2016年6月7日星期二

點解新加坡得香港唔得?

同係彈丸之地,點解新加坡作為一個獨立國家可以咁成功而香港就冇條件獨立呢?原因有三:

1)當初係大馬自願放棄新加坡
2)新加坡冇民主
3)新加坡有李光耀

想搞港獨嘅朋友,你地可以繼續宣揚你地嘅港獨理念,不過就唔好再攞新加坡做例子,話點解新加坡得香港唔得,否則只會自暴其短,俾世人見到你地有幾幼稚無知。至於以上三點,我就唔多作解釋嘞,咁顯淺嘅道理,智力正常嘅人都應該會明白。

講開又講,李光耀真係一代政治巨人,只係掌管小小鼻屎國,兩個字:嘥料!講開又再講,當年中大生抗議校方向李光耀頒授榮譽博士學位,我只可以贈佢地六個字:夏蟲不可語冰!

網上圖片

9 則留言:

  1. 因為馬拉佬冇屎用囉!就喺咁簡單。

    回覆刪除
  2. 佛爺:

    馬拉佬屎都未夠,仲要坡佬自己掂先得。新加坡可以咁成功,主要係基於一男子因數囉!

    回覆刪除
  3. 好耐唔見啦,一切安好?

    回覆刪除
  4. Coffee,
    冇穿冇爛咁啦!本來諗住眼不見為乾淨,不過班友越搞越離譜,最後都係忍無可忍,蒲頭鬧番兩句囉。

    回覆刪除
  5. 好地地又邊會有人捻咁多野
    又,你都阻止唔到人地捻野架
    況且勢已成不可阻,報應啊!

    回覆刪除
  6. 詩白爾:
    我鬧又好,恥笑班友又好,呢啲係我嘅言論自由。我從來冇試圖或意圖阻止任何人發聲,最鍾意用暴力阻止異見者發聲嘅反而係嗰啲自稱捍衛民主嘅人囉!至於話報應,我地又不妨放長雙眼睇下,如果社會習慣咗用暴力解決問題,究竟係邊啲人嘅損失最大。我好肯定,絕對唔會係我地呢啲風燭殘年嘅老餅!

    回覆刪除
    回覆
    1. 大風大浪面前,如果老一輩以為會損失少D實在短視,而家醫學昌明人人長命,除非你自殺否則政府同班後生都想與你一齊見証你口中的「損失」,仲有「習慣咗用暴力解決問題」o既社會

      在此真心祝你壽比南山對眼夠長,唔好死

      刪除
  7. 詩白爾:
    首先你要明白唔同人有唔同嘅選擇,如果咁都唔明,你根本就唔配講民主。你當然可以行使你嘅自由,前提係唔可以侵害其他人嘅自由。好多上咗年紀嘅人選擇返大陸養老,咁就證明唔係個個都好似你地咁覺得大陸完全唔可以接受。你憑乜嘢話人地錯晒你啱晒呢?咁你嘅遠見又係乜呢?香港建國?用磚頭殲滅晒啲解放軍?奉勸你唔好搞埋晒啲乜嘢磚頭革命,否則你隨時死得早過我囉。既然你咁唔鍾意做中國人,點解你唔好好裝備自己,移民去英美加澳紐呢啲民主國家呢?係咪要搞到大家一鑊熟,你先覺得開心呢?

    回覆刪除