桑尼亞嗰次就真係完全冇聖誕feel嘞，喺塞倫蓋蒂草原，除咗禽獸就乜都冇。
講到同聖誕最有關係嘅地方，我諗都應該係馬槽教堂嘞。不過去嘅時候係夏天，熱到人都融，完全聯想唔到聖誕節。
都唔知點解，自從升呢做咗老餅之後，聖誕節無論係喺香港過，抑或係去咗旅行，都硬係覺得冇乜氣氛。莫講話屋企唔會有任何聖誕佈置，甚至連燈飾都費事去睇添。唔知其他老人家係咪都係咁嘅呢？
其實都好無聊吓，連續兩年聖誕都玩自拍，仲要係喺啲九唔搭八嘅地方添。前年喺坦桑尼亞，舊年喺印度，除咗酒店有棵聖誕樹，基本上全無聖誕氣氛可言。話時話，用掛喺聖誕樹嘅波波玩自拍又真係有些少創意架！
喺印度都好啲，聖誕嗰日由大吉嶺去錫金，沿途可以見到雪山，算係過咗個白色聖誕，雖然比較遙遠咗啲。坦桑尼亞嗰次就真係完全冇聖誕feel嘞，喺塞倫蓋蒂草原，除咗禽獸就乜都冇。
講到同聖誕最有關係嘅地方，我諗都應該係馬槽教堂嘞。不過去嘅時候係夏天，熱到人都融，完全聯想唔到聖誕節。
都唔知點解，自從升呢做咗老餅之後，聖誕節無論係喺香港過，抑或係去咗旅行，都硬係覺得冇乜氣氛。莫講話屋企唔會有任何聖誕佈置，甚至連燈飾都費事去睇添。唔知其他老人家係咪都係咁嘅呢？
Lake Manyara National Park, Tanzania
Serengeti, Tanzania
Kolkata, India
Darjeeling, India
Gangtok, Sikkim, India
Church of Nativity, Bethlehem, Israel
Nativity Star, Church of Nativity, Bethlehem, Israel
像我同你嘅年紀，對節日淡然係好正常咯，所謂「而今聽雨僧廬下， 鬢已星星也。悲歡離合總無情， 一任階前點滴到天明。」
回覆刪除聖誕、新年都已經好平常。
猶太人和耶和華見證會，也不慶功聖誕節的。
回覆刪除你都話升呢才對聖誕新年無動於衷，我早就不願意去湊熱鬧。
回覆刪除我呢幾年都冇出街啦，通常都係約埋三五知己喺屋企慶祝（食吓嘢，飲吓酒咁），又唔使同人迫，又唔使被人劏，又有少少氣紛咁，都OK啦。
回覆刪除Derek
先兩年聖誕，我屋企成為咗聖誕冇街去女子收容中心，今年冇人話要求收容，睇嚟今年出面嘅市況都幾好咁喎^^
回覆刪除哈哈，你真係一個有創意的自戀狂！另，啲相好靚呀！
回覆刪除laulong,
回覆刪除哈哈，校長你肯定係凡心未淨啦，「而今聽雨僧廬下」云云，不可信也！如果改為「而今聽雨歌樓上，紅燭昏羅帳」，咁就差唔多！
佛爺：
猶太教、基督教、同伊斯蘭教嘅關係千絲萬縷，佢地啲嘢我真係完全搞唔清囉！
Coffee,
我都冇咗趁熱鬧嘅習慣好耐喇，唔止過年唔會去行花市同睇煙花，連中秋節都唔會出街望吓個月光！
Derek,
哈哈，估唔到你都係老餅心態喎！其實喺屋食吓嘢飲吓酒，都係一種生活情趣，一樣可以好享受架！
Ebenezer,
聖誕就算冇人約，啲女子通常寧願留喺屋企ou臭，都唔會求人收容架，除非佢地已經當咗你係自己人啦！你有咁多紅顏知己，真係令人羨慕呀！
SKII,
哈哈，自戀就有啲，不過應該未算狂囉！另外多謝你讚我啲相呀！