國慶日發生嚴重海難，令人震驚同難過之餘，亦帶出咗一個我地以前好少注意嘅問題，原來坐船都可以好危險！
事隔兩日，越南下龍灣亦發生撞船事件，令到五名台灣遊客魂斷異鄉。事實上，涉及觀光船嘅嚴重事故，喺下龍灣並唔罕見。舊年二月就有觀光船因為船身入水而迅速沉沒，導致十二人死亡。單嘢喺半夜發生，啲遊客喺船艙瞓晒覺，直頭死咗都唔知乜事。據聞事發後有關當局禁止觀光船提供夜宿安排，但係過咗一日就解禁，都咪話唔搞笑。梗係啦，多數遊客去下龍灣都唔止玩一日，而且通常會選擇喺觀光船過夜，如果禁止夜宿，當地旅遊從業員肯定要食穀種囉。
事實上，又真係有好多遊客唔怕死，本人就係其中之一。單嘢發生咗兩個月，我就去下龍灣玩嘞，仲喺船上過咗一晚添。喺船過夜有好多好處，黃昏可以睇日落，朝早可以睇日出，又可以慳番一晚酒店，真係何樂而不為。講真，話唔怕死就假嘅，所以當晚臨瞓前，我一直提醒自己要醒瞓啲。不過事與願違，一瞓就瞓到隻死豬咁，到第二朝鬧鐘鬧先識醒。好彩冇嘢發生，仲睇到相當唔錯嘅日出添。
話時話，都唔知點解去親旅行都會有遊船河，就算係去內陸地方，都會安排遊河或者游湖。玩緊嘅時候當然唔識驚，不過而家諗番，其實真係要揾命博架。因為如果有乜意外，就算有救生衣都未必救到命。
有次去巴西玩，行程包括亞馬遜森林探險，其中重頭戲係遊河釣食人䱽。叫得做探險，坐嘅當然唔係大船，而係又窄又長嘅機動艇仔。呢類艇仔本身就唔係咁安全，因為比較容易反。而我自己又成日企起身影相，其實咁都幾危險吓，一失平衡就會跌落水。如果跌落水就大鑊喇，浸就未必浸得死，不過喺幾分鐘內就會俾啲食人䱽到得番棚骨囉！
咁都未算最恐怖，起碼都叫做有得剩。今年去博茨瓦納嘅Chobe Delta，就有坐船遊河環節，提供唔同角度睇番兩岸野生動物。不過見到最多嘅動物，並唔係羚羊水牛河馬，而係食人唔𦧲骨嘅大鱷，估計應該仲有好多喺水裏面冇蒲到頭添。鱷魚唔識咀嚼，只會將獵物撕開一大塊一大塊，連骨帶肉咁吞。如果跌落水，隨時會落得屍骨無存，都咪話唔得人驚。不過隻船都算大，坐到幾十人，應該比較安全，當時係咁諗囉。
咪以為水裏面冇食人怪物，而又著住救生衣就冇有怕。好多年前去紐西蘭，就坐橡皮艇玩過Tasman Glacier嘅Terminal Lake。個湖同冰川連接，由剛融化嘅雪水形成，水溫接近零度。喺水裏面浸幾分鐘，就有可能死於低溫症，所以就算有救生衣都冇用。
古語有云，行船跑馬三分險，不過當玩到興高采烈嘅時候，又有幾多人會察覺到當中隱伏嘅危機呢，起碼我自己就冇嘞。見到今次咁嚴重嘅海難，先知道世事無常，乜都可以隨時發生，咁係咪要審視吓應唔應該再玩啲有潛在危險嘅活動呢？不過諗深一層，既然乜都可以隨時發生，真係想避都未必避到啦。落街可能俾人跳樓責死，留喺屋企又有機會俾隔籬開煤氣自殺炸死。所謂該死唔使病，邊驚得咁多啫！趁而家仲行得走得，都係有得玩就玩，一於馬照跑船河照遊！
事隔兩日，越南下龍灣亦發生撞船事件，令到五名台灣遊客魂斷異鄉。事實上，涉及觀光船嘅嚴重事故，喺下龍灣並唔罕見。舊年二月就有觀光船因為船身入水而迅速沉沒，導致十二人死亡。單嘢喺半夜發生，啲遊客喺船艙瞓晒覺，直頭死咗都唔知乜事。據聞事發後有關當局禁止觀光船提供夜宿安排，但係過咗一日就解禁，都咪話唔搞笑。梗係啦，多數遊客去下龍灣都唔止玩一日，而且通常會選擇喺觀光船過夜，如果禁止夜宿，當地旅遊從業員肯定要食穀種囉。
事實上，又真係有好多遊客唔怕死，本人就係其中之一。單嘢發生咗兩個月，我就去下龍灣玩嘞，仲喺船上過咗一晚添。喺船過夜有好多好處，黃昏可以睇日落，朝早可以睇日出，又可以慳番一晚酒店，真係何樂而不為。講真，話唔怕死就假嘅，所以當晚臨瞓前，我一直提醒自己要醒瞓啲。不過事與願違，一瞓就瞓到隻死豬咁，到第二朝鬧鐘鬧先識醒。好彩冇嘢發生，仲睇到相當唔錯嘅日出添。
話時話，都唔知點解去親旅行都會有遊船河，就算係去內陸地方，都會安排遊河或者游湖。玩緊嘅時候當然唔識驚，不過而家諗番，其實真係要揾命博架。因為如果有乜意外，就算有救生衣都未必救到命。
有次去巴西玩，行程包括亞馬遜森林探險，其中重頭戲係遊河釣食人䱽。叫得做探險，坐嘅當然唔係大船，而係又窄又長嘅機動艇仔。呢類艇仔本身就唔係咁安全，因為比較容易反。而我自己又成日企起身影相，其實咁都幾危險吓，一失平衡就會跌落水。如果跌落水就大鑊喇，浸就未必浸得死，不過喺幾分鐘內就會俾啲食人䱽到得番棚骨囉！
咁都未算最恐怖，起碼都叫做有得剩。今年去博茨瓦納嘅Chobe Delta，就有坐船遊河環節，提供唔同角度睇番兩岸野生動物。不過見到最多嘅動物，並唔係羚羊水牛河馬，而係食人唔𦧲骨嘅大鱷，估計應該仲有好多喺水裏面冇蒲到頭添。鱷魚唔識咀嚼，只會將獵物撕開一大塊一大塊，連骨帶肉咁吞。如果跌落水，隨時會落得屍骨無存，都咪話唔得人驚。不過隻船都算大，坐到幾十人，應該比較安全，當時係咁諗囉。
咪以為水裏面冇食人怪物，而又著住救生衣就冇有怕。好多年前去紐西蘭，就坐橡皮艇玩過Tasman Glacier嘅Terminal Lake。個湖同冰川連接，由剛融化嘅雪水形成，水溫接近零度。喺水裏面浸幾分鐘，就有可能死於低溫症，所以就算有救生衣都冇用。
古語有云，行船跑馬三分險，不過當玩到興高采烈嘅時候，又有幾多人會察覺到當中隱伏嘅危機呢，起碼我自己就冇嘞。見到今次咁嚴重嘅海難，先知道世事無常，乜都可以隨時發生，咁係咪要審視吓應唔應該再玩啲有潛在危險嘅活動呢？不過諗深一層，既然乜都可以隨時發生，真係想避都未必避到啦。落街可能俾人跳樓責死，留喺屋企又有機會俾隔籬開煤氣自殺炸死。所謂該死唔使病，邊驚得咁多啫！趁而家仲行得走得，都係有得玩就玩，一於馬照跑船河照遊！
Halong Bay, Vietnam
Amazon River, Manaus, Brazil
Piranha, Amazon River, Manaus, Brazil
Crocodile, Chobe National Park, Botswana
Terminal Lake of Tasman Glacier, New Zealand
Terminal Lake of Tasman Glacier, New Zealand
哇，啲相勁靚！
回覆刪除行船走馬三分險，但美景當前，係要冒險一下喇！
你都好大膽，係船上瞓過夜！
回覆刪除laulong,
回覆刪除哈哈，其實遊船河都冇乜嘢，我反而最怕搭飛機，如果發生意外，基本上就係咁大囉！
Coffee,
所謂生死有命，有時都唔驚得咁多！而且驚都冇用，自己提高警覺最實際！
有一年我在多倫多北部的湖坐中型快艇遊島，風和日麗。但次年其中一隻快艇在風浪中沉沒，死了兩個鬼仔。我才詫異，那兒風平浪靜，原來會突然風起雲湧的。
回覆刪除你乜都玩過，美國大狹谷的六人飛機仔，你都一定坐過卦。
佛爺：
回覆刪除所以話呢，天有不測之風雲呀！坐飛機睇大狹谷我都試過，不過隻飛機唔算太細，坐到十幾人。
上個冬天，有一個非法雪上電單車大賽，現場有二百幾人觀戰，幾十部雪上電單車。突然來一個雪崩，蓋了幾十人，好彩現場人多，救番全部人。
回覆刪除有一個被雪蓋頭的鬼仔話，佢爬了幾呎，才見天日。
從新聞畫面看見，現場頗為平坦，雪從何而來？世事就是無奇不有的。
佛爺：
回覆刪除雖然話平坦，相信點都有少少坡度囉。就係因為唔算好斜，所以雪崩威力先冇咁勁，如果唔係點會一個人都冇死？！
睇完篇文，都係果句，啲相好靚，尤其第一張！
回覆刪除SKII,
回覆刪除哈哈，其實靚唔靚都冇乜所謂，啲相係冒住生命危險影架，紀念價值先最緊要！
大師的作品真精彩！尤其右上角那個Photo Gallery ~~
回覆刪除Jessica,
回覆刪除歡迎光臨！多謝你讚我啲相，但係「大師」一詞實在過譽，真係愧不敢當！