搭飛機成日見到人用吹氣頸枕，好似好過癮咁。但係我就唔會用嘞，一來箍實條頸唔舒服，而且面料唔透氣，隨時焗到出晒汗，就算做咗絨面都係咁話。
最近跟鴨仔團送咗個頸枕，呢個就唔同嘞，冇晒以上缺點，因為唔係吹氣嗰隻。個頸枕用咗透氣面料，裏面係細細粒嘅發泡膠珠，感覺好柔軟、好舒服。不過咁，我嘅評語只有五個字：得物無所用！
個頸枕摺唔埋，去旅行當然唔會帶件咁bulky嘅嘢。而且件嘢喺屋企又用唔着，咁仲唔係得物無所用？總之屋企又多咗件雞肋贈品啦。
講真，個頸枕都算幾精美，揼咗佢又好似嘥啲。咁唯有搜索枯腸，諗吓件嘢仲有冇留低嘅價值啦。哈哈，卒之俾我諗到喇，就係用佢嚟玩變身（見圖）！
齊天大聖有七十二變，我就覺得少咗啲嘞，有件道具幫手，起碼都要做到百變啦。雖然而家只得六種變化，不過以本人嘅創意，要諗多九十四種都只係時間問題啫。無聊？我認架！哈哈，古人都講啦：不作無聊之事，何遣有涯之生！
最近跟鴨仔團送咗個頸枕，呢個就唔同嘞，冇晒以上缺點，因為唔係吹氣嗰隻。個頸枕用咗透氣面料，裏面係細細粒嘅發泡膠珠，感覺好柔軟、好舒服。不過咁，我嘅評語只有五個字：得物無所用！
個頸枕摺唔埋，去旅行當然唔會帶件咁bulky嘅嘢。而且件嘢喺屋企又用唔着，咁仲唔係得物無所用？總之屋企又多咗件雞肋贈品啦。
講真，個頸枕都算幾精美，揼咗佢又好似嘥啲。咁唯有搜索枯腸，諗吓件嘢仲有冇留低嘅價值啦。哈哈，卒之俾我諗到喇，就係用佢嚟玩變身（見圖）！
齊天大聖有七十二變，我就覺得少咗啲嘞，有件道具幫手，起碼都要做到百變啦。雖然而家只得六種變化，不過以本人嘅創意，要諗多九十四種都只係時間問題啫。無聊？我認架！哈哈，古人都講啦：不作無聊之事，何遣有涯之生！
頸枕
大長今
鹹蛋超人
Spartan
Miffy
波霸
籮霸
haha, 波霸蘿霸最頂癮！
回覆刪除哈哈~~哈哈~~~太好笑喇！好有創意！
回覆刪除十個讚！！ XDDDDD
回覆刪除哈哈....咁都俾你諗到，like~~
回覆刪除laulong,
回覆刪除哈哈，如果有兩個頸枕就仲頂癮呀！咁就可以有前有後打死罷就啦！
Coffee,
哈哈，無聊人梗係特別多無聊主意啦！
xiao zhu,
哈哈，十個多謝！
Jessica,
哈哈，諗都唔算好難，要玩埋自拍先難囉，尤其係Miffy嗰個造型！
我聽說過，如果有痔瘡，用嚟做坐墊最好。。。
回覆刪除eric,
回覆刪除哈哈，咁樣用過，我驚個頸枕會有異味喎！
哈哈！你突然想做女人？
回覆刪除佛爺：
回覆刪除哈哈，唔係只有女人先想有前有後架！