呢排忙於開檯，搞到連鬧人都唔得閒添。不過班港毒騎呢怪咁Q樣衰，唔鏟吓又硬係周身唔舒服。班友都唔知乜嘢心態，咁唔鍾意做中國人就死去移民啦！賴死唔走已經夠樣衰，仲要喺度搞事累街坊，因住生仔冇咕咕呀！
言歸正傳，喺雀王會館打咗大半個月躉，今日終於叫做小有成就嘞。啱啱已經打到排名50位，晉身銀雀士行列。雖然距離上榜目標仲有好遠，但係點都起到啲鼓勵作用囉。其實琴日朝早已經打到51位，本來諗住好快可以晉級，點知最後打咗成日，攞多七百幾分先上到一位，真係辛苦過擔泥。
當然啦，我都知爭取排名位置會越嚟越難。不過之前做咗個數據分析，本人嘅每日進帳多過晒榜首嗰7位，要上榜理論上都只係時間問題囉。但係早兩日喺排行榜見到啲異動，唔止俾佢嚇親，仲連信心都打殘埋添。原本排第二嘅陳主任，喺一日內竟然攞到八千幾分，取代咗kkpang嘅榜首位置。喺其中一個58分鐘嘅時段，陳主任就有972分進帳，都咪話唔得人驚。
雀王會館最大打到10番，而且食糊要四抽一。如果食自摸10番，扣咗抽水就會有57.6分進帳。即係話，陳主任喺58分鐘嘅進帳，竟然相當於食咗17鋪自摸10番，你話得唔得人驚？
一直以為，同榜首嗰幾位爭咁遠，只係輸喺起步點。完全冇諗過，原來真係有咁嘅絕世高手。莫講話追，就算想跟佢尾食塵都冇可能。究竟陳主任點解可以咁勁呢，唔通副牌係佢「挑」嘅？
言歸正傳，喺雀王會館打咗大半個月躉，今日終於叫做小有成就嘞。啱啱已經打到排名50位，晉身銀雀士行列。雖然距離上榜目標仲有好遠，但係點都起到啲鼓勵作用囉。其實琴日朝早已經打到51位，本來諗住好快可以晉級，點知最後打咗成日，攞多七百幾分先上到一位，真係辛苦過擔泥。
當然啦，我都知爭取排名位置會越嚟越難。不過之前做咗個數據分析，本人嘅每日進帳多過晒榜首嗰7位，要上榜理論上都只係時間問題囉。但係早兩日喺排行榜見到啲異動，唔止俾佢嚇親，仲連信心都打殘埋添。原本排第二嘅陳主任，喺一日內竟然攞到八千幾分，取代咗kkpang嘅榜首位置。喺其中一個58分鐘嘅時段，陳主任就有972分進帳，都咪話唔得人驚。
雀王會館最大打到10番，而且食糊要四抽一。如果食自摸10番，扣咗抽水就會有57.6分進帳。即係話，陳主任喺58分鐘嘅進帳，竟然相當於食咗17鋪自摸10番，你話得唔得人驚？
一直以為，同榜首嗰幾位爭咁遠，只係輸喺起步點。完全冇諗過，原來真係有咁嘅絕世高手。莫講話追，就算想跟佢尾食塵都冇可能。究竟陳主任點解可以咁勁呢，唔通副牌係佢「挑」嘅？
雀王排行榜
頭銜：銀雀士
唉，挑戰前 10 由你去做咯，我依家仲係 117, 越黎越難打，其餘三家郁啲就食糊，有時牌靚靚都冇用。
回覆刪除陳主任 58 分鐘進帳，相當於食咗17 鋪自摸10番，基本上真係冇可能，因為對手都會食糊。不過去到金雀士係可以進入唔抽水嘅會館，咁樣進分又會快啲。
唔好話呢位陳主任，剩係你晉級得咁快，我已經覺得不可思議啦！
回覆刪除我打真麻雀就試過供到人自摸十二章，仲要係第一舖。陰功！包哂！皆因唔信邪。
回覆刪除laulong,
回覆刪除挑戰排行榜而家諗都唔敢諗喇，班友發起威上嚟根本唔係人咁品架！陳主任當然唔使講，原來Wongfanny都超勁，12粒鐘就打咗5千幾分！另外一位新上榜嘅黃Sir亦超晒班，20分鐘打咗321分！佢地唔係人嚟架，根本就係雀神！
Coffee,
我只係磨爛蓆啫，班雀神先勁呀，簡直係匪夷所思！同佢地根本冇得比，連跟尾食塵都未夠資格囉！
佛爺：
我有一鋪仲黑仔呀！上家九張落地，有上有碰，諗住最多都係輸7番啫，咪打隻牌出去囉。點知佢槓我隻牌，跟住食埋槓返嚟嗰隻添，無啦啦變成我要包自摸9番！哈哈，好彩唔係打真嘅啫！
哇，咁真係好難追！班大帝咁鬼勁，可以約佢地出黎打真牌就好，可以見識下！
回覆刪除laulong,
回覆刪除哈哈，追鬼追馬咩，班友係老千嚟架！